Read ახალი ქართულით, Modern Georgian Bible, 1982 პირველი ეზრა 5 Bible Online

პირველი ეზრა 5 - ახალი ქართულით, Modern Georgian Bible, 1982 bible

პირველი ეზრა 5

¹წინასწარმეტყველებდნენ ისრაელის ღმერთის სახელით ანგია წინასწარმეტყველი და ზაქარია ყიდოს ძე, წინასწარმეტყველნი, იუდაელებზე, რომელნიც იუდაში და იერუსალიმში იყვნენ.

²მაშინ ადგნენ ზერუბაბელ შალთიელის ძე და იესო-იოცადაკისძე და შეუდგნენ ღვთის სახლის შენებას იერუსალიმში; მათთან იყვნენ ღვთისწინასწარმეტყველნი და მხარს უჭერდნენ მათ.

³იმ ხანადვე მივიდნენ მათთან თათნაი, მდინარისგაღმელიგანმგებელი, შეთარ-ბოზნაი და მათი თანამდგომნი და ასე უთხრეს მათ: ვინმოგცათ ნება ამ სახლის აშენებისა და კედლების აყვანისა?

⁴მაშინ ვუთხარი იმათი სახელები, ვინც ამ შენობას აგებენ.

⁵მათი ღვთის თვალი იყო იუდაელ უხუცესებზე და არეკრძალებოდათ შენება, ვიდრე დარიოსს არ შეატყობინეს ამბავი და უკანვე არდააბრუნეს წერილი ამ საქმეზე.

⁶ცალი წერილისა, დარიოს მეფისადმი, რომელიც გაგზავნესთათნაიმ, მდინარისგაღმელმა განმგებელმა, შეთარ-ბოზნაიმ და მათმათანამდგომებმა, აფარსექელებმა, მდინარის გაღმა რომ არიან.

⁷წერილი გაუგზავნეს მას და, აი, რა ეწერა მასში: დარიოსმეფეს დღეგრძელობა!

⁸იცოდეს მეფემ, რომ ჩვენ ვიყავით იუდას მხარეში, დიდიღმერთის სახლთან. დიდრონი ქვებისგან შენდება იგი, კედლებში ძელებს ატანენ.მუშაობა სწრაფად მიდის და წარმატებით სრულდება მათ ხელში.

⁹მაშინ შევეკითხეთ იმ უხუცესებს, ასე ვუთხარით: ვინ დაგრთოთ ნება ამ სახლის შენებისა და კედლების ამოყვანისა?

¹⁰მათი სახელებიც გამოვიკითხეთ, რომ გვეცნობებინა შენთვის და დაგვეწერა იმათი სახელები, რომლებიც სათავეში უდგანან მათ.

¹¹ხოლო მათ ასეთი პასუხი გაგვცეს: ჩვენ ვართ მორჩილნი ცისა და მიწის ღმერთისა: ვაშენებთ სახლს, რომელიც მრავალი წლის წინათ აშენდა; ისრაელის დიდი მეფე აშენებდა მას და დაასრულა კიდეც.

¹²მას მერე, რაც ჩვენ მამა-პაპამ განარისხა ცათა ღმერთი, მან ნაბუქოდონოსორს, ბაბილონის მეფეს, ქალდეველს, ჩაუგდო ისინი ხელში, რომელმაც ეს სახლი დაანგრია და ხალხი ბაბილონში გადაასახლა.

¹³მაგრამ ბაბილონის მეფის, კიროსის, პირველ წელს კიროს მეფემ გასცა განკარგულება ამ ღვთის სახლის ასაშენებლად.

¹⁴ხოლო ღვთის სახლის ოქროს და ვერცხლის ჭურჭელი, რომელიც ნაბუქოდონოსორმა გაზიდა იერუსალიმის ტაძრიდან და მიიტანა ბაბილონის ტაძარში, უკანვე წამოიღო კიროს მეფემ ბაბილონის ტაძრიდან და ჩააბარეს კაცს, სახელად შეშბაცარს, მხარის განმგებლად რომ ჰყავდა დანიშნული;

¹⁵უთხრა: წაიღე ეს ჭურჭელი, წადი და დააწყვე იერუსალიმის ტაძარში და აშენდეს ღვთის სახლი თავის ძველ ადგილზე.

¹⁶მაშინ მოვიდა ის შეშბაცარი, და დაუდო საფუძველი ღვთის სახლს იერუსალიმში. მას შემდეგ შენდება იგი და ჯერ არ გასრულებულა.

¹⁷ახლა თუ ინებებს მეფე, მოიძიონ სამეფო წიგნთსაცავში, იქ, ბაბილონში, ნამდვილად გასცა თუ არა კიროს მეფემ განკარგულება ამ ღვთის სახლის ასაშენებლად იერუსალიმში, და გამოგვიგზავნონ მეფის გადაწყვეტილება ამ საქმის თაობაზე.