Read ახალი ქართულით, Modern Georgian Bible, 1982 იობი 11 Bible Online

იობი 11 - ახალი ქართულით, Modern Georgian Bible, 1982 bible

იობი 11

¹მიუგო ცოფარ ნაყამათელმა და უთხრა:

²განა ბევრ სიტყვას პასუხი არ გაეცემა? განამჭევრმეტყველება კაცს ამართლებს?

³შენი ფუჭსიტყვაობა ჩააჩუმებს ადამიანებს? დაცინვასმოჰყვები და არავინ იქნება შემარცხვენელი?

⁴შენ ამბობ, მართლად განვსჯიო და სუფთა ვართო მის თვალში.

⁵ნეტავ ღმერთი ალაპარაკდებოდეს და გახსნიდეს ბაგეებს შენსმიმართ!

⁶გაგიცხადებდა სიბრძნის საიდუმლოებებს, რადგან ორგემაგეასიბრძნე. იცოდე, რომ დაივიწყა ღმერთმა ზოგიერთი შენი შეცოდება.

⁷ჩასწვდები შენ ღვთის სიღრმეს? ჩასწვდები ყოვლადძლიერისსრულყოფილებას?

⁸ცათა მწვერვალებია, რა გამოგივა? ქვესკნელზე უღრმესია,რას შეიცნობ?

⁹დედამიწაზე გრძელია ზომით და ზღვაზე ვრცელი.

¹⁰თუ ჩაივლის, დაატუსაღებს და მსჯავრს დასდებს - წინ ვინ აღუდგება?

¹¹რადგან ის ცნობს ცრუ ხალხს; ის ხედავს ბოროტებას და იმახსოვრებს.

¹²ქარაფშუტა კაცი განისწავლება და ველური ვირის ჩოჩორიც კიადამიანად იქცევა!

¹³თუ შენ განაწყობ შენს გულს და განაპყრობ ხელებს მის მიმართ,

¹⁴თუ ცოდვა აქვს შენს ხელს, განიშორე და არ დაასადგურო უკეთურება შენს კარვებში,

¹⁵მაშინ აღმართავ შენს სახეს უმწიკვლოდ, განმტკიცდები და შიში არ გექნება.

¹⁶რადგან დაგავიწყდება ტანჯვა-წამება, როგორც ჩავლილ წყალს, ისე გაიხსენებ;

¹⁷შუადღესავით ინათებს წუთისოფელი და ბნელი დილასავით იქნება;

¹⁸დამშვიდდები, რადგან არის სასო, დასადგურდები და იმედიანად დაიძინებ;

¹⁹იწვები და არავინ შეგაშინებს, მრავალნი დაგიწყებენ პირფერობას.

²⁰ბოროტმოქმედთა თვალნი დაივსებიან, დაეკარგებათ თავშესაფარი და გაქარწყლდება მათი იმედები.