Read ახალი ქართულით, Modern Georgian Bible, 1982 მეორე ნეშტთა 3 Bible Online

მეორე ნეშტთა 3 - ახალი ქართულით, Modern Georgian Bible, 1982 bible

მეორე ნეშტთა 3

¹შეუდგა სოლომონი უფლის სახლის შენებას იერუსალიმში, მორიას მთაზე, სადაც ნაჩვენები ჰქონდა დავითს, მამამისს, იმ ადგილას, დავითმა რომ მოამზადა ორნა იებუსელის კალოზე.

²შენებას შეუდგა მეორე თვის მეორე დღეს, თავისი მეფობის მეოთხე წელს.

³აჰა, საფუძველი, რომელზედაც სოლომონმა ღვთის სახლისშენება დაიწყო: სიგრძით, ძველი საზომი ჭყრთით, სამოცი წყრთა იყო, სიგანით -ოცი წყრთა.

⁴სტოა, სიგრძეზე რომ გასდევდა ტაძარს, მისი სიგანისშესაბამისად ოცი წყრთა იყო; სიმაღლით - ას ოცი. შიგნიდან ხალასი ოქროთიმოაპირკეთა.

⁵კვიპაროსის ხეებით შემოსა დიდი სახლი, საუკეთესო ოქროგადააკრა და მასზე პალმები და ჯაჭვები გამოაჭედინა.

⁶ძვირფასი ქვით მოაპირკეთა სახლი დასამშვენებლად. ოქრო კიფარვაიმული ოქრო იყო.

⁷ოქროთი დაფარა სახლი - ძელები, კარის ზღურბლზე, მისიკედლები და კარები. კედლებზე ქერუბიმები ამოკვეთა.

⁸გააკეთა წმიდათაწმიდა: მისი სიგრძე სახლის სიგანისშესაბამისად, ოცი წყრთა იყო. ექვსასი ქანქარი სეუკეთესო ოქროთი დაფარა.

⁹ლურსმნები წონით ხუთი შეკელი ოქრო იყო. ქორედიც ოქროთი შემოსა.

¹⁰წმიდათაწმიდის სახლში გააკეთა ორი ქერუბიმის ქანდაკება და ოქროთი დაფერა ისინი.

¹¹ქერუბიმების ფრთები სიგრძით ოცი წყრთა იყო, ერთის ფრთა - ხუთწყრთიანი, და სახლის კედელს ეხებდა. მეორის ფრთაც - ხუთწყრთიანი, მეორე ქერუბიმის ფრთას ეხებოდა.

¹²მეორე ქერუბიმის ფრთაც - ხუთწყრთიანი, სახლის კედელს ეხებოდა. მეორის ფრთაც - ხუთწყრთიანი, პირველი ქერუბიმის ფრთას ეხებოდა.

¹³ამ ქერუბიმების ფრთები ოც წყრთაზე იყო გაშლილი. ისინითავიანთ ფეხებზე იდგნენ და პირისახე სახლისკენ ჰქონდათ მიქცეული.

¹⁴გააკეთა კრეტსაბმელი ლურჯი, ძოწეული, მეწამული ნართისგანდა სელისგან და მასზე ქერუბიმები გამოსახა.

¹⁵სახლის წინ სიგრძით ოცდაათი წყრთის ორი სვეტი გააკეთა,თითოეულის თავზე ხუთწყრთიანი სვეტისთავი იყო.

¹⁶გააკეთა დაბირში ჯაჭვები და სვეტისთავებზე მიამაგრა. გააკეთა ასი ბროწეული და ჯაჭვებზე ჩამოკიდა.

¹⁷ეს სვეტები ტაძრის წინ აღმართა, ერთი მარჯვნივ, ერთიმარცხნივ. მარჯვენას იაქინი დაარქვა, მარცხენას - ბოყაზი.