Read ახალი ქართულით, Modern Georgian Bible, 1982 მეორე ნეშტთა 5 Bible Online

მეორე ნეშტთა 5 - ახალი ქართულით, Modern Georgian Bible, 1982 bible

მეორე ნეშტთა 5

¹მოათავა ყველა საქმე, რასაც უფლის სახლისათვის აკეთებდა სოლომონი. მოიტანა სოლომონმა მამამისის, დავითის, შემოწირულობანი: ვერცხლი, ოქრო, ყველანაირი ჭურჭელი და ღვთის სახლის საგანძურში დააწყო.

²მაშინ შეყარა სოლომონმა იერუსალიმში ისრაელის უხუცესობა და შტოთა ყველა თავკაცი, ისრაელიანთა მამისსახლის უფროსები, რომ გამოესვენებინათ უფლის აღთქმის კიდობანი დავითის ქალაქიდან ანუ სიონიდან.

³შეიყარნენ მეფე სოლომონთან სადღესასწაულოდ, მეშვიდეთვეში.

⁴მოვიდა ისრაელის მთელი უხუცესობა და ლევიანებმა ასწიესკიდობანი.

⁵წაასვენეს კიდობანი და სადღესასწაულო კარავი, და ყველაწმიდა ჭურჭელი, კარავში რომ ინახებოდა. წაასვენეს ისინი მღვდლებმა დალევიანებმა.

⁶მეფე სოლომონი და მასთან შეკრებილი მთელი ისრაელისსაზოგადოება იდგნენ კიდობნის წინ და მსხვერპლად სწირავდნენ ცხვარ-ძროხას,რომლის დათვლა და აღრიცხვა შეუძლებელი იყო სიმრავლის გამო.

⁷დაასვენეს მღვდლებმა უფლის აღთქმის კიდობანი მისთვისგანკუთვნილ ადგილზე, ტაძრის დაბირში, წმიდათაწმიდაში, ქერუბიმთა ფრთებქვეშ.

⁸რადგან ფრთები ჰქონდათ გადაშლილი ქერუბიმებს კიდობნისადგილზე და ზემოდან ფარავდნენ კიდობანს და კეტებს.

⁹კეტები იმ სიგრძისა იყო, რომ მისი თავები მოჩანდა კიდობნიდან, დაბირის წინ, გარეთ კი არ ჩანდა. დღემდე იქ არის ისინი.

¹⁰არაფერი იყო კიდობანზე, გარდა ფიქალებისა, მოსემ რომჩააწყო იქ ხორებში, როცა კავშირი შეკრა უფალმა ისრაელიანებთან ეგვიპტიდანმათი გამოსვლის შემდეგ.

¹¹როცა გამოვიდნენ მღვდლები წმიდადან (რადგან ყველა იქ მყოფი მღვდელი განიწმიდა, განურჩევლად დასებისა,

¹²ასევე ყველა მგალობელი ლევიანი - ასაფი, ჰემანი, იედუთუნი, მათი ვაჟები და მათი მოძმენი - სელით შემოსილნი, წინწილებით, ქნარებით, ებნებით სამსხვერპლოს აღმოსავლეთით მდგარნი, მათთანვე ასოცი მესაყვირე მღვდელი,

¹³ხმაშეწყობილნი იყვნენ მესაყვირენი და მგალობელნი, რათაერთხმად ეგალობათ უფლისთვის და ედიდებინათ), როცა იქუხა საყვირებისა დაწინწილების ხმამ, უფლის ქებით: რადგან კეთილია იგი, რადგან უკუნისამდეაწყალობა მისი, მაშინ სახლი, უფლის სახლი, ღრუბელმა აავსო.

¹⁴და ვეღარ შეძლეს მღვდლებმა იქ დგომა და სამსახურის გაწევაღრუბლის გამო, რადგან უფლის დიდებამ აღავსო ღვთის სახლი.