Read ახალი ქართულით, Modern Georgian Bible, 1982 მეორე ნეშტთა 22 Bible Online

მეორე ნეშტთა 22 - ახალი ქართულით, Modern Georgian Bible, 1982 bible

მეორე ნეშტთა 22

¹იერუსალიმის მცხოვრებლებმა მის ნაცვლად მისი უმცროსი ვაჟი ახაზია გაამეფეს, რადგან უფროსები ბანაკში შემოჭრილმა არაბებმა გაჟლიტეს. გამეფდა ახაზია, იუდას მეფის, იორამის ვაჟი.

²ორმოცდაორი წლისა იყო ახაზია, რომ გამეფდა, და ერთი წელი იმეფა იერუსალიმში. მისი დედა იყო ღოთოლია, ყომრის ასული.

³ისიც აქაბის სახლის გზით დადიოდა, ვინაიდან დედამისიურჩევდა ბოროტის ქმნას.

⁴უკუღმართად იქცეოდა უფლის თვალში, აქაბის სახლისმსგავსად, რადგან ისინი იყვნენ მისი მრჩევლები, მისდა საუბედუროდ.

⁵მათივე რჩევით დადიოდა და გაჰყვა იორამ აქაბის ძეს,ისრაელის მეფეს, არამის მეფესთან, ხაზაელთან საბრძოლველად გალაადისრამოთში; დაჭრეს არამელებმა იორამი.

⁶მობრუნდა, რომ იზრეყელში ემკურნალა ჭრილობებისთვის,რომლებიც მიაყენეს, როცა ხაზაელს, არამის მეფეს ეომებოდა. ჩამოვიდა ახაზიაიორამის ძე, იუდას მეფე, იზრეყელში იორამ აქაბის ძის სანახავად, რადგანავად იყო იგი.

⁷ღვთისგან იყო ახაზიას დაღუპვა იორამთან მისვლით.მისვლისთანავე იორამთან ერთად რომ გაილაშქრა იეჰუ ნიმშის ძეზე, რომელსაცუფალმა სცხო ახაბის სახლის დასაქცევად.

⁸როცა იეჰუ მსჯავრს სდებდა ახაბის სახლს, მოძებნა იუდასმთავარნი და ახაზიას ძმისწულნი, ახაზიას რომ ემსახურებოდნენ, და დახოცაყველანი.

⁹მოძებნა ახაზიაც და შეიპყრეს იგი, როცა სამარიაშიიმალებოდა, და მიჰგვარეს იეჰუს. მერე მოკლეს და დამარხეს, რადგან თქვეს:შვილია იოშაფატისა, რომელიც მთელი გულით ეძებდა უფალს. აღარავინ დარჩაახაზიას სახლში, მეფობა რომ შესძლებოდა.

¹⁰როცა ღოთოლიამ, ახაზიას დედამ დაინახა, რომ მოკვდა მისი ვაჟი, ადგა და გაწყვიტა იუდას სახლის მთელი სამეფო მოდგმა.

¹¹მაგრამ იეჰოშაბყათმა, მეფის ასულმა, აიყვანა იოაში, ახაზიას ვაჟი, და მოარიდა დასახოცავად განწირულ უფლისწულებს და თავის ძიძასთან ერთად საწოლ ოთახში გადამალა. იეჰოშაბყათმა, მეფე იორამის ასულმა, იეჰოიადაყ მღვდლის ცოლმა, ახაზიას დამ, გადამალა იგი ღოთოლიასგან და ვერ მოკლეს.

¹²ექვს წელს იმალებოდა მასთან ერთად ღვთის სახლში, ხოლო ქვეყანაზე ღოთოლია მეფობდა.