Read ახალი ქართულით, Modern Georgian Bible, 1982 იობი 30 Bible Online

იობი 30 - ახალი ქართულით, Modern Georgian Bible, 1982 bible

იობი 30

¹დამცინიან ჩემზე უმრწემესნიც, რომელთა მამებსაც ჩემი ფარის ძაღლებში არ გავრევდი;

²რაღაში მარგია მათი მკლავის ძალა? სიბერე ეწია მათ.

³შიმშილისგან გაძვალტყავებულნი გარბიან გვალვიან უდაბნოში,დიდი ხნის მიტოვებულ ტრამალებში;

⁴ქათანაცარას წიწკნიან ბუჩქებდაან და კურდღლისცოცხასფესვებია მათი პური;

⁵ადამიანთაგან აძევებენ და, როგორც ქურდს, ისე მიჰყვებიან;

⁶რომ ხევ-ხუვებში და მიწის მღვიმეებში იცხოვრონ;

⁷ბუჩქებს შორის ყროყინებენ და ჯაგნარების ქვეშ იყუჟებიან;

⁸არამზადებივით, უგვანი ბრბოსავით, განიდევნენ ქვეყნიდან;

⁹ახლა მათი სამღერელი და სალაპარაკო გავხდი;

¹⁰ვეზიზღები, გარბიან ჩემგან და წამდაუწუმ მაფურთხებენსახეში,

¹¹რადგან ახსნეს ჩემი თოკი და შემაჭირვეს, ლაგამი დამიგდესწინ.

¹²მარჯვნივ ნაბიჭვარი აღმიდგა და ფეხებში მცემენ, ჩემიდაღუპველი გზები მოასწორეს;

¹³დამინგრიეს გზა-სავალი ჩემს დასამხობად, შემწეც არ უნდათ;

¹⁴თითქოს ფართე ხვრელით მოდიან, გრიალით მოექანებიან;

¹⁵საშინელებები დამატყდა თავს, ქარივით გაიქროლა ჩემბადიდებამ და ღრუბელივით გადავიდა ჩემი დოვლათი;

¹⁶და ახლა იღვრება ჩემი სული, გაჭირვების დღეები მეწიენ მე;

¹⁷ღამით მტეხავს ძვლები და მოსვენება არა აქვს ჩემსსახსრებს;

¹⁸ძლივძლივობით მეხდება ტანსაცმელი, პერანგის საყელოსავითმაქვს შემოჭერილი;

¹⁹ტალახში მისროლა და მტვერსა და ნაცარს დავემსგავსე;

²⁰შველას გთხოვ და ხმას არ მცემ, ვდგავარ შენს წინაშე დავერ მამჩნევ;

²¹მტარვალად მექეცი, შენი ძლიერი მკლავით მებრძვი;

²²ამწიე და ქარზე შემაგდე, ქარიშხალს მიმეციგასაცამტერებლად.

²³ვიცი, სასიკვდილოდ მიგყევარ ყოველი ცოცხალის შესაკრებელსახლში;

²⁴განა ნანგრევიდან არ იწვდიან ხელს და უბედურებაში არითხოვენ შველას?

²⁵განა არ მიტირია ბედშავზე? განა არ მიწუხნიაგაჭირვებულზე?

²⁶ჰოდა, სიკეთეს ველოდი და ბოროტება მოვიდა, ნათელსვთესავდი და ბნელი მოვიდა;

²⁷შიგნეული მიდუღს შეუწყვეტლივ, ვაების დღეები დამიდგა;

²⁸ჩაშავებული დავდივარ - არა მზისგან, კრებულში ვდგავარ დაშველას ვითხოვ;

²⁹ტურებს ძმად გავუხდი და მეგობრად - სირაქლემებს;

³⁰კანი გამიშავდა და ამეტყავა, სიცხისაგან მივარვარებსძვლები;

³¹მოთქმად იქცა ჩემი ქნარი და მოტირალთა ხმად ჩემისალამური!