Read ახალი ქართულით, Modern Georgian Bible, 1982 პირველი ეზრა 9 Bible Online

პირველი ეზრა 9 - ახალი ქართულით, Modern Georgian Bible, 1982 bible

პირველი ეზრა 9

¹ეს ყველაფერი რომ დასრულდა, მოვიდნენ ჩემთან თავკაცები და მითხრეს: არ განდგომიან ისრაელის ერი, მღვდლები და ლევიანები ამ ქვეყნების ხალხთა - ქანაანელთა, ხეთელთა, ფერიზეველთა, იებუსელთა, ყამონელთა, მოაბელთა, ეგვიპტელთა და ამორეველთა სიბილწეებს;

²რადგან მოიყვანეს მათი ასულები თავისთვის და თავისივაჟიშვილებისთვის, და შეერია წმიდა თესლი ამ ქვეყნების ხალხებს. მთავარიხელი ამ დანაშაულში თავკაცებისა და წინამძღოლებისაა.

³ამ ამბის გაგონებისას შემოვიგლიჯე სამოსელი და მოსასხამი,თმას და წვერს ვიგლეჯდი და დამწუხრებული ვიჯექი.

⁴თავი მოიყარეს ჩემთან ყველამ, ვისაც ეშინოდა ისრაელისღმერთის განაჩენისა, გადანასახლები ხალხის დანაშაულის გამო. მე კიდამწუხრებული ვიჯექი მწუხრის მსხვერპლშეწირვამდე.

⁵ხოლო მწუხრის მსხვერპლშეწირვისას ავდექი ჩემიმარხულობიდან და სამოსელშემოგლეჯილი დავეცი მუხლებზე, და ხელი აღვაპყრეუფლის, ჩემი ღმერთის მიმართ,

⁶ვთქვი: ღმერთო ჩემო! მრცხვენია და ვერ ვბედავ სახისაღმართვას, ღმერთო, შენს მიმართ, რადგან ჩვენი უზნეობანი თავზე გადაგვდისდა ჩვენი დანაშაული ცას მიწვდა.

⁷ჩვენი მამა-პაპის დროიდან დღემდე დიდ დანაშაულში ვრთ.ჩვენს უზნეობათა გამო ჩავვარდით ჩვენ, ჩვენი მეფეები და ჩვენი მღვდლები,უცხო ქვეყნების მეფეთა ხელში. მახვილის ქვეშ და ტყვეობაში, გავხდითსათარეშოდ და სამასხარაოდ, როგორც დღესა ვართ.

⁸ახლა მაინც მოგვხედა სიბრალულით უფალმა, ჩვენმა ღმერთმა,რომ ეხსნა ჩვენი ნატამალი და დავემაგრებინეთ მისი სიწმიდის ადგილას, რომგაენათებინა ჩვენი თვალები ჩვენს ღმერთს და ცოტათი მაინც გავეცოცხლებინეთჩვენს მონობაში.

⁹ჩვენ ხომ მონები ვართ, მაგრამ მონობაშიც არ მივუტოვებივართ ჩვენს ღმერთს: წყალობით მოახედა ჩვენსკენ სპარსთა მეფეები, რომ გავეცოცხლებინეთ, რომ აღგვემართა ჩვენი ღმერთის სახლი, აღგვედგინა ნანგრევებიდან და თავშესაფარი მოგვცემოდა იუდაში და იერუსალიმში.

¹⁰ახლა კი, რა უნდა ვთქვათ, ღმერთო, ამის შემდეგ, როცა დავივიწყეთ შენი მცნებები,

¹¹შენს მორჩილთა - წინასწარმეტყველთა - ხელით რომ გვამცნე: ქვეყანა, რომლის დასამკვიდრებლად მიდიხართ, უწმიდურიაო იქ მცხოვრებთა უწმიდურობის და სიბილწეთა გამო, კიდით კიდემდე აქვთ ავსებულიო თავიანთი სიბინძურით.

¹²ამიტომ თქვენი ასულები არ გაატანოთო მათ ვაჟებს და თქვენი ვაჟებისთვისაც არ მოიყვანოთო მათი ასულები. ნუ ეძებთო მათთვის მშვიდობას და სიკეთეს, რომ მტკიცედ იყოთ და ჭამოთ ქვეყნის დოვლათი და სამრადისოდ დაუმკვიდროთო იგი თქვენს შთამომავლობას.

¹³და ყოველივე იმის შემდეგ, რაც თავს დაგვატყდა ჩვენი ავი საქმეებისა და დიდი დანაშაულის გამო (თუმცა შენ, ღმერთო ჩვენო, დაგვინდე, მიუხედავად ჩვენი უკეთურებისა, და მოგვივლინე ხსნა),

¹⁴ნუთუ კვლავ გადავალთ შენს მცნებებს და დავუმოყვრდებით ამ ბილწ ხალხებს? ხომ მოგვსპობს შენი რისხვა, ისე რომ ჩვენი ნატამალიც არ დარჩება?

¹⁵უფალო, ღმერთო ისრაელისა! შენ სამართლიანი ხარ, რადგან გადარჩენილი ვართ ნატამალი დღესდღეობით. აჰა, შენს წინაშე ვართ ჩვენი ცოდვებითურთ და არ ძალგვიძს შენს წინაშე დგომა ამის გამო.