Read ახალი ქართულით, Modern Georgian Bible, 1982 გამოსვლა 39 Bible Online

გამოსვლა 39 - ახალი ქართულით, Modern Georgian Bible, 1982 bible

გამოსვლა 39

¹ლურჯი, ძოწეული და ჭიაფერი ქსოვილისგანშეკერეს საწესო შესამოსელი საწმიდარში სამსახურისთვის; წმიდა შესამოსელიშეუკერეს აარონს, როგორც ნაბრძანები ჰქონდა მოსესთვის უფალს.

²დაამზადეს ეფოდი ოქროსგან, ლურჯი, ძოწეული დაჭიაფერი ქსოვილისგან და გრეხილი სელისგან.

³გაგლინეს ოქროს ფირფიტები და ძაფებად დაჭრეს, რომდაეტნიათ ლურჯ, ძოწეულ და ჭიაფერ ქსოვილსა და სელს შორის.

⁴გაუკეთეს მისამაგრებელი სამხრეები; ორივე ბოლოთი იყომიმაგრებული.

⁵მასზე შემოსარტყმელი ზონარი იმავე მასალისა და მსგავსინახელავი, ოქროსგან, ლურჯი, ძოწისფერა და ჭიაფერი მატყლის ქსოვილისგან დაგრეხილი სულისგან, როგორც ნაბრძანები ჰქონდა მოსესთვის უფალს.

⁶დაამუშავეს ოქროს ბუდეებში ჩასასმელი ონიქსის თვლები,რომლებზედაც ამოტვიფრული იყო ისრაელიანთა სახელები.

⁷განალაგა ისინი ეფოდის სამხრეებზე - ისრაელიანთასამახსოვრო თვლები, როგორც ნაბრძანები ჰქონდა მოსესთვის უფალს.

⁸გააკეთა სამკერდული ამოქარგული, ისევე როგორც ეფოდი,ოქროსგან, ლურჯი, ძოწეული და ჭიაფერი მატყლის ქსოვილისგან და გრეხილისელისგან.

⁹ოთხკუთხედი იყო იგი; ორკეცი გააკეთეს სამკერდული -სიგრძით ერთი მტკაველი და სიგანითაც ერთი მტკაველი, ორკეცი.

¹⁰ოთხრიგად გააწყვეს მასზე თვლები: ერთ რიგში: ლალი, ტოპაზიდა ზურმუხტი - პირველი რიგი.

¹¹მეორე რიგი: ფირუზი, საფირონი და იასპი;

¹²მესამე რიგი: იაგუნდი, აქატი და ამეთვისტო;

¹³მეოთხე რიგი: ქრისოლითი, ონიქსი და ბერილი. ოქროსბუდეებში იყოს ჩასმული.

¹⁴თვლები ისრაელიანთა სახელების მიხედვით იყო, თორმეტი,მათი სახელების მიხედვით, თორმეტივე ტომის სახელი იყო ამოტვიფრული.

¹⁵გაუკეთა სამკერდულს წნული ძეწკვი ხალასი ოქროსი;

¹⁶გააკეთა ორი ოქროს ბუდე და ორი ოქროს რგოლი და მიამაგრაორი რგოლი სამკერდულის ორთავე კიდეს.

¹⁷გაუყარა ორი ოქროს წნული ძეწკვი ორ რგოლში სამკერდულისკიდეებზე.

¹⁸ორი წნული ძეწკვის ორი ბოლო მიამაგრა ორ ბუდეს და წინიდანმიაბა ისინი ეფოდის სამხრეებს.

¹⁹გააკეთა ორი ოქროს რგოლი და მიამაგრა სამკერდულის ორკიდეს ნაპირზე, რომელიც ეფოდის შიდა მხარეს არის მოქცეული.

²⁰გააკეთა ორი ოქროს რგოლი და მიამაგრა ეფოდის ორ სამხრესქვემოდან წინა მხარეს, შესაკრავთან, ეფოდის სარტყელს ზემოთ.

²¹გადააბეს სამკერდული მისი რგოლებით ეფოდის რგოლებს ლურჯიძაფით, რომ ყოფილიყო ეფოდის სარტყელს ზემოთ და არ ასცდენოდა სამკერდულიეფოდს, როგორც ნაბრძანები ჰქონდა მოსესთვის უფალს.

²²გააკეთა ეფოდის მოსასხამი, ნაქსოვი მთლიანად ლურჯიქსოვილისგან.

²³შუაში ამოჭრილი იყო მოსასხამი ჯაჭვის პერანგივით;ამოჭრილის კიდეს არშია გასდევდა, რომ არ შემორღვეულიყო.

²⁴ამოქარგა მოსასხამის კალთებზე ბროწეულები ლურჯი, ძოწეულიდა ჭიაფერი გრეხილი ძაფებით.

²⁵გააკეთა ეჟვნები წმიდა ოქროსაგან და ჩამოჰკიდა ეჟვნებიბროწეულებს შორის მოსასხამის კალთებზე ირგვლივ, ბროწეულებს შორის.

²⁶ეჟვანი და ბროწეული, ეჟვანი და ბროწეული მოსასხამისკალთებზე ირგვლივ, მსახურებისთვის, როგორც ნაბრძანები ჰქონდა მოსესთვისუფალს.

²⁷გააკეთეს კვართი სელისგან, ნაქსოვი აარონისთვის და მისიშვილებისთვის,

²⁸თავსაბურველი სელისგან, ქუდი სელისგან და ტილოს შარვალიგრეხილი სელისგან.

²⁹სარტყელი გრეხილი ბისონისგან და ლურჯი, ძოწეული დაჭიაფერი ქსოვილისგან, ნაქარგი, როგორც ნაბრძანები ჰქონდა მოსესთვის უფალს.

³⁰გააკეთა ჯიღა - სიწმიდის გვირგვინი - ხალასი ოქროსაგან დაამოტვიფრა მასზე წარწერა, როგორც ბეჭედზე: უფლის სიწმიდე.

³¹გამოაბა მას ლურჯი ძაფი, რომ თავსაბურველზე მიემაგრებინაზემოდან, როგორც ნაბრძანები ჰქონდა მოსესთვის უფალს.

³²დასრულდა სავანის სადღესასწაულო კარვის მთელი სამუშაო.ყველაფერი გააკეთეს ისრაელიანებმა, როგორც ნაბრძანები ჰქონდა მოსესთვისუფალს; ასე გააკეთეს.

³³მიუტანეს სავანე მოსეს, გადასახურავი და მთელი მისიმოწყობილობა, კაუჭები, ძელები, ლარტყები, სვეტები, ფეხები.

³⁴დათრიმლული ტყავის გადასაფარებელი, თახაშის ტყავისგადასაფარებელი და კრეტსაბმელი,

³⁵მოწმობის კიდობანი, მისი კეტები და სახურავი.

³⁶ტაბლა მთელი მისი ჭურჭელი და დასადებელი პური,

³⁷წმიდა სასანთლე და მისი ლამპრები, ჩასამწკრივებელილამპრები მთელი მათი მოწყობილობითურთ; და ზეთი გასანათებლად,

³⁸ოქროს სამსხვერპლო, მირონი, სურნელოვანი საკმეველი,ჩამოსაფარებელი კარვის კარისათვის,

³⁹სპილენძის სამსხვერპლო სპილენძისვე ცხაურით, მისი კეტებიდა მთელი მისი მოწყობილობა, საბანელი თავისი კვარცხლბეკით,

⁴⁰ეზოს ფარდები, მისი სვეტები მათი ფეხებით, ეზოს კარიბჭისჩამოსაფარებელი, მისი ბაგირები, პალოები და ყოველი ჭურჭელი სადღესასწაულოკარვისთვის,

⁴¹საწესო შესამოსელი საწმიდარში სამსახურისთვის, აარონმღვდლის წმიდა შესამოსელი და მისი შვილების სამღვდელო შესამოსელი.

⁴²როგორც ნაბრძანები ჰქონდა უფალს მოსესთვის, ყველაფერი ისეგააკეთეს ისრაელიანებმა.

⁴³ნახა მოსემ მთელი ნამუშევარი და აჰა, გაუკეთებიათყველაფერი. როგორც ნაბრძანები ჰქონდა უფალს, ისე გაუკეთებიათ. და დალოცაისინი მოსემ.