Read ახალი ქართულით, Modern Georgian Bible, 1982 გამოსვლა 17 Bible Online

გამოსვლა 17 - ახალი ქართულით, Modern Georgian Bible, 1982 bible

გამოსვლა 17

¹დაიძრა მწყობრად ისრაელის მთელი საზოგადოებასინაის უდაბნოდან, უფლის ბრძანებისამებრ, და დაიბანაკეს რეფიდიმში, სადაცხალხისთვის სასმელი წყალი არ იპოვებოდა.

²შესჩიოდა ხალხი მოსეს და ეუბნებოდა: მოგვეცით სასმელიწყალი! უთხრა მათ მოსემ: რატომ მეჩხუბებით, რატომ სცდით უფალს?

³ხალხს წყალი სწყუროდა. უჩიოდა ხალხი მოსეს და ამბობდა:რისთვისღა ამოგვიყვანე ეგვიპტიდან, თუ წყურვილით დაგვხოცავდით ჩვენც, ჩვენსბავშვებსაც და საქონელს?

⁴ასე შეჰღაღადა მოსემ. უფალს: რა ვუყო ამ ხალხს? ცოტაც დაჩამქოლავენ.

⁵უთხრა უფალმა მოსეს: ჩაიარე ხალხის წინ, და თან ისრაელისუხუცესთაგანნი იახლე; ხელში გეჭიროს კვერთხი, რომელსაც სცემდი ნილოსს, დაიარე.

⁶მე ვიდგები შენს წინ იქ, ხორების კლდეზე; დაჰკარი კლდესდა გამოვა წყალი, და დალევს ხალხი. ასეც გააკეთა მოსემ ისრაელის უხუცესთათვალწინ.

⁷უწოდა სახელად იმ ადგილს მასა და მერიბა ისრაელიანთაშუღლის გამო და იმის გამო, რომ უფალი გამოცადეს, როცა თქვეს: არის თუ არაჩვენს შორის უფალი?

⁸მოვიდა ყამალეკი და შეებრძოლა ისრაელს რეფიდიმში.

⁹უთხრა მოსემ იესოს: გამოარჩიე კაცები და გადი ყამალეკთანსაბრძოლველად. ხვალ ბორცვის თავზე ვიდგები და ღვთიური კვერთხი მეჭირებახელში.

¹⁰ისე მოიქცა იესო, როგორც უბრძანა მოსემ: წავიდაყამალეკთან საბრძოლველად, ხოლო მოსე, აარონი და ხური ბორცვზე ავიდნენ.

¹¹როცა ხელს აღმართავდა მოსე, ძლევდა ისრაელი. როცადაუშვებდა ხელს, ყამალეკი ძლევდა.

¹²დაუმძიმდა ხელები მოსეს; მოუტანეს ქვა, ქვეშ დაუდეს დაჩამოჯდა ქვაზე მოსე. ხოლო აარონსა და ხურს მისი ხელები ეჭირათ, ერთს ერთიმხრიდან, მეორეს მეორე მხრიდან. არ ჩამოშვებია ხელები მზის ჩასვლამდე.

¹³სძლია იესომ ყამალეკს და მის ხალხს მახვილით.

¹⁴უთხრა უფალმა მოსეს: სამახსოვროდ ჩასწერე ეს წიგნში დაჩააგონე იესოს, რომ აღვგვი ყამალეკის სახსენებელს ცისქვეშეთიდან.

¹⁵ააგო მოსემ სამსხვერპლო და უწოდა სახელად ადონაი-ნისი(უფალი - ალამი ჩემი).

¹⁶თქვა: რადგან ხელი უფლის ტახტზეა: ომი აქვს უფალსყამალეკთან თაობიდან თაობამდე.