Read ახალი ქართულით, Modern Georgian Bible, 1982 პირველი ეზრა 10 Bible Online

პირველი ეზრა 10 - ახალი ქართულით, Modern Georgian Bible, 1982 bible

პირველი ეზრა 10

¹როცა ლოცულობდა ეზრა, როცა მტირალი და მონანული განრთხმული იყო ღვთის სახლის წინ, თავი მოეყარა მის გარშემო ისრაელიანთა დიდძალ კრებულს, კაცსა და ქალს, დიდსა და პატარას, და ცხარე ცრემლით ტიროდა ხალხი.

²მიუგო ბექანია იეხიელის ძემ, ყელამიანთაგან, და უთხრაეზრას: დამნშავენი ვართ ჩვენი ღმერთის წინაშე, უცხოელი ქალები რომ დავისვითცოლად, ამ ქვეყნის ხალხთა ასულები. ახლა ერთი იმედიღა დარჩენია ისრაელს:

³აღვუთქვათ ჩვენს ღმერთს, რომ ყველანი გავუშვებთ ცოლებს დამათ მონაგარს ჩემი ბატონის რჩევით და ჩვენი ღმერთის მცნებათა მოშიში ხალხისრჩევით. რჯულისამებრ იყოს.

⁴ადექი, რადგან შენზეა ეს საქმე და ჩვენც შენთანა ვართ.გამხნევდი და იმოქმედე.

⁵ადგა ეზრა და დააფიცა მღვდელთა მთავრები ლევიანები დამთელი ისრაელი, რომ ასე მოიქცეოდნენ. მათაც დაიფიცეს.

⁶ადგა ეზრა ღვთის სახლის წინიდან, წავიდა იოხანანელიაშიბის ძის სადგომისკენ და შევიდა იქ. პური არ უჭამია, არც წყალიდაულევია, რადგან მწუხარებდა გადანასახლები ხალხის დანაშაულის გამო.

⁷გამოუცხადეს იუდასა და იერუსალიმში მყოფ ყველაგადანასახლებს, რომ იერუსალიმში მოეყარათ თავი.

⁸ვინც სამ დღეში არ მოვიდოდა, ჩამოერთმეოდა მთელი ქონებათავკაცებისა და უხუცესების გადაწყვეტილებით, თავად კი გადანასახლებთაკრებულიდან მოიკვეთებოდა.

⁹სამ დღეში თავი მოიყარეს იერუსალიმში იუდასა და ბენიამინის ხალხმა. ეს იყო მერვე თვეს, თვის მეოცე დღეს. იჯდა მთელი ერი ღვთის სახლის მოედანზე და კანკალებდა ამ ამბის გამო და წვიმისაგან.

¹⁰ადგა ეზრა მღვდელი და უთხრა მათ: დანაშაული გაქვთჩადენილი: უცხოელი ქალები გყავთ ცოლებად, რომ ისრაელის ცოდვა გაამრავლოთ.

¹¹ახლა აღიარეთ შეცოდება უფლის, თქვენი მამა-პაპის ღმერთის წინაშე, და აღასრულეთ მისი ნება: განუდექით ამ ქვეყნის ხალხებს და უცხოელ ცოლებს.

¹²ხმამაღლა მიუგო მთელმა კრებულმა: ასე იქნება, შენი ნათქვამისამებრ მოვიქცევით.

¹³ოღონდ ბევრია ხალხი და ავდარია, შეუძლებელია გარეთ დგომა. თანაც ეს ერთი და ორი დღის ამბავი არ არის, რადგან ბევრი შეგვიცოდავს ამ საქმეში.

¹⁴დადგნენ ჩვენი თავკაცები მთელი კრებულის ნაცვლად, ხოლო ყველანი, ვისაც ჩვენს ქალაქებში უცხოელი ცოლები ჰყავთ, მოვიდნენ დანიშნულ დროს თავთავიანთი ქალაქების უხუცესებთან და მსაჯულებთან ერთად, რომ აგვცილდეს ჩვენი ღმერთის რისხვა ამ ამბის გამო.

¹⁵განსაკუთრებით იონათან ყასაელის ძე და იახზეია თიკვას ძე იდგნენ ამ აზრზე, ხოლო მეშულამი და ლევიანი შაბთაი მხარს უჭერდნენ მათ.

¹⁶ასე მოიქცა გადანასახლები ხალხი. დაიყვნენ ეზრა მღვდელი და კაცები, მამისსახლთა თავკაცნი, თავ-თავიანთი მამისსახლთა მიხედვით - ყველანი სახელდებით იყვნენ ცნობილნი. დასხდნენ მეათე თვის პირველ დღეს ამ საქმის გასარკვევად.

¹⁷პირველი თვის პირველი დღისთვის მორჩნენ ყველა იმ მამაკაცთა საქმეს, რომელთაც უცხოელი ცოლები ჰყავდათ.

¹⁸სამღვდელო წარმოშობის ხალხში, რომელთაც უცხოელი ცოლები ჰყავდათ, აღმოჩნდნენ: იესო იოცადაკის ძისა და მისი ძმების შთამომავალთაგან: მაყასეია, ელიაზარი, იარიბი და გედალია.

¹⁹ხელი მისცეს, რომ გაუშვებდნენ ცოლებს და ცოდვის გამოსასყიდად ვერძს შესწირავდნენ მსხვერპლად.

²⁰იმერიანთაგან: ხანანი და ზებადია.

²¹ხარიმიანთაგან: მაყასეია, ელია, შემაყია, იეხიელი და ყუზია.

²²ფაშხურიანთაგან: ელიოყენაი, მაყასეია, იშმაყელი, ნათანიელი, იოზაბადი და ელყასა.

²³ლევიანთაგან: იოზაბადი, შიმყი და კელაია (იგივე კელიტა), ფეთახია, იუდა და ელიაზარი.

²⁴მგალობელთაგან: ელიაშიბი; კარის მცველთაგან: შალუმი, ტელემი და ური.

²⁵ისრაელიდან - ფარყოშიანთაგან: რამია, იზია, მალქია, მიამინი, ელყიაზარი, მალქია და ბენაია.

²⁶ყელამიანთაგან: მათანია, ზაქარია, იეხიელი, ყაბდი, იერემოთი, ზაბადი და ყაზიზა.

²⁷ზათუნიანთაგან: ელიოყენაი, ელიაშიბი, მათანია, იერემოთი, ზაბაადი და ყაზიზა.

²⁸ბებაიანთაგან: იეჰოხანანი, ხანანია, ზაბაი, ყათლაი.

²⁹ბანიანთაგან: მეშულამი, მალუქი, ყადაია, იაშუბი, შეალი და რამოთი.

³⁰ფახათ-მოაბიანთაგან: ყადნა, ქელალი, ბენაია, მაყასეია, მათანია, ბეცალივლი, ბინუ და მენაშე.

³¹ხარიმიანთაგან: ელიყეზერი, იშია, მალაქია, შემაყია, სიმონი.

³²ბენიამინი, მალუქი და შემარია.

³³ხაშუმიანთაგან: მათნაი, მათათა, ზაბადი, ელიფელეტი, იერემაი, მენაშე და შიმყი.

³⁴ბანიანთაგან: მაყადაი, ყამრამი, უელი,

³⁵ბენაია, ბედია, ქელუჰუ,

³⁶ნეია, მერემოთი, ელიაშაბი,

³⁷მათანია, მათნაი, იაყასაი,

³⁸ბანი, ბინუი, შიმყი,

³⁹შელემია, ნათანი, ყადაია,

⁴⁰მაქენადებაი, შაშაი, შარაი,

⁴¹ყაზარიელი, შელემიაჰუ, შემარია,

⁴²შალუმი, ამარია, იოსები.

⁴³ნებოიანთაგან: იეყიელი, მათითია, ზაბადი, ზებინა, იადაი, იოელი და ბენაია.

⁴⁴ამათ ყველას უცხოელი ცოლები ესვათ და ზოგიერთ მათგანს შვილებიც ჰყავდა შეძენილი.