Read ახალი ქართულით, Modern Georgian Bible, 1982 პირველი ეზრა 1 Bible Online

პირველი ეზრა 1 - ახალი ქართულით, Modern Georgian Bible, 1982 bible

პირველი ეზრა 1

¹სპარსეთის მეფის, კიროსის, პირველ წელს, რათა აღსრულებულიყო იერემიას პირით თქმული უფლის სიტყვა, გააღვიძა უფალმა სპარსეთის მეფის, კიროსის, სული და გამოაცხადა მან მთელს თავის სამეფოში ზეპირ და წერილობითაც, რომ:

²ასე ამბობს კიროსი, სპარსეთის მეფე: ქვეყნიერების ყველასამეფო მომცა მე უფალმა, ცათა ღმერთმა, და მანვე მიბრძანა ავუშენო მასსახლი იერუსალიმში, იუდაში რომ არის.

³ვინ არის თქვენს შორის ამ ხალხიდან, ღმერთი იყოს მასთან!წავიდეს იერუსალიმში, იუდაში, და აუშენოს სახლი უფალს, ისრაელის ღმერთს. ესარის ღმერთი, რომელიც იერუსალიმშია.

⁴დანარჩენებმა, ყველამ თავის ადგილიდან, ვინც კი სადმეცხოვრობს, ხელი გაუმართოს მას ვერცხლით, ოქროთი, ყოველნაირი ქონებით,პირუტყვით - ნებაყოფლობითი ძღვენი გაიღოს იერუსალიმში მყოფი ღმერთისსახლისთვის.

⁵გაემზადნენ იუდას და ბენიამინის მამისსახლთა თავკაცნი,მღვდლები და ლევიანები, ყველა, ვისაც კი იერუსალიმში მყოფთ უფლის ტაძრისასაშენებლად აღუძრა სული ღმერთმა.

⁶ყველამ, ვინც მათ გარშემო იყო, ხელი გაუმართა მათვერცხლის ჭურჭლით და ოქროულობით, ყოველნაირი ქონებით, პირუტყვით,ძვირფასეულობით, გარდა იმისა, რაც ნებაყოფლობით გაიღეს.

⁷მეფე კიროსმა გამოიტანა უფლის ტაძრის ჭურჭელი, რომელიცნაბუქოდონოსორს ჰქონდა წამოღებული და მისი ღმერთის ტაძარში ეწყო.

⁸გამოიტანა ისინი მეფე კიროსმა, სპარსეთის მეფემ, მითრიდატმეგანძურის ხელით; მან კი თვლით ჩააბარა შეშბაცარს, იუდაელ მთავარს.

⁹აი, მათი რაოდენობა: ოქროს ლანგარი - ოცდაათი, ვერცხლის ლანგარი - ათასი, დანა - ოცდაცხრა,

¹⁰ოქროს ბარძიმი - ოცდაათი, ვერცხლის ორმაგი ბარძიმი -ოთხას ათი, სხვა ჭურჭელი - ათასი.

¹¹ოქროსა და ვერცხლის ჭურჭელი სულ ხუთიათას ოთხასი ცალი. ეს ყველაფერი წამოიღო შეშბაცარმა, როცა გადასახლებულნი ბაბილონიდან იერუსალიმში დააბრუნეს.