Read ახალი ქართულით, Modern Georgian Bible, 1982 მეორე ნეშტთა 9 Bible Online

მეორე ნეშტთა 9 - ახალი ქართულით, Modern Georgian Bible, 1982 bible

მეორე ნეშტთა 9

¹შეიტყო საბას დედოფალმა სოლომონის ამბავი და მოვიდა იერუსალიმში, რომ გამოცანებით გამოეცადა სოლომონი. მოვიდა დიდძალი დოვლათით. აქლემებს მოჰქონდათ ნელსაცხებლები, მრავლად ოქრო და ძვირფასი თვლები. მოვიდა მასთან და ელაპარაკა ყველაფერზე, რაც გულში ჰქონდა.

²ყველა კითხვაზე გასცა პასუხი სოლომონმა. არაფერი იყო მეფისთვის დაფარული, რომ უპასუხოდ დაეტოვებინა.

³დაინახა საბას დედოფალმა სოლომონის სიბრძნე, ნახა მისიაშენებული სახლი,

⁴მისი სუფრის სასმელ-საჭმელი, მის მორჩილთა საცხოვრებელი,მის მსახურეულთა საქმიანობა და შესამოსელი, მისი მწდეები და მათიშესამოსელი, მისი კიბეები, რითაც ის უფლის სახლში ადიოდა, და გაოგნებულიდარჩა.

⁵უთხრა მეფეს: მართალი ყოფილა, რაც ჩემს ქვეყანაში მქონდაგაგონილი შენზე და შენს სიბრძნეზე.

⁶სიტყვების არ მჯეროდა, ვიდრე თავად არ მოვედი და ჩემითვალით არ ვიხილე. აჰა, თურმე ნახევარიც არ უთქვამთ ჩემთვის შენს უსაზღვროსიბრძნეზე. ყველაფერს გადააჭარბე, რაც გაგონილი მქონდა.

⁷ბედნიერია შენა ხალხი, ბედნიერნი არიან შენი მორჩილნი,მუდამ შენს წინაშე რომ დგანან და ისმენენ შენს სიბრძნეს.

⁸კურთხეულ იყოს უფალი, შენი ღმერთი, რომელმაც მოგისურვა,რათა მის ტახტზე დაესვი უფლის, შენი ღმერთის მეფედ. ისრაელისადმი შენიღმერთის სიყვარულის გამო დაგაყენა მასზე მეფედ, მის სამარადისოდგანსამტკიცებლად და სამართლისა და სიმართლის გასაჩენად.

⁹მისცა მეფეს ასოცი ქანქარი ოქრო, დიდძალი ნელსაცხებელი და ძვირფასი ქვები. არ იყო ისეთი ნელსაცხებელი, საბას დედოფალს მეფე სოლომონისთვის რომ არ მიეცა.

¹⁰ხურამისა და სოლომონის მორჩილებმა ოფირიდან ჩამოტანილოქროსთან ერთად სანდალოზის ხეები და ძვირფასი ქვები ჩამოიტანეს.

¹¹გააკეთა მეფემ სანდალოზისგან საფეხურები უფლის სახლისათვის და სამეფო სახლისათვის. ებნები და ქნარები მგალობელთათვის. ამის მსგავსი მანამდე არასდროს უნახავთ იუდას ქვეყანაში.

¹²მისცა მეფე სოლომონმა საბას დედოფალს ყველაფერი მისთვის სასურველი, რაც კი მან ითხოვა, იმაზე მეტი, რაც თვითონ მოართვა მეფეს. უკან გაბრუნდა და წავიდა თავის ქვეყანაში თავის მორჩილებთბ ერთად.

¹³ექვსას სამოცდა ექვსი ქანქარი ოქრო შემოსდიოდა სოლომონსყოველწლიურად.

¹⁴იმის გარდა, რა ოქრო-ვერცხლიც მოგზაურებს, ვაჭრებს,არაბთა მეფეებს და მხარეთა გამგებლებს შემოჰქონდათ.

¹⁵გააკეთა მეფე სოლომონმა ორასი დელამფარი ნაჭედიოქროსაგან. ექვსასი შეკელი ოქრო დაიხარჯა თითოეულ დელამფარზე.

¹⁶გააკეთა სამასი ფარი ნაჭედი ოქროსაგან, სამასი შეკელიოქრო დაიხარჯა თითოეულ ფარზე. დააწყო ისინი მეფემ ლიბანის მაღნარის სახლში.

¹⁷გააკეთა მეფემ სპილოს ძვლისაგან დიდი ტახტი და ხალასიოქროთი დაფერა.

¹⁸ექვსი საფეხური ჰქონდა ტახტს, ოქროს ფეხსადგამი ჰქონდატახტს მიდგმული, საჯდომის ორსავე მხარეს სანიდაყვეები ჰქონდა, ხოლოსანიდაკვეებს თითო ლომი ედგა გვერდით.

¹⁹ექვს საფეხურზე, აქეთ-იქით, სხვა თორმეტი ლომი იდგა.

²⁰მეფე სოლომონის ყველა სასმისი ოქროსი იყო, ყველა ჭურჭელილიბანის მაღნარის სახლში რჩეული იყო. ვერცხლი და სპილენძი არაფრად მიაჩნდათსოლომონის დროს,

²¹რადგან მეფის ხომალდები ხურამის მორჩილებთან ერთად თარშიშში დადიოდნენ. თარშიშული ხომალდები სამ წელიწადში ერთხელ მოდიოდნენ და მოჰქონდათ ოქრო-ვერცხლი, სპილოს ძვალი, მოჰყავდათ ყაფუზუნები და ფარშევანგები.

²²განდიდდა მეფე სოლომონი ქვეყნის ყველა მეფეზე მეტადთავისი სიმდიდრითა და სიბრძნით.

²³ამქვეყნად ყველა მეფე ესწრაფოდა სოლომონის ნახვას, რომმოესმინა მისი სიბრძნე, რომელიც გულში ჩაუდო ღმერთმა.

²⁴ყველას თავისი ძღვენი მოჰქონდა: ოქროსა და ვერცხლისჭურჭელი, შესამოსელი, საჭურველი, ნელსაცხებლები, ცხენები და ჯორები, ასეიყო ყოველწლიურად.

²⁵სოლომონს ოთხი ათასი თავლა ჰქონდა, ჰყავდა ეტლები დათორმეტი ათასი ცხენოსანი. განალაგა ისინი ეტლების სადგომ ქალაქებში დაიერუსალიმში, თავისთან.

²⁶მისი ხელისუფლება ვრცელდებოდა ყველა მეფეზე ევფრატიდანფილისტიმელთა ქვეყნამდე და ეგვიპტის საზღვრებამდე.

²⁷ვერცხლი ქვებს გაუთანაბრა მეფემ იერუსალიმში, ხალო კედარისიკომორის ხეს, დაბლობში რომ იზრდება.

²⁸სოლომონის ცხენები ეგვიპტიდან და ყველა ქვეყნიდან იყომოყვანილი.

²⁹სოლომონის დანარჩენი ამბები - პირველნი და უკანასკნელნისწერია ნათან წინასწარმეტყველის მატიანეში, ახია შილონელისწინასწარმეტყველებაში, იეყდო მისნის ხილვაში, იერობოამ ნაბატის ძეს რომშეეხება.

³⁰იმეფა სოლომონმა იერუსალიმში მთელს ისრაელზე ორმოცი წელი.

³¹განისვენა სოლომონმა თავის მამა-პაპასთან და დამარხესდავითის, მამამისის ქალაქში. მის ნაცვლად მისი ძე რობოამი გამეფდა.