Read ახალი ქართულით, Modern Georgian Bible, 1982 გამოსვლა 18 Bible Online

გამოსვლა 18 - ახალი ქართულით, Modern Georgian Bible, 1982 bible

გამოსვლა 18

¹შეიტყო მიდიანელმა მღვდელმა ითრომ, მოსესსიმამრმა, ყველაფერი, რაც გაუკეთა ღმერთმა მოსეს და ისრაელს, თავის ერს,როდესაც გამოჰყავდა უფალს ისრაელი ეგვიპტიდან.

²წამოიყვანა ითროშ, მოსეს სიმამრმა, ციფორა, მოსეს ცოლი,რომელიც გაშვებული ჰყავდა მოსეს.

³მისი ორი ვაჟიშვილი, რომელთაგან ერთს ერქვა სახელადგერშომი, რადგან თქვა: მდგმური ვიყავიო უცხო ქვეყანაში.

⁴ხოლო მეორეს - ელიაზარი, რადგან თქვა: მამაჩემის ღმერთიშემწედ მყავდაო და მიხსნა ფარაონის მახვილისგან.

⁵და მივიდა ითრო, მოსეს სიმამრი, მოსეს ცოლითა და მისიშვილებითურთ, მოსესთან უდაბნოში, სადაც ბანაკად იდგა იგი ღვთის მთასთან.

⁶შეატყობინა მოსეს: შენი სიმამრი მოვედი შენთან, შენიცოლითა და მისი ორი ვაჟიშვილითურთ.

⁷მიეგება მოსე თავის სიმამრს, თაყვანისცა და გადაკოცნა;მოიკითხეს ერთმანეთი და შევიდნენ კარავში.

⁸უამბო მოსემ თავის სიმამრს ყველაფერი, ისრაელის გამო რაცდამართა უფალმა ფარაონს და ეგვიპტელებს, ყველა გასაჭირი, რაც გზაში შეხვდათდა როგორ იფარავდა მათ უფალი.

⁹გაიხარა ითრომ ყველა იმ სიკეთით, რაც უყო უფალმა ისრაელს,როცა იხსნა იგი ეგვიპტელთა და ფარაონის ხელიდან.

¹⁰თქვა ითრომ: კურთხეულია უფალი, რომელმაც გიხსნათეგვიპტელთა და ფარაონის ხელიდან, რომელმაც იხსნა ერი ეგვიპტელთამონობისგან.

¹¹ახლა კი ვიცი, რომ ყველა ღმერთზე დიდია უფალი, რადგანიხსნა ხალხი ეგვიპტელთა ხელიდან, როდესაც მზვაობრობდნენ მასზე.

¹²მიუტანა ითრომ, მოსეს სიმამრმა, ღმერთს აღსავლენიმსხვერპლი და საკლავი. მივიდნენ აარონი და ისრაელის მთელი უხუცესობა, რათაუფლის წინაშე ეჭამათ პური მოსეს სიმამრთან ერთად.

¹³მეორე დღეს დაჯდა მოსე ხალხის განსასჯელად; დილიდანსაღამომდე იდგა ხალხი მოსეს წინაშე.

¹⁴დაინახა მოსეს სიმამრმა ყველაფერი, როგორ ექცეოდა იგიხალხს და ჰკითხა: როგორ ექცევი ხალხს? რატომ ზიხარ მარტო, როცა მთელი ხალხიდილიდან საღამომდე ფეხზე დგას შენს წინაშე?

¹⁵უთხრა მოსემ სიმამრს: იმიტომ, რომ ჩემთან მოდის ხალხიღვთის ნების საკითხავად.

¹⁶როცა რაიმე საქმე გაუჩნდებათ, ჩემთან მოდიან და მეცგანვსჯი მათ სამართალს, ვუცხადებ ღვთის წესებსა და რჯულს.

¹⁷უთხრა სიმამრმა მოსეს: არ არის კარგი, რასაც შენ აკეთებ.

¹⁸გაიტანჯებით შენც და ეს ხალხიც, შენთან რომ არის, რადგანმძიმეა შენთვის ეს საქმე. მარტო შენ ვერ აუხვალ მას.

¹⁹ახლა გაიგონე ჩემი სიტყვა, რჩევას მოგცემ და შენთანიქნება ღმერთი. იყავი ხალხის შუამავალი ღმერთთან და წარუდგინე ღმერთს მათისარჩელი.

²⁰ასწავლე მათ წესები და რჯული, უჩვენე გზა, რითაც უნდაიარონ, და საქმეები, რაც უნდა აკეთონ.

²¹გამონახე ერში მაგარი ხალხი, ღვთისმოშიშნი, ანგარებისმოძულენი, წრფელი ხალხი და ათასისთავებად, ასისთავებად, ორმოცდაათისთავებადდა ათისთავებად დაუდგნენ ერს.

²²მათ განსაჯონ ერი ყოველ დროს; დიდი საქმეები შენმოგახსენონ, ხოლო წვრილმანი თავად გადაწყვიტონ, შემოგეშველონ, რომშეგიმსუბუქდეს ტვირთი.

²³თუ ასე მოიქცევი, და ღმერთიც მოგცემს დარიგებებს, მაშინგაუძლებ და ეს ხალხიც მშვიდობით დაბრუნდება თავის ადგილზე.

²⁴ისმინა მოსემ თავისი სიმამრის სიტყვა და შეასრულა ყოველიმისი ნათქვამი.

²⁵გამოარჩია მოსემ მაგარი ხალხი მთელი ისრაელიდან დადანიშნა ისინი ერის თავკაცებად - ათასისთავებად, ასისთავებად,ორმოცდაათისთავებად და ათისთავებად.

²⁶სჯიდნენ ისინი ერს ყოველ დროს; მძიმე საქმეს მოსესმოახსენებდნენ, ხოლო წვრილმან საქმეებს თავად წყვეტდნენ.

²⁷გაისტუმრა მოსემ სიმამრი და ისიც წავიდა თავისთვის თავისქვეყანაში.