Read ახალი ქართულით, Modern Georgian Bible, 1982 გამოსვლა 28 Bible Online

გამოსვლა 28 - ახალი ქართულით, Modern Georgian Bible, 1982 bible

გამოსვლა 28

¹მიიახლოვე აარონი, შენი ძმა, თავისშვილებიანად ისრაელიანთაგან, რომ მღვდლობა გამიწიოს: აარონი და მისიშვილები: ნადაბი, აბიჰუ, ელიაზარი და ითამარი.

²გაუწყვე წმიდა შესამოსელი აარონს, შენს ძმას,დიდებისთვის და დასამშვენებლად.

³უთხარი ყველა გულბრძენ კაცს, რომელიც მე ავავსე სიბრძნისსულით, გაუწყონ შესამოსელი აარონს, რომ ჩემს მღვდლად იკურთხოს იგი.

⁴აი, შესამოსელი, რომელიც მათ უნდა გაუწყონ: სამკერდული,ეფოდი, წამოსასხამი, ნაქსოვი კვართი, თავსაბურავი და სარტყელი. გაუწყონწმიდა შესამოსელი შენს ძმას აარონს და მის შვილებს, რომ მღვდლობა გამიწიონმე.

⁵აიღონ ოქრო, ლურჯი, ძოწისფერი და ჭიაფერი ქსოვილი დასელი.

⁶გააკეთონ ეფოდი ოქროსფერი, ლურჯი, ძოწისფერი და ჭიაფერიქსოვილისგან და გრეხილი სელისაგან ოსტატურად.

⁷ორი მისამაგრებელი სამხრე უნდა ჰქონდეს ორსავე ბოლოშიკიდეზე და იკვრებოდეს.

⁸მისი სარტყელი იმგვარადვე ნახელავი უნდა იყოს -ოქროსფერი, ლურჯი, ძოწისფერი და ჭიაფერი ქსოვილისგან და გრეხილი სელისაგანგაკეთებული.

⁹აიღე ონიქსის ორი თვალი და ზედ ისრაელიანთა სახელებიამოკვეთე.

¹⁰ექვსი ამ სახელთაგან ერთ თვალზე, დანარჩენი ექვსი სახელიმეორე თვალზე, მათი წარმოშობის მიხედვით.

¹¹ქვაზე ამომკვეთელის ხელოვნებით, როგორც საბეჭდავისტვიფარს აკეთებენ, ამოტვიფრე ორ თვალზე ისრაელიანთა სახელები და ოქროსბუდეებში ჩასვი.

¹²მიამაგრე ეს ორი თვალი ეფოდის სამხრეებს, ისრაელიანთასამახსოვრო თვლები. ატაროს ეს სახელები აარონმა თავის ორ სამხრეზე უფლისწინაშე სამახსოვროდ.

¹³ბუდეები ოქროსი გააკეთე.

¹⁴და ორი ძეწკვიც ხალასი ოქროსი; წნულ თასმებად გააკეთეისინი და მიამაგრე წნული ძეწკვები ბუდეებზე.

¹⁵გააწყვე განკითხვის სამკერდული, ოსტატურად ნახელავი,ისევე როგორც ეფოდია გაწყობილი. ოქროსაგან, ლურჯი, ძოწეული და ჭიაფერიქსოვილისგან და დაგრეხილი სელისაგან გააწყვე.

¹⁶ოთხკუთხედი უნდა იყოს, ორკეცი. სიგრძით ერთი მტკაველი,სიგანითაც ერთი მტკაველი.

¹⁷ოთხრიგად გააწყვე მასზე თვლები თავის ბუდეებით; ერთრიგში: ლალი, ტოპაზი და ზურმუხტი - პირველი რიგი.

¹⁸მეორე რიგი: ფირუზი, საფირონი და იასპი;

¹⁹მესამე რიგი: იაგუნდი, აქატი და ამეთვისტო;

²⁰მეოთხე რიგი: ქრიზოლითი, ონიქსი და ბერილი.

²¹ისრაელიანთა სახელების მიხედვით უნდა იყოს თვლები;თორმეტი თვალი მათი სახელების მიხედვით. თითოეულზე ამოტვიფრული უნდა იყოსთითო შტოს სახელი თორმეტიდან.

²²გაუკეთე სამკერდულს ხალასი ოქროს წნული ძეწკვი.

²³გაუკეთე სამკერდულს ორი ოქროს რგოლი და მიამაგრე ეს ორირგოლი სამკერდულის ორსავე კიდეს.

²⁴გაუყარე ორი ოქროს წნული ორ რგოლში სამკერდულის კიდეზე.

²⁵მიამაგრე ორი წნული ძეწკვის ორივე ბოლო ბუდეებს და მიაბიეფოდის სამხრეს წინა მხრიდან.

²⁶გააკეთე ორი ოქროს რგოლი და მიამაგრე სამკერდულის ორკიდეს ნაპირზე, რომელიც ეფოდის შიდა მხარეს არის მოქცეული.

²⁷გააკეთე ორი ოქროს რგოლი და მიამაგრე ეფოდის ორსავესამხრეს ქვემოდან, წინა მხარეს, შესაკრავთან, ეფოდის სარტყელს ზემოთ.

²⁸გადააბან სამკერდულის რგოლები ეფოდის რგოლებს ლურჯიძაფით, რომ არ ასცდეს სამკერდული ეფოდს და დამაგრდეს ეფოდის სარტყელსზემოთ.

²⁹თან ატაროს აარონმა ისრაელიანთა სახელები განკითხვისსამკერდულზე გულთან ახლოს უფლის წინაშე მუდმივ სამახსოვროდ, როცასაწმიდარში შევა ხოლმე.

³⁰მიამაგრე განკითხვის სამკერდულს ურიმი და თუმიმი დაჰქონდეს ისინი აარონს გულთან ახლოს, როცა შევა უფლის წინაშე. ატაროსაარონმა მუდმივად ისრაელიანთა განკითხვა თავის გულთან ახლოს უფლის წინაშე.

³¹გააკეთე ეფოდის მოსასხამი მთლიანად ლურჯი ქსოვილისგან.

³²შუაში თავის გასაყრელი უნდა ჰქონდეს, ამოჭრილის პირსირგვლივ არშია უნდა გასდევდეს ნაქსოვისგან, როგორც ჯაჭვის პერანგისსათაურს, რომ არ შემოირღვეს.

³³ამოქარგე მის კალთებზე ირგვლივ ბროწეულები ლურჯი, ძოწეულიდა ჭიაფერი ძაფით და ოქროს ეჟვნები ჩამოჰკიდე ირგვლივ მათ შორის.

³⁴ოქროს ეჟვანი და ბროწეული, ოქროს ეჟვანი და ბროწეულიმოსასხამის კალთაზე ირგვლივ.

³⁵ჰქონდეს ეს აარონს ღვთისმსახურების დროს; ისმოდეს მისიხმა საწმიდარში შესვლისას უფლის წინაშე და იქიდან გამოსვლისას, რათა არმოკვდეს.

³⁶გააკეთე ხალასი ოქროს ჯიღა და ამოტვიფრე მასზე ბეჭდისტვიფარით: სიწმიდე უფლისათვის.

³⁷მიამაგრე იგი ლურჯი თასმით თავსაბურველს, თავსაბურველისწინა მხარეს უნდა იყოს.

³⁸ეკეთოს აარონს შუბლზე და იტვირთოს აარონმა იმშეწირულებათა ცოდვა, რომლებსაც შესწირავენ ისრაელიანები ყოველი შეწირვისას.მუდამ შუბლზე ეკეთოს, რომ წყალობა ჰქონდეთ უფლის წინაშე.

³⁹მოქსოვე სელის კვართი და გააკეთე სელის თავსაბურველი,სარტყელიც გააკეთე, ნაყშიანი.

⁴⁰აარონის შვილებსაც გაუკეთე კვართები, გაუკეთე სარტყელებიდა ქუდებიც გაუკეთე სადიდებლად და დასამშვენებლად.

⁴¹შემოსე ამ შესამოსელით შენი ძმა აარონი და მისი შვილები,ზეთი სცხე მათ, ხელი აუვსე და აკურთხე, რომ მღვდლობა გამიწიონ.

⁴²გაუკეთე მათ ტილოს საწმერთული შიშველი ხორცისდასაფარავად, ბარძაყებამდე უნდა წვდებოდეს.

⁴³ჩაიცვამენ მას აარონი და მისი შვილები, როცასადღესასწაულო კარავში შევლენ ან როცა სამსხვერპლოს მიუახლოვდებიანსაწმიდარში მსახურებისთვის, რომ ცოდვა არ დაედოთ და არ დაიხოცონ. ეს არისსამარადისო წესი მისთვის და მისი შთამომავლობისთვის.