Read ახალი ქართულით, Modern Georgian Bible, 1982 ფსალმუნნი 31 Bible Online

ფსალმუნნი 31 - ახალი ქართულით, Modern Georgian Bible, 1982 bible

ფსალმუნნი 31

¹მოძღვრება დავითისა. ნეტარია, ვისაც ეპატია დანაშაული, ვისიც ცოდვები დაიფარა.

²ნეტარ არს კაცი, ვისაც უფალი ცოდვას არ ჩაუთვლის და ვისსულშიც არ არის სიყალბე.

³როდესაც ვდუმდთ, გაცვითა ჩემი ძვლები ყოველდღიურმაგოდებამ ჩემმა.

⁴რადგან დღისით და ღამით მძიმდებოდა შენი ხელი ჩემზე,სინედლე ჩემი შეიცვალა ზაფხულის გვალვით. სელა.

⁵ცოდვა ჩემი გაუწყე და ბრალი ჩემი არ დამიმალავს. ვთქვი:ვაღიარებ ჩემს ცოდვებს უფლის წინაშე. და შენ მომიტევე დანაშაული ჩემიცოდვისა. სელა.

⁶ამიტომ ილოცავს შენს მიმართ ყველა წმიდანი სვებედნიერჟამს; თუნდ იყოს წარღვნა წყალთა მრავალთა, ვერ მისწვდება მას.

⁷შენ ხარ მფარველი, გაჭირვებისაგან მიცავ, ხსნის სიხარულიშემომარტყი გარს. სელა.

⁸გასწავლი შენ და დაგაყენებ სწორ გზაზე, რომლითაც ივლი,თვალს დავიჭერ შენზე.

⁹ნუ იქნებით, ვითარცა ცხენი, ვითარცა ჯორი უგუნური; ლაგამიდა აღვირია მისი მოსართავი შესაკავებლად, რომ შენ არ მოგიახლოვდეს.

¹⁰მრავალი სატკივარი აქვს ბოროტს, უფალზე მინდობილი კიწყალობით არის გარემოცული.

¹¹იხარეთ უფლის მიერ და იმხიარულეთ, წმიდანებო; და იზეიმეთ,გულით მართლებო.