Read ახალი ქართულით, Modern Georgian Bible, 1982 იობი 35 Bible Online

იობი 35 - ახალი ქართულით, Modern Georgian Bible, 1982 bible

იობი 35

¹კვლავ მიუგო ელიჰუმ და უთხრა:

²ნუთუ სამართლიანად მიგაჩნია, რომ ამბობ, ღმერთზე მართალივარო?

³რომ ამბობ, რას მარგებს, რას მომიტანს ჩემი უცოდველობაო?

⁴მე შეგიბრუნებ სიტყვას შენ და შენს მეგობრებსაც:

⁵ახედე ცას და დაინახე, შეხედე ცარგვალს - ხომ შენზემაღალია?

⁶რას დაუშავებ მას შენი შეცოდებით? რაც უნდა იმრავლოსშენმა დანაშაულმა, რას ავნებ მას?

⁷რას შემატებ მას შენი სიმართლით ან რას უნდა გემოელოდესშენგან?

⁸მხოლოდ კაცს, შენივე მსგავსს, ეხება შენი უკეთურება დაადამის ძეს - შენი სიმართლე.

⁹ბევრი ჩაგვრისაგან კვნესიან, შველას ითხოვენ ძლიერთამკლავებიდან.

¹⁰არავინ ამბობს: სად არის ღმერთი, ჩემი შემქმნელი, ღამითგალობათა მომმადლებელი?

¹¹რომელმაც განგვასწავლა მიწის მხეცებზე მეტად და ცისფრინველებზე მეტად განგვაბრძნო?

¹²იქ კვნესიან ისინი და პასუხს არ სცემს ღმერთი უკეთურთაამპარტავნობის გამო.

¹³ჭეშმარიტად სიცრუეს არ მოისმენს ღმერთი და არ მოხედავსმას ყოვლადძლიერი.

¹⁴თუმცა შენ ამბობ, რომ ვერ ხედავ მას, მაგრამ სამართალიმის წინაშეა, დაელოდე.

¹⁵თუ ახლა არა, ოდესმე მაინც გამოაჩენს თავის რისხვას დაარად ჩააგდებს მეტისმეტ სიამპარტავნეს.

¹⁶ამაოდ გახსნა პირი იობმა და უაზროდ ახვავებს სიტყვებს.