Read ახალი ქართულით, Modern Georgian Bible, 1982 გამოსვლა 40 Bible Online

გამოსვლა 40 - ახალი ქართულით, Modern Georgian Bible, 1982 bible

გამოსვლა 40

¹ასე უთხრა უფალმა მოსეს:

²პირველი თვის პირველ დღეს აღმართე სავანე,სადღესასწაულო კარავი.

³დადგი იქ მოწმობის კიდობანი და მოაფარე კრეტსაბმელიკიდობანს.

⁴შეიტანე ტაბლა და დააწყვე მასზე, რაც დასაწყობია; შეიტანესასანთლე და აანთე ლამპრები.

⁵დადგი ოქროს სამსხვერპლო საკმევლისთვის მოწმობის კიდობნისწინ და ფარდა ჩამოაფარე კარვის შესასვლელს.

⁶დადგი სამსხვერპლო აღსავლენისთვის სავანის, სადღესასწაულოკარვის შესასვლელთან.

⁷დადგი საბანელი სადღესასწაულო კარავსა და სამსხვერპლოსშორის და ჩაასხი შიგ წყალი.

⁸მოაწყვე გარშემო ეზო და ჩამოჰკიდე ფარდა ეზოს ჭიშკართან.

⁹აიღე მირონი და სცხე სავანეს და ყველაფერს, რაც მასშია;განათლე მთელი მისი ჭურჭელი და წმიდა იქნება.

¹⁰სცხე აღსავლენის სამსხვერპლოს და მთელს მის ჭურჭელს,განათლე სამსხვერპლო და წმიდათა წმიდა იქნება სამსხვერპლო.

¹¹სცხე საბანელს და მის კვარცხლბეკს და განათლე იგი.

¹²მიიყვანე აარონი და მისი შვილები სადღესასწაულო კარვისშესასვლელთან და წყლით განბანე.

¹³შემოსე აარონი წმიდა შესამოსელით, სცხე მას და განათლეიგი, რომ მღვდლობა გამიწიოს მე.

¹⁴მისი შვილებიც მიიყვანე და შემოსე ისინი კვართით.

¹⁵სცხე მათ, როგორც მათ მამას სცხე, რომ მღვდლობა გამიწიონმე და ამ მირონცხებამ სამარადისო მღვდლობა მიანიჭოს მათ თაობიდან თაობაში.

¹⁶ყველაფერი გააკეთა მოსემ, რაც ნაბრძანები ჰქონდა მისთვისუფალს; ასე გააკეთა.

¹⁷მეორე წლის პირველ თვეს, თვის პირველში აღიმართა სავანე.

¹⁸აღმართა მოსემ სავანე, დადგა მისი ფეხები, განალგაძელები, დაამაგრა ლარტყები და აღმართა სვეტები.

¹⁹გადაფინა გადასაფარებელი სავანეზე და გაუკეთა მასსახურავი ზემოდან, როგორც ნაბრძანები ჰქონდა მოსესთვის უფალს.

²⁰აიღო მოწმობა და ჩადო კიდობანში, გაუყარა კეტები კიდობნისრგოლებში და თავი დაახურა კიდობანს.

²¹შეიტანა კიდობანი სავანეში, ჩამოჰკიდა კრეტსაბმელი დადაფარა მოწმობის კიდობანი, როგორც ნაბრძანები ჰქონდა მოსესთვის უფალს.

²²დადგა ტაბლა სადღესასწაულო კარავში, სავანის ჩრდილომხარეს, ფარდის გარეთ.

²³დააწყო მასზე პური უფლის წინაშე, როგორც ნაბრძანებიჰქონდა მოსესთვის უფალს.

²⁴დადგა სასანთლე სადღესასწაულო კარავში ტაბლის პირდაპირ,სავანის სამხრეთ მხარეს.

²⁵აანთო ლამპრები უფლის წინაშე, როგორც ნაბრძანები ჰქონდამოსესთვის უფალს.

²⁶დადგა ოქროს სამსხვერპლო სადღესასწაულო კარავში, ფარდისწინ.

²⁷აკმია მასზე სურნელოვანი საკმეველი, როგორც ნაბრძანებიჰქონდა მოსესთვის უფალს.

²⁸ჩამოჰკიდა ჩამოსაფარებელი სავანის შესასვლელთან.

²⁹აღსავლენის სამსხვერპლო დადგა სავანის, სადღესასწაულოკარვის შესასვლელთან, შესწირა მასზე აღსავლენი მსხვერპლი და პურისშესაწირავი, როგორც ნაბრძანები ჰქონდა მოსესთვის უფალს.

³⁰დადგა საბანელი სადღესასწაულო კარავსა და სამსხვერპლოსშორის და ჩაასხა შიგ განსაბანელი წყალი.

³¹განიბანდნენ აქ მოსე, აარონი და მისი შვილები ხელებსა დაფეხებს.

³²როცა შევიდოდნენ სადღესასწაულო კარავში დამიუახლოვდებოდნენ სამსხვერპლოს, განიბანდნენ, როგორც ნაბრძანები ჰქონდამოსესთვის უფალს.

³³მოაწყო ეზო სავანისა და სამსხვერპლოს ირგვლივ დაჩამოჰკიდა ფარდა ეზოს ჭიშკარში და დაასრულა მოსემ სამუშაო.

³⁴დაფარა ღრუბელმა სადღესასწაულო კარავი და უფლის დიდებამაავსო სავანე.

³⁵ვერ შევიდა მოსე სადღესასწაულო კარავში, რადგან ღრუბელიიყო მასზე დავანებული და უფლის დიდებას აევსო სავანე.

³⁶როცა ასცილდებოდა ღრუბელი სავანეს, მაშინ დაიძრებოდნენხოლმე ისრაელიანები სამგზავროდ.

³⁷თუ არ ასცილდებოდა ღრუბელი, არ დაიძრებოდნენ, ვიდრე არასცილდებოდა.

³⁸რადგან უფლის ღრუბელი ადგა სავანეს დღისით, ღამ-ღამობითკი ცეცხლი ჩანდა შიგ მთელი ისრაელის სახლის თვალწინ, მთელს მათ გზაზე.