Read ახალი ქართულით, Modern Georgian Bible, 1982 იობი 32 Bible Online

იობი 32 - ახალი ქართულით, Modern Georgian Bible, 1982 bible

იობი 32

¹შეწყვიტა ამ სამმა კაცმა პასუხის გაცემა იობისთვის, რადგან გაიმართლა მან თავი.

²მაშინ განრისხდა ელიჰუ, ძე ბუზელი ბარაქიელისა, რამისსაგვარეულოდან; იობზე განრისხდა იმის გამო, რომ მან ღმერთზე მართლადჩათვალა თავი.

³თავის სამ მეგობარზეც განრისხდა იმის გამო, რომ პასუხივერ გასცეს იობს და ამით გაამტყუნეს ღმერთი.

⁴ელიჰუ აცლიდა იობს ლაპარაკს, რადგან ყველანი მასზეუფროსები იყვნენ ასაკით.

⁵დაინახა ელიჰუმ, რომ არ გამოვიდა პასუხი ამ სამი კაცისპირიდან, და განრისხდა.

⁶მიუგო ელიჰუმ, ბუზელი ბარაქიელის ძემ, და უთხრა: წლებითუმრწემესი ვარ მე, თქვენ კი მოხუცებულნი; ამიტომაც მომერიდა და ვერ გავბედემომეხსენებინა თქვენთვის ჩემი აზრი.

⁷ვიფიქრე, დღეებმა ილაპარაკონ და წელთა სიმრავლემასწავლოს-მეთქი სიბრძნე;

⁸ნამდვილად კი, კაცში მყოფი სული და სუნთქვაყოვლადძლიერისა განასწავლის მას.

⁹დღეგრძელნი ყოველთვის არ არიან ბრძენნი და მხოლოდმოხუცებულნი არ მიხვედრილან სიმართლეს.

¹⁰ამიტომ ვამბობ: მომისმინეთ, მეც გამოვთქვა ჩემი აზრი.

¹¹მე ვუცდიდი თქვენს სიტყვებს, ყურს ვაპყრობდი თქვენსმსჯელობას, როცა ეძებდით სათქმელს.

¹²გაკვირდებით და, აჰა, არ არის თქვენს შორის მამხილებელი, რომ პასუხი მიაგოს იობს.

¹³ნუ გგონიათ, სიბრძნისათვის მიგეგნოთ, როცა ფიქრობთ,ღმერთმა გააწბილოს იგი და არა ადამიანმაო.

¹⁴ჩემს წინააღმდეგ არ მოუმართავს სიტყვები და მეცთქვენსავით არ ვუპასუხებ.

¹⁵გაოგნდნენ, ვეღარ უპასუხეს, დაელიათ სათქმელი;

¹⁶მეც ველოდებოდი, როდის შეწყვეტდნენ ლაპრაკს. რაკი დადგნენდა აღარ პასუხობენ,

¹⁷მეც გავცემ ჩემს წილ პასუხს, მეც გამოვთქვამ-მეთქი ჩემსაზრს.

¹⁸რადგან სავსე ვარ სიტყვებით და შიგნიდან მაწვება სული;

¹⁹აჰა, თავმოუხდელ ღვინოსავით არის ჩემი შიგანი,გასკდომაზეა ახალი ტიკივით.

²⁰ვილაპარაკებ, რომ სული მოვითქვა; გავხსნი ბაგეებს დაპასუხს გავცემ.

²¹პირფერობას არ დავუწყებ კაცს და ადამიანს არმიველაქუცები;

²²რადგან მე ლაქუცი არ ვიცი, უმალ ღმერთმა წამიღოს აქედან!