Read ახალი ქართულით, Modern Georgian Bible, 1982 გამოსვლა 31 Bible Online

გამოსვლა 31 - ახალი ქართულით, Modern Georgian Bible, 1982 bible

გამოსვლა 31

¹ასე უთხრა უფალმა მოსეს:

²აჰა, მოვუწოდე სახელდებით ბეცალიელს, ძესაურისა, ძისა ხურისა, იუდას შტოდან,

³და ავავსე იგი ღვთის სულით, სიბრძნით, გონიერებით, ცოდნითდა ყოველი ხელოვნებით,

⁴რომ შეეძლოს ოქროს, ვერცხლისა და სპილენძის დამუშავება,

⁵მოსაოჭველი თვლების გათლა, ხის კვეთა ხელოვნურ ნივთთადასამზადებლად.

⁶აჰა, მივუჩინე მას ოჰოლიაბ ახისამაქის ძე დანის ტომიდანდა სიბრძნე ჩავუდევი ყოველ ბრძენკაცს გულში, რათა ყველაფერი გააკეთონ, რაცგიბრძანე.

⁷სადღესასწაულო კარავი, მოწმობის კიდობანი სახურავითურთ დაკარვის ყოველი ჭურჭელი,

⁸ტაბლა და მისი ჭურჭელი, წმიდა ლამპარი და ყველა მისიჭურჭელი, საკმევლის სამსხვერპლო,

⁹აღსავლენის სამსხვერპლო და ყველა მისი ჭურჭელი საბანელითავისი კვარცხლბეკითურთ,

¹⁰საწესო შესამოსელი, აარონ მღვდლის წმიდა შესამოსელი,

¹¹მირონი და სურნელოვანი საკმეველი საწმიდარისთვის -ყველაფერი ისე გააკეთონ, როგორც მე გიბრძანე.

¹²ასე უთხრა უფალმა მოსეს:

¹³ასე გამოუცხადე ისრაელიანებს: დაიცავით ჩემი შაბათები,რადგან ეს იქნება ნიშანი ჩვენს შორის თაობიდან თაობაში იმის საცოდნელად,რომ მე ვარ უფალი, თქვენი განმწმედელი.

¹⁴დაიცავით შაბათი, რადგან წმიდაა იგი თქვენთვის მისიშემბღალავი უნდა მოკვდეს; შაბათობით მოსაქმე უნდა მოიკვეთოს თავისიხალხიდან.

¹⁵ექვს დღეს აკეთონ საქმე, მეშვიდე დღეს საუქმო შაბათია,უფლისათვის წმიდა. ყველა, ვინც კი შაბათ დღეს საქმეს გააკეთებს, უნდამოკვდეს.

¹⁶დაიცვან ისრაელიანებმა შაბათი, რათა უქმობდნენ შაბათსთაობიდან თაობაში. სამარადისოა ეს აღთქმა;

¹⁷ეს იყოს სამარადისო ნიშნად ჩემსა და ისრაელანებს შორის,რადგან ექვს დღეში შექმნა უფალმა ცა და მიწა, მეშვიდე დღეს კი იუქმა დადაისვენა.

¹⁸მისცა მოსეს უფალმა, როცა შეწყვიტა მასთან ლაპარაკისინაის მთაზე, მოწმობის ორი დაფა, ღვთის თითით ნაწერი ფიქალები.