Read ახალი ქართულით, Modern Georgian Bible, 1982 მეორე ნეშტთა 32 Bible Online

მეორე ნეშტთა 32 - ახალი ქართულით, Modern Georgian Bible, 1982 bible

მეორე ნეშტთა 32

¹ამ პატიოსან საქმეთა შემდეგ მოვიდა სანხერიბი, აშურის მეფე, შემოიჭრა იუდაში და ალყა შემოარტყა ციხე-ქალაქებს, მათ გატეხას ფიქრობდა.

²როცა დაინახა იეხიზკიაჰუმ, რომ მოვიდა სანხერიბი და იერუსალიმზე ლაშქრობას აპირებს,

³გადაწყვიტა თავის სარდლებთან და თავის მებრძოლებთანერთად, დაეწყვიტა წყაროს სათავეები, რომლებიც ქალაქის გარეთ იყო, და ისინიცმიეხმარნენ.

⁴შეიყარა უამრავი ხალხი და დაწყვიტეს ყველა სათავე დანაკადული, რაც კი დიოდა იმ მიწაზე, რადგან თქვეს: რატომ უნდა ნახონ აქმოსულმა აშურის მეფეებმა ბევრი წყალი?

⁵მოიცა ძალი და ამოაშენა ყველა დანგრეული კედელი, აამაღლაგოდლები და გარედან კიდევ სხვა კედელი შემოაშენა. გაამაგრა მილო დავითისქალაქში, დაამზადა დიდძალი საჭურველი და ფარები.

⁶ჯარის უფროსები დაუყენა ხალხს, შემოიკრიბა ისინი ქალაქისკარიბჭის მოედანზე და გაამხნევა:

⁷გამტკიცდით და გაძლიერდით! ნუ შიშობთ და ნუ თრთით აშურისმეფისა და იმ ურდოს წინაშე, თან რომ ახლავს, რადგან ჩვენთან უფრო მეტნიარიან, ვიდრე მასთან.

⁸მასთან ხორციელი ძალაა, ჩვენთან კი უფალი, ჩვენი ღმერთი,რათა შეგვეწიოს და იბრძოლოს ჩვენს ბრძოლებში. გამხნევდა ხალხი იეხიზკიაჰუს,იუდას მეფის, სიტყვებზე.

⁹ამის შემდეგ სანხერიბმა, აშურის მეფემ, რომელიც მთელითავისი ლაშქრითურთ ლაქიშის წინ იდგა, გაუგზავნა თავისი მორჩილნიიერუსალიმში იეხიზკიაჰუს, იუდას მეფეს, და მთელ იუდას, იერუსალიმში მყოფს,რომ ეთქვათ:

¹⁰ასე ამბობს სანხერიბი, აშურის მეფე: რისი იმედი გაქვთ,იერუსალიმის ციხე-სიმაგრეში რომ ჩამსხდარხართ?

¹¹განა იეხიზკიაჰუ არ გაცთუნებთ, რომ შიმშილითა დაწყურვილით ამოგხადოთ სული, როცა გეუბნებათ, უფალი, ჩვენი ღმერთი გვიხსნისოაშურის მეფის ხელიდან?

¹²განა მაგ იეხიზკიაჰუმ არ დაანგრია მისი გორაკები და სამსხვერპლოები? განა ასე არ უთხრა იუდასა და იერუსალიმს, ერთი სამსხვერპლოს წინაშე უნდა სცეთო თაყვანი და მასზე უნდა აკმიოთო საკმეველი?

¹³განა არ იცით რა დღე დავაწიეთ მე და ჩემმა მამა-პაპამქვეყნის ყველა ხალხს? განა შესძლეს ქვეყნის ხალხების ღმერთებმა ჩემიხელიდან ეხსნათ მათი ქვეყნები?

¹⁴რომელი იყო ჩემი მამა-პაპის განადგურებულ ამ ხალხებისღმერთთაგან ისეთი, თავისი ხალხი რომ ეხსნა ჩემი ხელიდან, რომ ახლა თქვენმაღმერთმა გიხსნათ ჩემი ხელიდან?

¹⁵ახლა არ მოგატყუოთ იეხიზკიაჰუმ და არ გაცთუნოთ ამგვარად.არ დაუჯეროთ მას. რაკი ვერცერთი ხალხის და სამეფოს ვერცერთმა ღმერთმა ვერშესძლო თავისი ხალხის ხსნა ჩემი და ჩემი მამა-პაპის ხელიდან, ვერც თქვენიღმერთი ვერ გიხსნით ჩემი ხელიდან.

¹⁶კიდევ ელაპარაკნენ მისი მორჩილნი უფლის, მათი ღმერთის,წინააღმდეგ და მისი მორჩილის, იეხიზკიაჰუს, წინააღმდეგ.

¹⁷უფლის, ისრაელის ღმერთის, სალანძღავ წერილებს წერდა იგიდა ასეთ სიტყვებს ამბობდა მასზე: როგორც ქვეყნის ხალხების ღმერთებმა ვერიხსნეს თავისი ხალხი ჩემი ხელიდან, ასევე ვერც იეხიზკიაჰუს ღმერთი ვერიხსნის თავის ხალხს ჩემი ხელიდან.

¹⁸ხმამაღლა უყვიროდნენ ებრაულად იერუსალიმის ხალხს,გალავანზე მყოფს, რომ შეეშინებინათ და თავზარი დაეცათ, და აეღოთ ქალაქი.

¹⁹ისე ლაპარაკობდნენ იერუსალიმის ღმერთზე, როგორც ქვეყნისხალხთა ღმერთებზე, ადამიანის ხელით შექმნილებზე.

²⁰ილოცეს მეფე იეხიზკიაჰუმ და წინასწარმეტყველმა ესაიამ,ამოცის ძემ, ამის გამო და ცას შეჰღაღადეს.

²¹მოავლინა უფალმა ანგელოზი და ამოწყვიტა აშურის მეფისბანაკში ყველა მაგარი ვაჟკაცი, წინამძღოლი და სარდალი. შერცხვენილიგაბრუნდა იგი თავის ქვეყანაში და, როცა თავისი ღმერთის სახლში შევიდა, მისიწიაღიდან გამოსულებმა მახვილით განგმირეს იქ.

²²იხსნა უფალმა იეხიზკიაჰუ და იერუსალიმის მკვიდრნი აშურისმეფის, სანხერიბისა, და ყველას ხელიდან და დაიფარა ყოველი მხრივ.

²³მრავალს მოჰქონდა იერუსალიმში ძღვენი უფლისათვის და რჩეული საჩუქრები იეხიზკიაჰუსთვის, იუდას მეფისთვის. მას აქეთ ამაღლდა იგი ყველა ხალხი თვალში.

²⁴იმ დღეებში სასიკვდილოდ დასნეულდა იეხიზკიაჰუ და შეევედრაუფალს. ელაპარაკა უფალი და მისცა ნიშანი.

²⁵არ მიაგო იეხიზკიაჰუმ სანაცვლო მისთვის გაწეულ სიკეთეს,რადგან გადიდგულდა. და იყო ღვთის რისხვა მასზე, იუდაზე და იერუსალიმზე.

²⁶მოდრკა იეხიზკიაჰუ თავის დიდგულობაში და მასთან ერთადიერუსალიმის ყველა მკვიდრი, და აღარ დასტყდომიათ ღვთის რისხვა იეხიზკიაჰუსდღეებში.

²⁷დიდზე დიდი დოვლათი და პატივი ჰქონდა იეხიზკიაჰუს.საგანძურები გაიჩინა ვერცხლისთვის, ოქროსთვის, ძვირფასი ქვებისთვის,ნელსაცხებლებისთვის, ფარებისთვის და ყოველი სასურველი ნივთისთვის,

²⁸ბეღლები მიწის ნაყოფთათვის, პურისთვის, ღვინისთვის დაზეთისთვის, გომურები ყოველგვარი პირუტყვისთვის, და ფარეხები ცხვრისფარისთვის.

²⁹აიშენა თავისთვის ქალაქებიც. ცხვარ-ძროხის ჯოგები მრავლადჰყავდა, რადგან ღმერთმა მას დიდძალი დოვლათი მისცა.

³⁰მანვე, იეხიზკიაჰუმ, გადაკეტა გიხონის ზემო წყაროებისსათავე და ქვემოთ ჩამოიყვანა, დავითის ქალაქის დასავლეთ მხარეზე. წარმატებაჰქონდა იეხიზკიაჰუს ყველა თავის საქმეში.

³¹მხოლოდ ბაბილონის მთავართა ელჩობის დროს, რომელიცგამოგზავნეს მასთან ქვეყანაში მომხდარი სასწაულის გამოსაძიებლად, მიუშვაიგი ღმერთმა, რომ გამოეცადა და სცოდნოდა ყოველი მისი გულისნადები.

³²იეხიზკიაჰუს დანარჩენი საქმენი და მისი სიკეთენიწინასწარმეტყველ ესაიას, ამოცის ძის, ხილვაში და იუდასა და ისრაელის მეფეთაწიგნშია ჩაწერილი.

³³განისვენა იეხიზკიაჰუმ თავის მამა-პაპასთან და დამარხესიგი დავითიანთა სამარხების ზემოთ. პატივი მიაგეს მას სიკვდილის შემდეგმთელმა იუდამ და იერუსალიმის მკვიდრებმა. მის ნაცვლად მისი ძე, მენაშე,გამეფდა.