Read ახალი ქართულით, Modern Georgian Bible, 1982 იობი 19 Bible Online

იობი 19 - ახალი ქართულით, Modern Georgian Bible, 1982 bible

იობი 19

¹მიუგო იობმა და უთხრა:

²როდემდის უნდა მიშფოთებდეთ სულს და მგვემდეთ სიტყვებით?

³უკვე მეათეჯერ შეურაცხმყავით მე და გამიუცხოვდითუსირცხვილოდ?

⁴თუ მართლა შევცდი, ჩემთანვე დარჩება ჩემი შეცდომა.

⁵თუ თქვენ მართლა უღირსად მთვლით და მწამებთ აუგს,

⁶იცოდეთ, რომ ღმერთმა გამღუნა მე და გამხვია თავის ბადეში.

⁷აჰა, ძალადობას ვჩივი და პასუხს არავინ მაძლევს; შველასვითხოვ და არ არის სამართალი;

⁸გზა გადამიღობა და ვეღარ გადავდივარ; ბნელი დაამკვიდრაჩემს ბილიკებზე;

⁹დიდება წამართვა და თავზეით ამხადა გვირგვინი;

¹⁰ყოველი მხრივ დამაქცია დაა წასული ვარ; ხესავითამომიძირკვა იმედი;

¹¹თავისი რისხვა დააგზნო ჩემს თავზე და შემრაცხა თავის მტრებს შორის;

¹²ერთად მომადგნენ მისი ურდოები და მოასწორეს ჩემსკენმომავალი გზები, ჩემი კარვის გარშემო დაიბანაკეს;

¹³მოძმენი მომაშორა და ჩემი მცნობელნი გამიუცხოვდნენ;

¹⁴მახლობელნი განმიდგნენ და მეგობრებმა დამივიწყეს მე;

¹⁵ჩემი სახლის მდგმურები და მხევლები უცხოდ მიყურებენ, უცხო თესლი შევიქენი მათ თვალში;

¹⁶მსახურს ვეძახი და ხმას არ მცემს, ბაგით ვევედრები;

¹⁷ჩემი სუნთქვა შესძაგდა ჩემს ცოლს და ჩემი სუნი - ჩემს ნაშიერთ.

¹⁸ბავშვებმაც შემიძულეს, წამოვდგები და შეურაცხმეოფენ;

¹⁹მომიძულეს ჩემმა გულითადმა მეგობრებმა და, ვინც კი მიყვარდა, მტრად გამიხდნენ;

²⁰ტყავში და ხორცში ჩამილპა ძვლები, კბილების ტყავიღა შემრჩა.

²¹შემიბრალეთ, შემიბრალეთ, მეგობრებო, რადგან ღვთის ხელი შემეხო მე!

²²რატომ მდევნით ღმერთივით და რატომ არ ძღებით ჩემი ხორცით?

²³ოჰ, ნეტავ დაიწერებოდეს ჩემი სიტყვები, ნეტავ ჩაიბეჭდებოდეს წიგნში!

²⁴რკინის საჭრეთელით ამოიკვეთებოდეს ტყვიაზე ან კლდეზე სამარადისოდ!

²⁵მაგრამ ვიცი, ცოცხალია ჩემი გამომხსნელი და საბოლოოდ აღიმართება მიწაზე!

²⁶და როცა დაიშლება ეს ჩემი კანი, უსხეულმყოფელიც ვიხილავ ღმერთს;

²⁷მე თავად დავინახავ მას და ჩემი თვალები იხილავენ, არა სხვისნი! გული დამელია მკერდში მოლოდინით!

²⁸თუ იტყვით: რას ვდევნითო მას და საქმის ფესვი მასში იპოვებაო;

²⁹მახვილს მოერიდეთ, რადგან რისხვაა მახვილის სასჯელი, რათა იცოდეთ, რომ არის განკითხვა!