Read ახალი ქართულით, Modern Georgian Bible, 1982 გამოსვლა 14 Bible Online

გამოსვლა 14 - ახალი ქართულით, Modern Georgian Bible, 1982 bible

გამოსვლა 14

¹ასე უთხრა უფალმა მოსეს:

²უთხარი ისრაელიანებს, გაემართონ ფი-პეხიროთისკენ დადაიბანაკონ მიგდოლსა და ზღვას შორის, ბაალცაფონის წინ. მის გასწვრივ,ზღვასთან დაიბანაკეთ.

³იფიქრებს ფარაონი ისრაელიანებზე, გზა აებნათო ამქვეყანაში, უდაბნომ მოიმწყვდიაო.

⁴გულს გავუსასტიკებ ფარაონს და უკან დაგედევნებათ;გამოჩნდება ჩემი დიდება ფარაონზე და მთელს მის ჯარზე და მიხვდებიანეგვიპტელები, რომ უფალი ვარ. ასეც მოიქცნენ.

⁵ემცნო ეგვიპტის მეფეს, რომ გაიქცა ხალხი. შეეცვალათგუნება ფარაონს და მის მორჩილთ ამ ხალხზე და თქვეს: ეს რა ვქენით, რომგავათავისუფლეთ ისრაელიანები ჩვენი მორჩილებისგან?

⁶შეკაზმა ფარაონმა თავისი ეტლი და იახლა თავისი ხალხი.

⁷წაიყვანა ექვსასი რჩეული ეტლი, ეგვიპტის ყველა ეტლი დამათი მეთაურები.

⁸გაუსასტიკა უფალმა გული ფარაონს, ეგვიპტის მეფეს, დადაედევნა იგი ისრაელიანებს. ხოლო ისრაელიანები მაღალი ხელის შემწეობითგადიოდნენ.

⁹უკან დაედევნა მათ ეგვიპტე და მიეწივნენ ფი-პახიროთთან,ბაალ-ცაფონის გასწვრივ, ზღვის პირას დაბანაკებულთ ფარაონის ეტლები,მხედრები და ჯარი.

¹⁰მოახლოვდა ფარაონი, გაიხედეს ისრაელიანებმა და, აჰა,მოსდევს მათ მთელი ეგვიპტე; ძლიერ შეეშინდათ და შეჰბღავლეს უფალს.

¹¹უთხრეს მოსეს: განა ეგვიპტეში ვერ დავიმარხებოდით,უდაბნოში რომ მოგვიყვანე სასიკვდილოდ? ეს რა გვიყავი, რატომ გამოგვიყვანეეგვიპტიდან?

¹²განა ამას არ გეუბნებოდით ეგვიპტეში: დაგვანებე თავი დადავემორჩილებით ეგვიპტელებს, რადგან უდაბნოში სიკვდილს ეგვიპტისმორჩილებაში ყოფნა გვირჩევნია?

¹³უთხრა მოსემ ხალხს: ნუ გეშინიათ, მტკიცედ იდექით დადაინახავთ, რომ მალე შეგეწევათ უფალი. დღეს ხედავთ ეგვიპტელებს, მაგრამამიერიდან აღარასოდეს იხილავთ.

¹⁴უფალი იბრძოლებს თქვენთვის, თქვენ მშვიდად იყავით.

¹⁵უთხრა უფალმა მოსეს: რას შემომბღავით? უთხარი, დაიძრან,ისრაელიანებს.

¹⁶შენ კი კვერთხი აღმართე და ზღვას დააღირე, შუაზე გაიპობაიგი და მშრალად შევლენ ისრაელიან შუაგულ ზღვაში.

¹⁷ხოლო მე გულს გავუსასტიკებ ეგვიპტელებს და დაგედევნებიან.მაშინ გამოჩნდება ჩემი დიდება ფარაონზე, მთელს მის ჯარზე, მის ეტლებზე დამხედრებზე.

¹⁸მიხვდება ეგვიპტე, რომ უფალი ვარ, როცა გამოვაჩენ ჩემსდიდებას ფარაონზე, მის ეტლებზე და მხედრებზე.

¹⁹დაიძრა ისრაელის ბანაკის წინ მავალი ღვთის ანგელოზი დაუკან გაჰყვა მათ; დაიძრა ღრუბლის სვეტი და უკან შეუდგა მათ.

²⁰ჩადგა ეგვიპტელთა და ისრაელის ბანაკებს შორის იყო ღრუბლადდა წყვდიადად ეგვიპტელთათვის, ისრაელს კი ღამეს უნათებდა. მთელი ღამისმანძილზე არ მიახლოვებიან ერთმანეთს.

²¹დააღირა ხელი ზღვას მოსემ და მთელი ღამე მოდენიდა უფალიზღვას აღმოსავლეთის ძლიერი ქარით. ხმელეთად აქცია ზღვა და გაიპო წყალი.

²²მშრალად შევიდნენ ისრაელიანები შუაგულ ზღვაში, წყალიკედლად ედგათ მარჯვნივ და მარცხნივ.

²³დაედევნენ ეგვიპტელები, შეჰყვნენ შუაგულ ზღვაში ფარაონისცხენები, მისი ეტლები და მხედრები.

²⁴დაჰხედა დილის სახმილავზე უფალმა ცეცხლისა და ღრუბლისსვეტიდან ეგვიპტელთა ბანაკს და არივ-დარია ეგვიპტელთა ბანაკი.

²⁵დააძრო ბორბლები მათ ეტლებს და გაუძნელა სვლა. თქვესეგვიპტელებმა: გავერიდოთ ისრაელს, რადგან მისი გულისთვის ებრძვის უფალიეგვიპტელებს.

²⁶უთხრა უფალმა მოსეს: დააღირე ზღვას ხელი და მიიქცევაწყალი ეგვიპტელებისკენ, მათი ეტლებისა და მხედრობისკენ.

²⁷დააღირა ხელი ზღვას მოსემ და განთიადამდე მიიქცა ზღვათავის ადგილას. უკან მიბრუნებული ეგვიპტელები მიაწყდნენ ზღვას და ჩაყარაისინი უფალმა შუაგულ ზღვაში.

²⁸მიიქცა წყალი და დაფარა ეტლები, მხედრები დ ფარაონისმთელი ლაშქარი, ზღვაში რომ შეჰყვნენ მათ; ერთიც არ გადარჩენილა.

²⁹ხოლო ისრაელიანები მშრალად გადიოდნენ შუაგულ ზღვაში,წყალი კედლად ედგათ მარჯვნივ და მარცხნივ.

³⁰იხსნა უფალმა იმ დღეს ისრაელი ეგვიპტელთაგან და იხილაისრაელმა დახოცილი ეგვიპტელები ზღვის ნაპირზე.

³¹იხილა ისრაელმა მაგარი ხელი, რომელიც აღმართა უფალმაეგვიპტელებზე. შეეშინდა ხალხს უფლისა და ირწმუნეს უფალი და მისი მორჩილიმოსე.