Read ახალი ქართულით, Modern Georgian Bible, 1982 გამოსვლა 13 Bible Online

გამოსვლა 13 - ახალი ქართულით, Modern Georgian Bible, 1982 bible

გამოსვლა 13

¹ასე უთხრა უფალმა მოსეს:

²წმიდა ჰყავი ჩემთვის ისრაელიანთა ყოველი პირმშო, საშოსგამღები, კაციდან პირუტყვამდე. ჩემია იგი.

³უთხრა მოსემ ხალხს: გახსოვდეთ ეს დღე, რა დღესაცგამოხვედით ეგვიპტიდან, მონობის სახლიდან, რადგან მაგარი ხელითგამოგიყვანათ იქიდან უფალმა; საფუარიანი არაფერი ჭამოთ.

⁴დღეს გამოდიხართ - გაზაფხულის თვეში.

⁵როცა მიგიყვანს უფალი ქანაანელთა, ხეთელთა, ამორეველთა,ხივიელთა და იებუსეველთა ქვეყანაში, შენთვის რომ აღუთქვა უფალმა შენსმამა-პაპას, ქვეყანაში, სადაც ღვარად მოედინება რძე და თაფლი, ამ თვესაღასრულე ეს მსახურება.

⁶შვიდ დღეს ჭამე ხმიადი, მეშვიდე დღეს საუფლო დღესასწაულიგქონდეს.

⁷ხმიადი შვიდ დღეს უნდა იჭამოს; არ გაიჩერო საფუარი შენსსაზღვრებში.

⁸ასე გამოუცხადე ამ დღეს შენს შვილს: ეს იმის გამოა, რაცგამიკეთა უფალმა, როცა ეგვიპტიდან გამოვდიოდი-თქო.

⁹გქონდეს ნიშნად ხელზე და თვალებს შორის სამახსოვროდ, რათაუფლის სჯული იყოს შენს ბაგეებში, რადგან მაგარი ხელით გამოგიყვანა უფალმაეგვიპტიდან.

¹⁰იცავდე ამ წესს მისთვის განკუთვნილ დროს, წლიდან წლამდე.

¹¹როცა მიგიყვანს უფალი ქანაანელთა ქვეყანაში, მოგცემს ამქვეყანას, როგორც აღგითქვათ უფალმა შენ და შენს მამა-პაპას,

¹²განუკუთვნე უფალს საშოს ყოველი გამღები; ყოველიპირველმოგებული ნამატი პირუტყვისა, თუ მამალი იქნა, უფალს შესწირე.

¹³ყოველი პირველმოგებული ვირი ცხვრით გამოისყიდე; თუ არგამოისყიდი, კისერი გადაუმტვრიე. ყოველი პირმშო შენს შვილთა შორისგამოისყიდე.

¹⁴როცა შეგეკითხება თავის დროზე შენი შვილი, ეს რა არისო?უთხარი, მაგარი ხელით გამოგვიყვანა-თქო უფალმა ეგვიპტიდან, მონობისსახლიდან.

¹⁵როცა იძულებით გვაკავებდა ფარაონი, მოაკვდინა-თქო უფალმაყოველი პირმშო ეგვიპტის ქვეყანაში, კაცის პირმშოდან პირუტყვის პირმშომდე.ამიტომაც ვწირავ-თქო უფალს მსხვერპლად ყოველ პირველმოგებულ მამრს, ხოლოყოველ ჩემს პირმშოს გამოვისყიდი.

¹⁶გქონდეს ხელზე ნიშნად და თვალებს შორის ბეჭდად, რადგანმაგარი ხელით გამოგიყვანა უფალმა ეგვიპტიდან.

¹⁷როცა გაუშვა ფარაონმა ხალხი, არ წაუყვანია იგი უფალსფილისტიმელთა ქვეყნის გზით, თუმცა მოკლე იყო ეს გზა. რადგან იფიქრაღმერთმა, სინანულს არ შეეპყრო ხალხი ომის დანახვისას და ეგვიპტეში არდაბრუნებულიყო.

¹⁸შემოატარა ღმერთმა ხალხი უდაბნოს გავლით მეწამულიზღვისკენ; დარაზმულნი ამოვიდნენ ისრაელიანები ეგვიპტიდან.

¹⁹თან წამოიღო მოსემ იოსების ძვლები, რადგან ფიცით ჰყავდადაფიცებული იოსებს ისრაელიანები: როცა ღმერთი მოგხედავთ, წაიყოლეთო აქედანჩემი ძვლები.

²⁰დაიძრნენ სუქოთიდან და დაიბანაკეს ეთამში, უდაბნოს ბოლოს.

²¹წინ მიუძღოდა მათ უფალი, დღისით ღრუბლის სვეტში გზისსაჩვენებლად, ღამით ცეცხლის სვეტში გზის გასანათებლად, რათა ევლოთ დღითა დაღამით.

²²არ მიჰფარებია ხალხის თვალს დღისით ღრუბლის სვეტი დაღამით ცეცხლის სვეტი.