Read ახალი ქართულით, Modern Georgian Bible, 1982 იობი 26 Bible Online

იობი 26 - ახალი ქართულით, Modern Georgian Bible, 1982 bible

იობი 26

¹მიუგო იობმა და უთხრა:

²როდის შეწევნიხარ უძლურს? როდის აგიპყრია მკლავიუმწეოსთვის?

³რა რჩევა მიგიცია სიბრძნენაკლულისთვის და რა ბევრი ჭკუაგისწავლებია?

⁴ვისით გითქვამს სიტყვა და ვისი სული გამოდიოდა შენგან?

⁵აჩრდილები ძრწიან ქვეშეთში, წყლები და მისი მკვიდრნი.

⁶გაშიშვლებულია მის წინაშე სულეთი და არა აქვს საფარველიქვესკნელს.

⁷განართხა ჩრდილოეთი სიცარიელეზე, არაფერზე დაჰკიდადედამიწა;

⁸ღრუბლებში შეანივთა წყალი და ფსკერი არ ერღვევა მათ ქვეშღრუბელს;

⁹შებურა მთვარის პირისახე, თავის ნისლი შემოატა ირგვლივ;

¹⁰შემოავლო წრე წყლის ზედაპირს ნათლისა და ბნელისსაზღვრამდე;

¹¹ცის სვეტები ირყევიან და ძრწიან მის მუქარაზე;

¹²თავისი ძალით დააცხრო ზღვა და თავისი გამჭრიახობით მოკლაგველეშაპი;

¹³მისი სულით გაბრწყინდა ცა, განგმირა მისმა ხელმა გაქცეულიგველი.

¹⁴აჰა, მისი გზების კიდეები! რა ჩურჩული გვსმენია მისგან?ვინ გაიგებს მისი ძლიერების გრგვინვას?