Read ახალი ქართულით, Modern Georgian Bible, 1982 იობი 1 Bible Online

იობი 1 - ახალი ქართულით, Modern Georgian Bible, 1982 bible

იობი 1

¹იყო ერთი კაცი ყუცის ქვეყანაში, სახელად იობი. ალალი, წრფელი, ღვთისმოშიში და ბოროტებას განრიდებული იყო ეს კაცი.

²ჰყავდა მას შვიდი ვაჟი და სამი ასული.

³ჰყავდა საქონელი - შვიდიათასი სული ცხვარი, სამიათასიაქლემი, ხუთასი უღელი ხარი, ხუთასი დედალი ვირი, უამრავი მსახური.აღმოსავლელთა შორის ყველაზე სახელოვანი იყო ეს კაცი.

⁴სტუმრობდნენ ერთმანეთთან მისი ვაჟები და მორიგეობითმართავდნენ ლხინს, იწვევდნენ თავიანთ სამ დას, რომ ერთად ეჭამათ და ესვათ.

⁵როცა ჩამოთავდებოდა ლხინის დღეები, გაგზავნიდა იობი დაგანწმედდა მათ; ადგებოდა დილაადრიანად, აღავლენდა აღსავლენ მსხვერპლს მათირიცხვისდა მიხედვით, რადგან ფიქრობდა იობი, ვაითუ რამე შესცოდესო ჩემმავაჟებმა და დაჰგმესო ღმერთი თავიანთ გულში. მუდამ ასე იქცეოდა იობი.

⁶ერთ დღეს მივიდნენ ღვთისშვილები უფლის წინაშეწარსადგომად. სატანაც მივიდა მათ შორის.

⁷უთხრა უფალმა სატანას: საიდან მოდიხარ? მიუგო სატანამუფალს და უთხრა: ქვეყნად წანწალიდან და ხეტიალიდან.

⁸უთხრა უფალმა სატანას: თუ შეგინიშნავს ჩემი მორჩილი იობი?ხომ არავინ არის მისი მსგავსი ამ ქვეყანაზე? ალალი, წრფელი, ღვთისმოშიშიკაცია, ბოროტებას განრიდებული.

⁹მიუგო სატანამ უფალს და უთხრა: მერედა ტყუილუბრალოდ არისიობი ღვთისმოშიში?

¹⁰განა შენ არ გყავს დაცული მთელი მისი სახლ-კარითა და საბადებლითურთ? მისი ხელით ნაქმნარი შენგან არის კურთხეული, მისი საქონელი გამრავლებულია ქვეყნად.

¹¹აბა, გაიწოდე ხელი და შეეხე მთელს მის საბადებელს, თუპირში არ დაგიწყოს გმობა.

¹²უთხრა უფალმა სატანას: აჰა, შენს ხელთ იყოს მთელი მისი საბადებელი! ოღონდ თავად მას ნუ შეეხები. და გავიდა სატანა უფლისგან.

¹³ერთ დღეს, როცა მისი ვაჟები და ასულები ჭამდნენ და ღვინოს სვამდნენ უფროსი ძმის სახლში,

¹⁴მოვიდა მაცნე იობთან და უთხრა: ხარები ხნავდნენ, სახედრები კი ძოვდნენ მის გვერდით;

¹⁵დაეცნენ შებაელები და გაირეკეს, მსახური ბიჭები კი მახვილით ამოხოცეს. მე ერთი გადავრჩი ამბის მომტანი.

¹⁶ამის ლაპარაკში იყო, რომ მოვიდა სხვა და ამბობს: ღვთის ცეცხლი ჩამოვარდა ციდან, გადაწვა ცხვარი და მსახური ბიჭები; შთანთქა ისინი. მე ერთი გადავრჩი ამბის მომტანი.

¹⁷ამის ლაპარაკში იყო, რომ მოვიდა სხვა და ამბობს: ქალდეველები დაეწყვნენ სამ რაზმად, დაეცნენ აქლემებს და წაასხეს, და მახვილით ამოხოცეს. მე ერთი გადავრჩი ამბის მომტანი.

¹⁸ამის ლაპარაკში იყო, რომ მოვიდა სხვა და ამბობს: შენი ვაჟები და ასულები ჭამდნენ და ღვინოს სვამდნენ უფროსი ძმის სახლში.

¹⁹ამ დროს დაბერა უდაბნოდან დიდმა ქარმა, ეძგება სახლის ოთხსავე კუთხეს, ჭერი თავზე დაემხო ყმაწვილებს და დაიხოცნენ. მე ერთი გადავრჩი ამბის მომტანი.

²⁰ადგა იობი, შემოიხია მოსასხამი, გადაიპარსა თავი, დაეცა მიწაზე და თაყვანი სცა.

²¹თქვა: შიშველი გამოვედი დედის მუცლიდან და შიშველი დავბრუნდები იქ. უფალმა მომცა, უფალმა წაიღო. კურთხეულ იყოს უფლის სახელი.

²²მაინც არ შეუცოდავს იობს და ღვთის აუგი არ დასცდენია.