Read ახალი ქართულით, Modern Georgian Bible, 1982 გამოსვლა 3 Bible Online

გამოსვლა 3 - ახალი ქართულით, Modern Georgian Bible, 1982 bible

გამოსვლა 3

¹მწყემსავდა მოსე თავისი სიმამრის, მიდიანელიმღვდლის, ითროს, ცხვარს. წაასხა ერთხელ ცხვარი უდაბნოს იქით და მიადგაღვთის მთას, ხორებს.

²გამოეცხადა უფლის ანგელოზი ცეცხლის ალად შუაგულმაყვლოვანში. ხედავს, ცეცხლი უკიდია მაყვლოვანს, მაგრამ არ იწვის მაყვლისბუჩქი.

³თქვა მოსემ: მივალ და ვნახავ ამ დიდებულ სანახავს, რატომარ იწვის მაყვლოვანი.

⁴დაინახა უფალმა, რომ მოდის მოსე სანახავად და დაუძახაღმერთმა შუაგულ მაყვლოვანიდან: მოსე! მოსე! მიუგო: აქა ვარ.

⁵უთხრა: ახლოს ნუ მოხვალ! გაიძრე ფეხსამოსი, რადგან ესადგილი, სადაც შენ დგახარ, წმიდა მიწაა.

⁶უთხრა: მე ვარ მამაშენის ღმერთი, აბრაამის ღმერთი, ისაკისღმერთი, იაკობის ღმერთი. სახე დაიფარა მოსემ, რადგან ღვთის ხილვისაშეეშინდა.

⁷თქვა უფალმა: ვიხილე ჩაგვრა ჩემი ერისა ეგვიპტეში დამომესმა ზედამხედველებისგან გამწარებულთა ღაღადი. რაკი გავიგე მისიგასაჭირი,

⁸ჩამოვედი, რომ ვიხსნა იგი ეგვიპტელთაგან და წავიყვანო მაგქვეყნიდან მადლიანსა და ვრცელ ქვეყანაში, სადაც ღვარად მოედინება თაფლი დარძე, ქანაანელთა, ხეთელთა, ამორეველთა, ფერიზეველთა, ხივიელთა დაიებუსეველთა ქვეყანაში.

⁹აჰა, მოაწია ჩემამდე ისრაელიანთა ღაღადმა და ვიხილე მათიჩაგვრა, როგორ ჩაგრავენ მათ ეგვიპტელები.

¹⁰ახლა გაგგზავნი ფარაონთან, რომ გამოიყვანო ეგვიპტიდანჩემი ერი, ისრაელიანები.

¹¹უთხრა მოსემ ღმერთს: მე ვინ ვარ, ფარაონთან რომ წავიდე დაგამოვიყვანო ისრაელიანები ეგვიპტიდან?

¹²უთხრა: მე ვიქნები შენთან. ეს გქონდეს იმის ნიშნად, რომჩემი გაგზავნილი ხარ: როცა ეგვიპტიდან გამოიყვან ჩემს ერს, თაყვანი ეცითღმერთს ამ მთაზე.

¹³უთხრა მოსემ ღმერთს: კარგი, მივედი ისრაელიანებთან დავუთხარი, თქვენი მამა-პაპის ღმერთმა გამომგზავნა-მეთქი. თუ მკითხეს მისისახელი, რა ვუპასუხო?

¹⁴უთხრა ღმერთმა მოსეს: მე ვარ, რომელიც ვარ. კვლავ უთხრა:ასე უპასუხე ისრაელიანებს: რომელიც ვარ მგზავნის თქვენთან.

¹⁵კვლავ უთხრა ღმერთმა მოსეს: ასე უთხარი ისრაელიანებს:უფალმა, თქვენი მამა-პაპის ღმერთმა აბრაამის ღმერთმა, ისაკის ღმერთმა,იაკობის ღმერთმა გამომგზავნა თქვენთან. ეს არის ჩემი სახელი უკუნითიუკუნისამდე, ეს არის ჩემი სახსენებელი თაობიდან თაობამდე.

¹⁶წადი, შეკრიბე ისრაელის უხუცესები და უთხარი მათ: უფალი,თქვენი მამა-პაპის ღმერთი, გამომეცხადა, აბრაამის ღმერთი, ისაკის ღმერთი დაიაკობის ღმერთი, და მითხრა: მოგხედავთ თქვენ და თქვენს გასაჭირს ეგვიპტეში.

¹⁷ვთქვი: გამოგიყვანთ ეგვიპტის სატანჯველიდან და წაგიყვანთქანაანელთა, ხეთელთა, ამორეველთა, ხივიელთა და იებუსეველთა ქვეყანაში,ქვეყანაში, სადაც ღვარად მოედინება რძე და თაფლი.

¹⁸ერწმუნებიან შენს სიტყვას და მიხვალ ისრაელისუხუცესებითურთ ეგვიპტის მეფესთან; ეტყვით: უფალი, ებრაელთა ღმერთიგამოგვეცხადა. ახლა უდაბნოში გავალთ სამი დღის სავალზე, რომ მსხვერპლიშევწიროთ უფალს, ჩვენს ღმერთს.

¹⁹ვიცი, არ გაგიშვებთ ეგვიპტის მეფე, თუ მაგარმა ხელმა არაიძულა.

²⁰მოვიღერებ ხელს და დავსჯი ეგვიპტეს მთელი ჩემისასწაულებით, რომლებსაც მოვახდენ მის შუაგულში. მხოლოდ ამის შემდეგგაგიშვებთ იგი.

²¹მადლს ვაპოვნინებ ეგვიპტელთა თვალში ამ ხალხს და როცაწასვლის დრო დაგიდგებათ, ხელცარიელი არ წახვალთ.

²²ინათხოვრებს თქვენი დედაკაცი თავის მეზობლისგან და თავისიმდგმურისგან ვერცხლისა და ოქროს ჭურჭელს, სამოსელს და აჰკიდებთ თქვენსვაჟებსა და ასულებს. ასე გაეცლებით ეგვიპტეს.