Read ახალი ქართულით, Modern Georgian Bible, 1982 ნეემია 6 Bible Online

ნეემია 6 - ახალი ქართულით, Modern Georgian Bible, 1982 bible

ნეემია 6

¹როდესაც სანბალატმა, ტობიამ, გეშემ არაბმა და სხვა დანრჩენმა მტრებმა შეიტყვეს, რომ კედელი ავაშენე და ზედ ბზარი არ დამიტოვებია (თუმცა საიმდროოდ ჯერ კიდევ არ მქონდა კარიბჭეში კარი ჩაყენებული),

²სანბალატმა და გერშომმა კაცი გამომიგზავნეს დაშემომითვალეს: წამო და ერთად შევიყაროთ ონოს ხეობის რომელიმე სოფელში.განზრახული ჰქონდათ, ჩემთვის ბოროტება შეემთხვიათ.

³მოციქულები გავუგზავნე და დავაბარე: დიდ საქმეს ვაკეთებდა არ შემიძლია ჩამოსვლა. რისთვის უნდა შეჩერდეს საქმე, როცა მივატოვებ მასდა თქვენთან ჩამოვალ-მეთქი?

⁴ამგვარი სიტყვა ოთხჯერ შემომითვალეს და იგივე პასუხიდავუბრუნე.

⁵ასეთი სიტყვით მეხუთედ გამომიგზავნა სანბალატმა თავისიმსახური, რომელსაც ხელში გახსნილი წერილი ჰქონდა.

⁶მასში ეწერა: ხალხებში ხმა დადის და გეშემიც ამბობს, რომშენ და იუდაელებს განდგომა გაქვთ განზრახული და ამიტომაც აშენებ კედელს.როგორც ამბობენ, შენ იქნები მათი მეფე.

⁷წინასწარმეტყველებიც დაგიყენებია, რომ იერუსალიმშიიქადაგონ და თქვან: იუდაშიაო მეფე. ახლა, მეფის ყურამდე მივა ეს სიტყვები.ამიტომ მოდი და ერთად მოვითათბიროთ.

⁸გავუგზავნე კაცი და შევუთვალე: ასეთი სიტყვები არ თქმულა,შენ რომ ამბობ, და შენი ჭკუით მოიგონე-მეთქი ეგენი.

⁹ყველანი გვაშინებდნენ და ამბობდნენ: ხელები ჩამოუცვივათ საქმიდან და ვეღარც დაასრულებენ. გევედრები, გაამაგრე ახლა ჩემი ხელები.

¹⁰შემაყიას, დელაია მეჰეტაბელის ძის ვაჟის სახლში შევედი,ჩაკეტილი დამიხვდა; მითხრა: ერთად წავიდეთ ღვთის სახლში, შუაგულ ტაძარში დაჩავკეტოთ ტაძრის კარი, რადგან შენს მოსაკლავად მოვლენ, სწორედ ამაღამმოვლენ შენს მოსაკლავადო.

¹¹ვუთხარი: ჩემნაირი კაცი როგორ უნდა გაიქცეს? ანდა ჩემნაირი კაცი სიცოცხლის გადასარჩენად ტაძარში როგორ შევა? არ წამოვალ-მეთქი.

¹²მივხვდი, ღვთის გამოგზავნილი რომ არ იყო. ჩემზე იმიტომ იწინასწარმეტყველა, რომ ტობიას და სანბალატის მოსყიდული იყო.

¹³იმისთვის მოისყიდეს, რომ მე შევშინებულიყავი, ისე მოვქცეულიყავი, რომ ცოდვა ჩამედინა და ეს წამხდარი სახელი ჩემს დასამცირებლად გამოეყენებინათ.

¹⁴ღმერთო ჩემო, მათი ამ საქმეებისაებრ გაიხსენე ტობია და სანბალატი, აგრეთვე ნოყადია, წინასწარმეტყველი ქალი, და სხვა დანარჩენი წინასწარმეტყველები, მე რომ მაშინებდნენ.

¹⁵ელულის თვის ოცდამეხუთე დღეს დასრულდა კედელი - ორმოცდათორმეტ დღეში.

¹⁶როცა ეს ყველაფერი ჩვენმა მტრებმა გაიგეს და ჩვენს გარშემო მცხოვრებმა ხალხებმა დაინახეს, დიდად დამცირდნენ საკუთარ თვალში და მიხვდნენ, რომ ჩვენი ღმერთის მიერ იყო ეს საქმე გაკეთებული.

¹⁷იმავე დღეებში დიდებულები იუდადან წერილებს უგზავნიდნენ ტობიას, ტობიასგან კი მათ მოსდიოდათ;

¹⁸რადგან იუდაში მრავალი იყო მასთან ფიცით შეკრული, რაკი იგი შექანია არახის ძის სიძე იყო, ხოლო მისმა ძემ, იოხანანმა, მეშელამ ბარექიას ძის ასული შეირთო.

¹⁹მის სიკეთეს ამბობდნენ ჩემს წინაშე, ჩემი სიტყვები კი მასთან მიჰქონდათ. ტობია კი წერილებს მიგზავნიდა, რომ დავეშინებინე.