Read ახალი ქართულით, Modern Georgian Bible, 1982 იობი 10 Bible Online

იობი 10 - ახალი ქართულით, Modern Georgian Bible, 1982 bible

იობი 10

¹მოსძაგდა ჩემს სულს სიცოცხლე, უნდა ვიგლოვო ჩემი თავი, უნდა ვილაპარაკო სულგამწარებულმა.

²ვეტყვი ღმერთს: ნუ მადანაშაულებ! მაცოდინე, რისთვისმედავები?

³კარგია შენთვის, რომ თრგუნავ, რომ მოიძულე შენ ხელთაქმნილება და ბოროტეულთა რჩევით ანათებ?

⁴ნუთუ შენც ხორციელი თვალები გაქვს? ნუთუ შენც ადამიანივითიყურები?

⁵განა ადამიანის დღეებივითაა შენი დღეები? განა შენი წლებიკაცის დღეებივითაა?

⁶რას ეძებ ჩემს დანაშაულს? ჩემს ცოდვებს რას კითხულობ?

⁷ხომ იცი, რომ არ შემიცოდავს, მაგრამ შენი ხელიდან ვერავინმიხსნის.

⁸შენმა ხელებმა გამომსახეს და შემქმნეს მე ყველაფერთანერთად, რაც გარს მარტყია, და შენვე გამანადგურე.

⁹გაიხსენე, თიხისგან რომ შემქმენი და მტვრად რომ მაქცევ!

¹⁰განა რძესავით არ გადმომღვარე და ყველივით არ შემადედე?

¹¹ტყავითა და ხორცით შემმოსე, ძვლებითა და ძარღვებითმომქსოვე.

¹²სიცოცხლე და წყალობა მოავლინე ჩემზე და შენი ზრუნვა ინახავდა ჩემს სულს.

¹³ეს გქონდა დაფარული გულში; მივხვდი, რომ ეს შენთან იყო.

¹⁴როცა შევცოდე, დამიდარაჯდი და არ მომიტევე დანაშაული.

¹⁵თუ დამნაშავე ვარ, ვაიმე ჩემს თავს! თუ მართალი ვარ, თავს ვერ ვწევ მაღლა, რადგან სავსე ვარ სირცხვილით. ნახე ჩემი სივაგლახე!

¹⁶წამოვიწევი და ლომივით მედევნები, კვლავ და კვლავ სასწაულებს ახდენ ჩემზე.

¹⁷განაახლებ მოწმეებს ჩემს წინააღმდეგ და უფრო და უფრო მრისხანებ ჩემზე; ჯარი მოდის და მოდის ჩემს წინააღმდეგ.

¹⁸რისთვის გამომიყვანე დედის საშოდან? მოვმკვდარიყავი, რომ არავის თვალს არ ვეხილე!

¹⁹ვყოფილიყავი როგორც არყოფილი, საშოდან საფლავში ჩავსულიყავი.

²⁰ხომ დღემოკლე ვარ? დამაყენე, მომეშვი, რომ გავიხარო ცოტათი მაინც,

²¹სანამ წავიდოდე უკანმოუქცევლად ბნელეთისა და შავეთის ქვეყანაში,

²²წყვდიადის ქვეყანაში, როგორც შავეთის უკუნეთში, სადაც არ არის წესრიგი და ნათობს უკუნი.