Read ახალი ქართულით, Modern Georgian Bible, 1982 იობი 20 Bible Online

იობი 20 - ახალი ქართულით, Modern Georgian Bible, 1982 bible

იობი 20

¹მიუგო ცოფარ ნაყამათელმა და უთხრა:

²ჩემი ფიქრები მაიძულებენ პასუხს და ამის გამო ვიჩქარი.

³ჩემს შეურაცხყოფას ვისმენ და ჩემი გონებიდან მპასუხობსსული:

⁴ხომ იცი, ასე ყოფილა უკუნითიდან, რაც რომ კაცი დადგინდაქვეყანაზე:

⁵ბოროტეულთა სიხარული ხანმოკლეა და უღვთოს ლხენა წამიერი.

⁶თუნდაც ცამდე ამაღლდეს მისი დიდება და მისი თავი ღრუბლებსმისწვდეს,

⁷თავისი განავალივით გაქრება საბოლოოდ; იკითხავენ მისიმნახველნი, სად არისო?

⁸გაფრინდება როგორც სიზმარი და ვერავინ იპოვნის; ღამისჩვენებასავით გაუჩინარდება;

⁹თვალი, რომელიც ხედავდა მას, ვეღარ იხილავს; ვეღარც მისიადგილი იხილავს მას ვერასოდეს;

¹⁰მისი შვილები შეუვრდებიან გაღატაკებულთ და თავისი ხელითდაუბრუნებენ დოვლათს;

¹¹სიჭაბუკით სავსე მისი ძვლები მასთან ერთად ჩაესვენებიან მიწაში;

¹²თუმცა ბოროტება ეტკბილება პირში და ენის ქვეშ ინახავსმას,

¹³თუმცა ენანება გადმოსაგდებად და სასაში იჩერებს,

¹⁴უნასის შხამად ექცევა საჭმელი ნაწლავებში.

¹⁵ყლაპავს დოვლათს და ისევ ამოარწყევს, მუცლიდან გამოუდევნის მას ღმერთი.

¹⁶უნასთა შხამს მოსწოვს ის, იქედნეს ენა მოკლავს მას.

¹⁷ვერ იხილოს მან თაფლისა და რძის ნაკადულები, მდინარეები და ნიაღვრები!

¹⁸დააბრუნებს ნაჭირნახულევს და ვერ გადაყლაპავს; გაიღებს თავისი დოვლათის ფასს და ვერ გაიხარებს;

¹⁹რადგან ჩაგრავდა, არ ახსოვდა ღარიბ-ღატაკები, ძარცვავდა სახლებს, რომლებიც არ უშენებია;

²⁰რადგან მოსვენება არ იცოდა თავის შიგანში, სასურველს ვერაფერს გადაარჩენს;

²¹ნამცეციც არ დარჩენია შეუჭმელი, ამიტომაც ვერ გასტანს მისი კეთილდღეობა;

²²თავის სიუხვეში ვიწროდ იქნება, ყოველი მაშვრალის ხელი მისწვდება მას.

²³მუცლის ამოსავსებად თავისი რისხვის ცეცხლს ჩამოუგზავნის და საჭმელად აწვიმებს მასზე;

²⁴გაექცევა რკინის იარაღს და განგმირავს მას სპილენძის მშვილდი;

²⁵შუბი გააღწევს მის გვამში, ელვარე მახვილი - მის გულ-ბოყვში; და შიშის ზარი დაეცემა მას.

²⁶მთელი წყვდიადი მის საგანძურად ინახება, შეჭამს მას დაუნთებელი ცეცხლი, განადგურდება მის კარავში ნატამალი;

²⁷ამხილებს ცა მის დანაშაულს და მიწა აღდგება მის წინააღმდეგ;

²⁸წალეკავს წარღვნა მისი სახლის დოვლათს და ნიაღვრები - ღვთის რისხვის დღეს.

²⁹ეს არის ხვედრი ბოროტეულისა ღვთისაგან და მემკვიდრეობა, ღვთის ნაანდერძევი.