Read ახალი ქართულით, Modern Georgian Bible, 1982 იობი 21 Bible Online

იობი 21 - ახალი ქართულით, Modern Georgian Bible, 1982 bible

იობი 21

¹მიუგო იობმა და უთხრა:

²კარგად მოისმინეთ ჩემი სიტყვა და ეს იყოს თქვენგანნუგეშისცემა:

³ჯერ მე დამაცადეთ ლაპარაკი და, როცა ვიტყვი სათქმელს,დამცინეთ.

⁴განა ადამიანს ვუჩივივარ მე? როგორ შევძლია, რომ სულმოკლეარ ვიყო?

⁵შემომხედეთ და შეძრწუნდით; პირზე დაიდევით ხელი.

⁶ამის გაფიქრებაც კი მზარავს, შიშისზარი იპყრობს ჩემსხორცს.

⁷რატომ არის, რომ ბოროტეულნი ცოცხლობენ, ბერდებიან და უფრომძლავრდებიან?

⁸მათი მონაგარი მყარად დგას მათ წინაშე და მათიშთამომავლობა მათ თვალწინაა.

⁹მათი სახლები შიშისგან დაცულია და არც ღვთის კვერთხიამათზე დაღირებული;

¹⁰მისი ბუღა ბუღობს, არ ააცდენს; მისი ფური იგებს, არუკვდება;

¹¹ცხვრებივით გარეკავენ თავიანთ ბავშვებს და კუნტრუშობენ მათი შვილები;

¹²უკრავენ დოლსა და ქნარს და მხიარულობენ სალამურის ხმაზე;

¹³განლევენ განცხრომით თავიანთ დღეებს და ანაზდეულადჩახდებიან შავეთში;

¹⁴ღმერთს ეუბნებიან: ჩამოგვეცალე! არ გვსურს ვიცოდეთ შენი გზებიო;

¹⁵რა არის ყოვლადძლიერი, რომ ვემსახუროთ? რას გვარგებს, რომ ვეხვეწოთო?

¹⁶აჰა, მათ ხელში არ არის მათი კეთილდღეობა? ბოროტეულთა რჩევა შორს არის ჩემგან!

¹⁷რამდენგზის ჩამქრალა ბოროტეულთა ლამპარი? რამდენგზის დასტეხიათ უბედურება? ის ანაწილებს ხვედრს თავის რისხვის ჟამს.

¹⁸იქნებიან ჩალასავით ქარის წინაშე და ქარბორბალასგან მოტაცებულ ბზესავით.

¹⁹განა ინახავს ღმერთი სატანჯველს მისი შვილებისთვის? მხოლოდ მას მიუზღავს და ეცოდინება.

²⁰მისმა თვალებმა იხილონ მისი თასი და თავად შესვას ყოვლადძლიერის რისხვა.

²¹რადგან რაღა საზრუნავი ექნება თავის სახლში სიკვდილის შემდეგ, რადგან მისი თვეები უკვე დათვლილია?

²²განა ღმერთს ესწავლება ჭკუა, როცა ის ანგელოზებს ასამართლებს?

²³ზოგი სრულ სიმრთელეში კვდება, ყოვლად მშვიდი და უზრუნველი;

²⁴მისი შიგანი სავსეა ქონით და მისი ძვლები ტვინით არის დაპოხილი.

²⁵ზოგი სულგამწარებული კვდება და არ უნახავს სიკეთის გემო.

²⁶ერთად წვანან ისინი მიწაში და ჭიაღუებით არიან დაფარულნი.

²⁷აჰა, მიგიხვდით ფიქრებს და მზაკვრობას, რასაც მიმზადებთ.

²⁸რადგან ამბობთ: სად არის ქველი კაცის სახლი და სად არის ბოროტეულთა კარავ-სადგომიო?

²⁹შეეკითხეთ გზაზე ჩამვლელებს და მათ მოწმეებს ნუ უარყოფთ:

³⁰დაღუპვის დღეს დაცულია ბოროტი კაცი, გარიდებულია რისხვის დღეს.

³¹ვინ ამხილებს მას პირში მისი საქციელის გამო? ვინ მიუზღავს ნამოქმედარისთვის?

³²სასაფლაოზე წაასვენებენ და მცველად დაუდგება საფლავის ბორცვი.

³³ეამება ხევის კოლბოხები და ყოველი კაცი მას მიჰყვება. იმათ კი სათვალავი არა აქვთ, ვინც მის წინ იყვნენ.

³⁴როგორღა მანუგეშებთ ამაოებით? მტკნარი სიცრუეა თქვენი პასუხები.