Read ახალი ქართულით, Modern Georgian Bible, 1982 გამოსვლა 37 Bible Online

გამოსვლა 37 - ახალი ქართულით, Modern Georgian Bible, 1982 bible

გამოსვლა 37

¹გააკეთა ბეცალიელმა ურთხელისგან კიდობანი;ორწყრთანახევარი იყო მისი სიგრძე, წყრთანახევარი სიგანე და წყრთანახევარისიმაღლე.

²მოჭედა იგი ხალასი ოქროთი შიგნიდან დაგარედან და ოქროს გვირგვინი შემოავლო გარშემო.

³ჩამოასხა მისთვის ოთხი ოქროს რგოლი, მის ოთხსავე კუთხეზედასამაგრებელი: ორი რგოლი ერთ მხარეზე, ორი რგოლი მეორე მხარეზე.

⁴დაამზადა კეტები ურთხელისგან და ოქროთი მოჭედა.

⁵გაუყარა კეტები რგოლებში კიდობნის გვერდებზე, კიდობნისსატარებლად.

⁶გააკეთა სახურავი წმიდა ოქროსაგან; სიგრძეორწყრთანახევარი ჰქონდა, სიგანე - წყრთანახევარი.

⁷გააკეთა ოქროს ორი ქერუბიმი; ოქროსაგან გამოჭედა ისინი;სახურავის ორსავე კიდეზე განალაგა.

⁸ერთი ქერუბიმი ერთ კიდეზე, მეორე ქერუბიმი მეორე კიდეზე.სახურავიდან გამოიყვანა ქერუბიმები ორსავე კიდეზე.

⁹ფრთები გაშლილი ჰქონდათ ქერუბიმებს და ფარავდნენ თავიანთიფრთებით სახურავს, სახით ერთმანეთისკენ იყვნენ მიქცეულნი, სახურავისკენჰქონდათ მიქცეული სახეები.

¹⁰გააკეთა ტაბლა ურთხელისგან; ორი წყრთა ჰქონდა სიგრძე,ერთი წყრთა სიგანე და წყრთანახევარი სიმაღლე.

¹¹ხალასი ოქროთი მოჭედა და ოქროს გვირგვინი შემოავლოგარშემო.

¹²ირგვლივ ერთი მტკაველი კედელი გაუკეთა და კედელსაც ოქროსგვირგვინი შემოავლო გარშემო.

¹³ჩამოასხა მისთვის ოთხი ოქროს რგოლი და ოთხსავე კუთხეზეოთხ ფეხთან დაამაგრა.

¹⁴კედელზე მიმაგრებული რგოლები კეტების გასაყრელი იყო, რომტაბლა ეტარებინათ.

¹⁵გააკეთა ურთხელის კეტები, ოქროთი მოჭედილი, ტაბლისსატარებლად.

¹⁶გააკეთა ტაბლის ჭურჭელი: თეფშები, კოვზები, თასები დასაღვრელის დასაღვრელი საწდეები ხალასი ოქროსგან.

¹⁷გააკეთა სასანთლე ხალასი ოქროსგან, ნაჭედი იყო სასანთლე;მისი ღერო, რტო, ჯამები, კოკრები და ყვავილები ერთიანი იყო.

¹⁸ექვსი რტო გამოდიოდა მისი გვერდებიდან: სასანთლის სამიღერო ერთი გვერდიდან, სასანთლის სამი ღერო მეორე გვერდიდან.

¹⁹ნუშისებრი სამი ჯამი ერთ რტოზე, კოკორი და ყვავილი;ნუშისებრი სამი ჯამი მეორე რტოზე, კოკორი და ყვავილი. ასე ექვსსავე რტოზე,რომლებიც სასანთლიდან გამოდიან.

²⁰სასანთლეზე ოთხი ნუშისებრი ჯამი, კოკრები და ყვავილები.

²¹ერთი კოკორი ორ რტოს ქვეშ, ერთი კოკორიც ორ რტოს ქვეშ;ასე ექვსივე რტოსთვის, რომლებიც სასანთლიდან გამოდიან.

²²მისი კოკრები და რტოები მისგანვე იყო ნაკეთები, მთლიანადჭედური იყო ერთიანი ხალასი ოქროსი.

²³გაუკეთა შვიდი ლამპარი და მაშები და აქანდაზები ხალასიოქროსაგან.

²⁴ერთი ქანქარი ხალასი ოქროსგან გააკეთა ისიც და მთელი მისიჭურჭელი.

²⁵გააკეთა საკმევლის სამსხვერპლო ურთხელისგან: ერთი წყრთასიგრძე ჰქონდა, ერთი წყრთა - სიგანე, ერთი წყრთა - სიმაღლე, მისგანვე იყონაკეთები მისი რქები.

²⁶ხალასი ოქროთი მოჭედა იგი, მისი სახურავი, კედლებიირგვლივ და რქები; ოქროს გვირგვინი მოავლო გარშემო.

²⁷ორი ოქროს რგოლი მიამაგრა ქვემოდან სალტეს ორსავეგვერდზე, ორსავე მხარეს კეტების გასაყრელად, რათა ეტარებინათ სამსხვერპლო.

²⁸დაამზადა კეტები ურთხელისგან და ოქროთი მოჭედა.

²⁹დაამზადა წმიდა მირონი და სურნელოვანი, სუფთა საკმეველი,როგორც მენელსურნელენი ამზადებენ.