Read ახალი ქართულით, Modern Georgian Bible, 1982 იობი 38 Bible Online

იობი 38 - ახალი ქართულით, Modern Georgian Bible, 1982 bible

იობი 38

¹მიუგო უფალმა იობს გრიგალიდან და უთხრა:

²ვინ არის, რომ აბნელებს განგებას უგუნური სიტყვებით?

³წელი შემოისარტყლე, მეომარივით, მე შეგეკითხები და შენმიპასუხე:

⁴სად იყავი, როცა დედამიწას ვაფუძნებდი? ამიხსენი, თუგაქვს გაგება.

⁵ვინ დასაზღვრა მისი ზომები, თუ იცი? მასზე ბაწარი ვინგადაჭიმა?

⁶რაზე დგას მისი საძირკვლები ან ვინ დადო მისი ქვაკუთხედი,

⁷როცა გალობდნენ დილის ვარსკვლავები და ყიჟინობდნენღვთისშვილები?

⁸ვინ ჩაუკეტა ზღვას კარიბჭენი, როცა საშოდან ამოხეთქა,

⁹როცა ნისლი მივეცი სამოსელად და წყვდიადი - სახვევებად,

¹⁰როცა დავუდგინე ჩემი წესი და დავუტანე ურდული დაკარიბჭენი -

¹¹და ვთქვი, აქამდე მოდი, იქით აღარ, აქ შეწყდეს შენიტალღების აზვირთება-მეთქი?

¹²თუ გიბრძანებია შენს სიცოცხლეში დილისათვის, თუგიჩვენებია ცისკრისათვის მისი ადგილი,

¹³რომ ეპყრა ქვეყნის კიდეები და ბოროტეულნი განეფერთხამისგან?

¹⁴გადაიქცევა საბეჭდავ თიხად და სამოსელივით აჭრელდება,

¹⁵წაერთმევა ბოროტეულთ მათი ნათელი და აღმართული მკლავიშეიმუსრება.

¹⁶თუ ჩაგიღწევია ზღვის წყაროებამდე? თუ გივლია უფსკრულის სიღრმეებში?

¹⁷თუ გაღებულა შენს წინაშე სიკვდილის კარიბჭენი და შავეთისკარიბჭენი თუ გინახავს?

¹⁸თუ განგიცდია დედამიწის სიგრძე და განი? მითხარი, თუ იციეს ყველაფერი?

¹⁹სად არის გზა ნათლის სამყოფელისკენ და სად არის ბნელეთისადგილი,

²⁰რომ დაიჭირო თავის საზღვართან და მიაგნო მისი სახლისბილიკებს?

²¹თუ იცოდი, რომ ოდესმე დაიბადებოდი და მრავალჟამიერიიქნებოდი?

²²თუ შეგიღწევია თოვლის საგანძურში და სეტყვის საგანძური თუგინახავს,

²³რომელსაც ვიმარაგებ ძნელბედობისთვის, ომისა და ბრძოლისდღისათვის?

²⁴რა გზით ნაწილდება ნათელი, როგორ ვრცელდება აღმოსავლეთისქარი დედამიწაზე?

²⁵ვინ გაუხსნა ნიაღვარს სადინარი და გზა - ჭექა-ქუხილს,

²⁶რომ აწვიმოს უკაცრიელ მიწაზე, უდაბნოში, სადაც ადამიანიარ ჭაჭანებს,

²⁷რომ მორწყას უდაბური ხრიოკები და აღმოაცენოს მწვანებალახი?

²⁸თუ ჰყავს წვიმას მამა ან ვინ დაბადა ნამის წვეთები?

²⁹ვისი საშოდან გამოვიდა ყინული და ციური ჭირხლი ვინდაბადა,

³⁰როცა ქვასავით მკვრივდება წყალი და იკვრის უფსკრულისზედაპირი?

³¹თუ შეკრავ ხომლის საბელებს ან ორიონის საკვრელებს თუ გახსნი?

³²თუ ამოიყვან ზოდიებს თავ-თავის დროზე და დიდ დათვს თავისიბელებითურთ თუ წარუძღვები?

³³თუ იცი ცათა კანონები ან თუ დაადგენ მის წესს ქვეყანაზე?

³⁴ღრუბლებს თუ მიუწვდენ ხმას, რომ დაგფაროს წყლის თქეშმა?

³⁵თუ დაიბარებ ელვას, რომ მოვიდეს და გითხრას: აქა ვარო!

³⁶ვინ ჩადო გულში სიბრძნე ან ვინ მისცა გონებასგამჭრიახობა?

³⁷ვინ დათვლის ღრუბლებს სიბრძნით და ცის კოლოტებს ვინგადმოცლის,

³⁸როცა შედუღებულია მიწა და კოლბოხები ერთმანეთს ეწებება?

³⁹ლომს შენ უნადირებ მსხვერპლს, შენ უკლავ შიმშილს ლომისბოკვერებს,

⁴⁰როცა ბუნაგებში განაბულან, როცა წვანან თავიანთ საფარში?

⁴¹საზრდოს ვინ უმზადებს ყორანს, როცა მისი ბახალები ღმერთსშესჩხავიან და მშივრები დაბორიალობენ?