Read ახალი ქართულით, Modern Georgian Bible, 1982 ნეემია 2 Bible Online

ნეემია 2 - ახალი ქართულით, Modern Georgian Bible, 1982 bible

ნეემია 2

¹ნისანის თვეში, ართახშასთა მეფის მეოცე წელს, ღვინო იდგა მის წინ; ავიღე ეს ღვინო და მეფეს მივართვი; რაკი მწუხარე არასოდეს ვყოფილვარ მის წინაშე,

²მეფემ მითხრა: რატომ გაქვს მწუხარე სახე? ავად არა ხარ.ეს სხვა არაფერია, თუ არა გულის მწუხარებაო. ძალზე შევშინდი.

³ვუთხარი მეფეს: საუკუნოდ იცოცხლე, მეფევ! აბა, როგორ არმექნება მწუხარე სახე, როცა ის ქალაქი, სადაც ჩემი მამა-პაპის საფლავებიმეგულება, დაქცეულია და მისი კარიბჭეებიც ცეცხლშია დამწვარი?

⁴მითხრა მეფემ: ახლა რას ითხოვ? მე ვილოცე ცათა ღმერთისწინაშე.

⁵და ვუთხარი მეფეს: თუ მეფე თანახმაა და თუ შენმა მორჩილმამადლი ვპოვე შენს წინაშე, გამიშვი იუდაში, იმ ქალაქში, სადაც მამა-პაპისსაფლავები მეგულება, და ავაშენებ მას.

⁶მითხრა მეფემ, რომელსაც დედოფალიც გვერდში ეჯდა: რამდენხანს იქნები წასული და როდის დაბრუნდები? მეფემ ინება ჩემი გაშვება და მეცვადა დავუთქვი.

⁷ვუთხარი მეფეს: თუ მეფე ინებებს, წერილები გამატანოსმდინარისგაღმელ მთავრებთან, რათა მათ მეგზურები გამაყოლონ, ვიდრე იუდამდემივიდოდე.

⁸ერთი წერილი ასაფთან გამატანოს, სამეფო ტყის მცველთან,რათა მომცეს ხე-ტყე ციხე-სიმაგრის კარიბჭეთა ასაფიცრად, ასევე ტაძრისათვის,ქალაქის კედლისათვის და იმ სახლისათვის, რომელშიც მე ვიცხოვრებ. მიბოძამეფემ, რადგან ღვთის მოწყალე ხელი იყო ჩემზე.

⁹მივედი მდინარისგაღმელ მთავრებთან და მეფის წერილები გადავეცი. მეფემ თან მხედართმთავრები და მხედრები გამომაყოლა.

¹⁰გაიგეს ეს სანბალატ ხორონელმა და ტობიამ, ყამონელთამორჩილმა, და დიდად ეწყინათ, რომ ისრაელიანთათვის სიკეთისმყოფელი კაციმოვიდა.

¹¹ავედი იერუსალიმში და სამი დღე დავრჩი იქ.

¹²ღამით ავდექი რამდენიმე კაცთან ერთად, ისე რომ კაციშვილისთვის არ მითქვამს, თუ რისი გაკეთება ჩამიდო გულში ჩემმა ღმერთმა იერუსალიმისთვის; არავითარი პირუტყვი თან არ მყოლია, გარდა იმ პირუტყვისა, რომელზეც თავად ვიყავი ამხედრებული.

¹³ღამიანად გამოვედი ხევის კარიბჭით, გავემართე ვეშაპის წყაროსკენ და სანაგვის კარიბჭისკენ. დავათვალიერე იერუსალიმის დანგრეული კედლები და მისი ცეცხლში დამწვარი კარიბჭეები.

¹⁴მივედი წყაროს კარიბჭესთან და მეფის ტბორთან. მაგრამ იქ ადგილი არ იყო, რომ იმ პირუტყვს გაეარა, რომელზეც ამხედრებული ვიყავი.

¹⁵ღამით ავუყევი ხევს, დავათვალიერე კედელი, მერე უკან გამოვბრუნდი, წამოვედი ხეობის კარიბჭით და დავბრუნდი.

¹⁶მოხელეებმა არ იცოდნენ სად დავდიოდი და რას ვაკეთებდი. არც იუდაელებს, არც მღვდლებს, არც დიდებულებს, არც მოხელეებს, არც საქმის მკეთებლებს ჯერ არაფერს არ ვუმხელდი.

¹⁷ვუთხარი მათ: ხომ ხედავთ რა უბედურ დღეში ვართ, როგორ არის გაპარტახებული იერუსალიმი და როგორ არის მისი კარიბჭეები ცეცხლში გადაბუგული. წავიდეთ და ავაშენოთ იერუსალიმის კედელი, და ნუღარ ვიქნებით შერცხვენილნი.

¹⁸ვუთხარი ჩემი ღმერთის ხელზე, სასიკეთო რომ იყო ჩემთვის, და მეფის სიტყვებზე, რომ მითხრა. თქვეს: ავდგეთ და ავაშენოთ! და ხელი გაამტკიცეს სასიკეთოდ.

¹⁹გაიგეს ეს სანბალატ ხორონელმა, ტობიამ, ყამონელთა მორჩილმა და გეშემ არაბმა და დაცინვითა და ზიზღით ყურება დაგვიწყეს. ამბობდნენ: ამას რას სჩადით? მეფის წინააღმდეგ აღდგომა ხომ არ გინდათ?

²⁰სიტყვა შევუბრუნე და ვუთხარი: ცათა ღმერთმა მოგვიმართა ხელი და ჩვენც, მისი მორჩილნი, ავდგებით და ავაშენებთ, თქვენ კი იერუსალიმში არა გაქვთ-მეთქი არც წილი, არც უფლება და არც სახსენებელი.