Read ახალი ქართულით, Modern Georgian Bible, 1982 გამოსვლა 16 Bible Online

გამოსვლა 16 - ახალი ქართულით, Modern Georgian Bible, 1982 bible

გამოსვლა 16

¹დაიძრა ელიმით და ეგვიპტიდან გამოსვლის მეორეთვის მეთხუთმეტე დღეს მივიდა ისრაელის მთელი საზოგადოება სინაის უდაბნოში,რომელიც ელიმსა და სინაის მთას შორის მდებარეობს.

²შესჩივლა ისრაელიანთა მთელმა საზოგადოებამ მოსეს დააარონს უდაბნოში.

³უთხრეს ისრაელიანებმა: ნეტავ უფლის ხელით გავმწყდარიყავითეგვიპტის ქვეყანაში, როცა ხორცით სავსე ქვაბებს ვუსხედით და გაძღომამდევჭამდით პურს! მოგვიყვანე ამ უდაბნოში, რომ შიმშილით ამოგვწყვიტო მთელიკრებული!

⁴უთხრა უფალმა მოსეს: აჰა, პურს გაწვიმებთ ციდან,გამოვიდეს ხალხი და ყოველდღე აკრიფოს დღიური სამყოფი. უნდა გამოვცადო,მისდევს თუ არა ჩემს რჯულს.

⁵მეექვსე დღეს დაამზადებენ მოტანილს და იმაზე ორჯერ მეტიგამოუვათ, რასაც ყოველდღიურად აგროვებენ.

⁶უთხრეს მოსემ და აარონმა ყველა ისრაელიანს: საღამო ხანსგაიგებთ, რომ უფალმა გამოგიყვანათ ეგვიპტის ქვეყნიდან.

⁷გათენდება და იხილავთ უფლის დიდებას. ისმინა მან თქვენიჩივილი უფლისადმი. ჩვენ ვინა ვართ, ჩვენ რომ შემოგვჩივით?

⁸თქვა მოსემ: საღამოხანს ხორცს მოგცემთ საჭმელად და დილითპურს გაძღომამდე, რადგან ისმინა უფალმა თქვენი ჩივილი, რომ ჩიოდით. ჩვენვინა ვართ? ჩვენ კი არა, უფალს შესჩიოდით.

⁹უთხრა მოსემ აარონს: უთხარი ისრაელიანთა მთელსსაზოგადოებას: წარუდექით უფალს, რადგან ისმინა მან თქვენი ჩივილი.

¹⁰როდესაც ელაპარაკებოდა აარონი ისრაელიანთა მთელსსაზოგადოებას, გაჰხედა უდაბნოს და, აჰა, გამოჩნდა ღრუბელში უფლის დიდება.

¹¹ელაპარაკა უფალი მოსეს და უთხრა:

¹²ვისმინე ისრაელიანთა ჩივილი. ასე უთხარი მათ: საღამოხანსჭამეთ ხორცი და დილით დაძეხით პურით, და მიხვდებით, რომ მე ვარ უფალი,თქვენი ღმერთი.

¹³საღამოხანს მოფრინდა მწყერი და დაფარა მთელი ბანაკი;დილით კი ცვრით იყო მოფენილი მთელი ბანაკი.

¹⁴დადნა ცვარი და აჰა, ყრია უდაბნოში რაღაც წვრილი დახაოიანი, წვრილი როგორც ჭირხლია ხოლმე მიწაზე.

¹⁵დაინახეს ისრაელიანებმა და ეკითხებოდნენ ერთმანეთს, ეს რაარისო, რადგან არ იცოდნენ რა იყო. უთხრა მათ მოსემ: ეს არის პური, საჭმელადრომ მოგცათ უფალმა.

¹⁶ასე აქვს ნაბრძანები თქვენთვის უფალს: თითოეულმა იმდენიშეაგროვეთ, რამდენიც საჭმელად გჭირდებათ; კაცზე თითო გომერი, სულადობისკვალობაზე; ყველამ თქვენ-თქვენს კარავში მყოფთათვის შეაგროვეთ.

¹⁷ასე მოიქცნენ ისრაელიანები: შეაგროვეს, ვინ ბევრი, ვინცოტა.

¹⁸არწყეს გომერით; არც ბევრის შემგროვებელს აღმოაჩნდაზედმეტი და არც მცირეს შემგროვებელს კლებია რამე. თითოეულს იმდენი ჰქონდაშეგროვილი, რამდენიც საჭმელად სჭირდებოდა.

¹⁹უთხრა მათ მოსემ: დილისთვის არვინ მოიტოვოს ნარჩენები.

²⁰არ დაუჯერეს მოსეს. და დილისთვის მოიტოვეს ნარჩენები.გაუჩნდა მატლი და ამყრალდა, და გაურისხდა მათ მოსე.

²¹აგროვებდნენ დილაობით რამდენიც სჭირდებოდათ საჭმელად;მზის მცხუნვარებაში კი დნებოდა.

²²მეექვსე დღეს ორჯერ მეტი შეაგროვეს პური, ორი გომერი თითოსულზე, მივიდნენ მოსესთან საზოგადოების თავკაცები და შეატყობინეს.

²³უთხრა მათ მოსემ: ასე აქვს ნაბრძანები უფალს: ხვალ უქმეა.უფლის წმიდა შაბათი; რის გამოცხობასაც აპირებთ, გამოაცხვეთ, რისმოხარშვასაც აპირებთ, მოხარშეთ; რაც მოგრჩებათ, დილისთვის შეინახეთ.

²⁴მათაც მოიტოვეს დილამდე, როგორც ბრძანა მოსემ; არცამყრალებულა და არც მატლი გასჩენია.

²⁵უთხრა მოსემ: დღეს ჭამეთ, რადგან დღეს უფლის შაბათია;ვერაფერს იპოვით დღეს ველზე.

²⁶ექვს დღეს აგროვეთ იგი; მეშვიდე დღეს კი შაბათია; არაფერიიქნება ამ დღეს.

²⁷გავიდნენ მეშვიდე დღეს ზოგიერთები შესაგროვებლად დავერაფერი იპოვეს.

²⁸უთხრა უფალმა მოსეს: როდემდის უნდა მირღვევდეთ მცნებებსდა სჯულდებებს?

²⁹გახსოვდეთ, შაბათი მოუცია თქვენთვის უფალს. ამიტომაცმოგცათ მან მეექვსე დღეს ორი დღის სამყოფი პური; დარჩით თქვენ-თქვენსადგილზე და არსად გახვიდეთ მეშვიდე დღეს.

³⁰და უქმობდა ხალხი მეშვიდე დღეს.

³¹დაარქვა მას ისრაელის სახლმა სახელად მანანა ქინძისთესლის ოდენა იყო, თეთრი, თაფლიანი პურის გემო ჰქონდა.

³²თქვა მოსემ: ასე აქვს ნაბრძანები უფალს: აავსე მანანითგომერი შესანახად თაობიდან თაობაში, რათა იხილონ პური, რომელსაც გაჭმევდითუდაბნოში, როცა ეგვიპტის ქვეყნიდან გამოგიყვანეთ.

³³უთხრა მოსემ აარონს: აიღე ერთი ბადია, ჩადე შიგ სრულიგომერი მანანა და დადგი უფლის წინაშე თაობიდან თაობაში შესანახად.

³⁴დადგა აარონმა იგი შესანახად აღთქმის კიდობნის წინ,როგორც ნაბრძანები ჰქონდა მოსესთვის უფალს.

³⁵ორმოცი წელი ჭამდნენ ისრაელიანები მანანას, ვიდრე თავიანთსამკვიდრებელში მივიდოდნენ; მანანას ჭამდნენ, ვიდრე ქანაანის ქვეყნისსაზღვრამდე მივიდოდნენ.

³⁶გომერი კი ეფას მეათედია.