Read ახალი ქართულით, Modern Georgian Bible, 1982 გამოსვლა 8 Bible Online

გამოსვლა 8 - ახალი ქართულით, Modern Georgian Bible, 1982 bible

გამოსვლა 8

¹და უთხრა უფალმა მოსეს: მიდი ფარაონთან დაუთხარი, ასე ამბობს-თქო უფალი: გაუშვი ჩემი ხალხი, რათა თაყვანი მცენ.

²თუ უარს იტყვის გაშვებაზე, გომბეშოებით მოვწყლავ მთელსშენს ქვეყანას.

³გომბეშოები აფუთფუთდებიან ნილოსში, ამოვლენ და შეესევიანშენს სახლს, შენს საძილე ოთახს, შენს საწოლს, შენს მორჩილთა სახლებს, შენსხალხს, შენს თონეებსა და შენს ვარცლებს.

⁴შემოგახტებათ გომბეშოები თავად შენ, შენს ხალხს და ყველაშენს მორჩილს.

⁵უთხრა უფალმა მოსეს: უთხარი აარონს: მოუღერე კვერთხიანიხელი მდინარეებს, ნაკადულებს და ჭაობებს და ამოასხი გომბეშოები ეგვიპტისქვეყნად.

⁶მოუღერა ხელი აარონმა ეგვიპტის წყლებს და ამოვიდნენგომბეშოები და დაფარეს ეგვიპტის ქვეყანა.

⁷იგივე მოიმოქმედეს გრძნეულებმა თავიანთი ჯადოსნობით:ამოასხეს გომბეშოები ეგვიპტის ქვეყნად.

⁸იხმო ფარაონმა მოსე და აარონი და უთხრა: შეევედრეთ უფალს,რომ მოგვაცილოს გომბეშოები მე და ჩემს ხალხს. მაშინ გავუშვებ თქვენსხალხსაც და შესწირონ მსხვერპლი უფალს.

⁹უთხრა მოსემ ფარაონს: მიბრძანე, როდის შევევედრო შენთვისდა შენს მორჩილთათვის, შენი ხალხისთვის, რომ მოგაშოროს გომბეშოები შენ დაშენს სახლებს, და მხოლოდ ნილოსში დარჩნენ?

¹⁰უთხრა: ხვალ. უთხრა მოსემ: შენი სიტყვისამებრ იყოს! რათაიცოდე, რომ ვერავინ შეედრება ჩვენს უფალ ღმერთს.

¹¹მოგცილდებიან გომბეშოები შენ და შენს სახლებს, შენსმორჩილთ და შენს ხალხს; მხოლოდ ნილოსში დარჩებიან.

¹²გამოვიდნენ მოსე და აარონი ფარაონისგან. შეჰღაღადა უფალსმოსემ გომბეშოების გამო, ფარაონისთვის რომ ჰყავდა მისეული.

¹³აასრულა უფალმა მოსეს სიტყვა და ამოწყდნენ გომბეშოებისახლებში, ეზოებში და მინდვრებში.

¹⁴გროვებად დაყარეს და აქოთდა ქვეყანა.

¹⁵დაინახა ფარაონმა, სული რომ მოითქვა ქვეყანამ დაგაისასტიკა გული: არ მოუსმინა მათ, როგორც ნათქვამი ჰქონდა უფალს.

¹⁶უთხრა უფალმა მოსეს: უთხარი აარონს, მოიღერე კვერთხი დადაჰკარი მიწას და მუმლი მოედება მთელს ეგვიპტეს.

¹⁷ასეც მოიქცა: მოიღერა აარონმა კვერთხიანი ხელი და დაჰკრამიწას, და მოედო მუმლი კაცსა და პირუტყვს, მთელი მიწა მუმლად იქცა ეგვიპტისქვეყანაში.

¹⁸იხმარეს თავიანთი ჯადოსნობა გრძნეულებმა, რომ გამოედევნათმუმლი, მაგრამ ვერ შეძლეს, და ეხვია მუმლი მიწას და პირუტყვს.

¹⁹უთხრეს გრძნეულებმა ფარაონს: ეს ღვთის ხელია! გაუსასტიკდაგული ფარაონს და არ შეისმინა მათი, როგორც ნათქვამი ჰქონდა უფალს.

²⁰უთხრა უფალმა მოსეს: წადი დილაადრიანად და წარუდექიფარაონს, როცა წყალზე ჩამოვა; უთხარი, ასე ამბობს-თქო უფალი: გაუშვი ჩემიხალხი, რომ თაყვანი მცეს.

²¹თუ არ გაგიშვია ჩემი ხალხი, ბუზანკალს მოგისევ შენ დაშენს მსახურებს, შენს ხალხს, შენს სახლებს და აივსება ბუზანკალითეგვიპტელთა სახლები და ის მიწაც, სადაც ისინი არიან.

²²გამოვარჩევ იმ დღეს გოშენის მხარეს, სადაც დგას ჩემიხალხი, რომ არ შეაღწიოს იქ ბუზანკალმა, ვინძლო დარწმუნდე, რომ ქვეყნისშუაგულში ვარ მე, უფალი.

²³გამოვარჩევ ჩემს ხალხს შენი ხალხისგან. ხვალ მოხდება ესსასწაული.

²⁴ასეც გააკეთა უფალმა. შეესია უთვალავი ბუზანკალი ფარაონისსახლს, მის მორჩილთა სახლებს, მთელ ეგვიპტის ქვეყანას. იღუპებოდა ქვეყანაბუზანკალისგან.

²⁵უხმო ფარაონმა მოსეს და აარონს და უთხრა: წადით, შესწირეთმსხვერპლი თქვენს ღმერთს ჩემს ქვეყანაში.

²⁶უთხრა მოსემ: ვერ ვიზამთ ამას, რადგან სისაძაგლეაეგვიპტელთათვის ჩვენი მსხვერპლშეწირვა უფლის, ჩვენი ღმერთისადმი. ხომჩაგვქოლეს, თუ შევწირეთ ეგვიპტელთათვის საძაგელი მსხვერპლი მათ თვალწინ!

²⁷სამი დღის სავალზე გავალთ უდაბნოში და იქ შევწირავთმსხვერპლს უფალს, ჩვენს ღმერთს, როგორც თავად გვიბრძანებს.

²⁸უთხრა ფარაონმა: გაგიშვებთ და შესწირეთ მსხვერპლი თქვენსღმერთს უდაბნოში, ოღონდ შორს ნუ წახვალთ. ილოცეთ ჩემთვის.

²⁹უთხრა მოსემ: აჰა, გავდივარ შენგან და შევევედრები უფალს,რომ ხვალვე მოაშოროს ბუზანკალი ფარაონს, მის მსახურებს და მის ხალხს. ოღონდაღარ მოიტყუოს ფარაონმა და გაუშვას ხალხი უფლისათვის მსხვერპლის შესაწირად.

³⁰გავიდა მოსე ფარაონისგან და შეევედრა უფალს.

³¹შეიწყნარა უფალმა მოსეს ვედრება და მოაშორა ბუზანკალიფარაონს, მის მორჩილთ და მის ხალხს. ერთიც არ დარჩენილა.

³²გაისასტიკა გული ფარაონმა ამჯერადაც და არ გაუშვა ხალხი.