Read ახალი ქართულით, Modern Georgian Bible, 1982 ფსალმუნნი 39 Bible Online

ფსალმუნნი 39 - ახალი ქართულით, Modern Georgian Bible, 1982 bible

ფსალმუნნი 39

¹გუნდის ლოტბარს, დავითის ფსალმუნი.

²მტკიცედ ვესავდი უფალს და მომხედა მე, და მოისმინა ჩემივედრება.

³და ამომიყვანა საზარელი ორმოდან, გაუვალი ლაფიდან, დადააყენა კლდეზე ფეხნი ჩემნი, წარმართა ჩემი ნაბიჯები.

⁴და მისცა ჩემს ბაგეებს ახალი გალობა - განსადიდებლადჩვენი ღმერთისა. ბევრი ნახავს და შეშინდება და მიენდობა უფალს.

⁵ნეტარ არს კაცი, ვინც უფალზე ამყარებს იმედს, და არმიმართავს კადნიერთ და სიცრუის მოტრფიალეთ.

⁶ბევრი რამ გააკეთე შენ, უფალო, ღმერთო ჩემო; შენსსასწაულებსა და ჩანაფიქრებზე ჩვენს მიმართ - ვინ შეგედრება შენ! ვიქადაგებდა ვილაპარაკებ; მრავალია და ძნელია სათქმელად.

⁷მსხვერპლი და შესაწირავი არ ისურვე; ყურები გამიმახვილე;აღსავლენი და ცოდვის მსხვერპლი არ მოგითხოვია;

⁸მაშინ ვთქვი: აი, მოვედი; წიგნის გრაგნილში წერია ჩემზე.

⁹შენი სურვილის შესრულება მინდოდა, ღმერთო, და რჯული შენიჩემს გულშია.

¹⁰სიმართლეს მოვუთხრობდი დიდ კრებულს; აჰა, ბაგენი ჩემნი არმომიკუმავს, უფალო, შენ უწყი.

¹¹შენი სიმართლე არ დამიფარავს ჩემს გულში, შენს ერთგულებასა და შენს ხსნაზე ვლაპარაკობდი, შენი წყალობა და ჭეშმარიტება არ დამიმალავს დიდი კრებულისათვის.

¹²შენ, უფალო, არ დამილიო შენი თანაგრძნობა; შენი წყალობადა შენი ჭეშმარიტება მუდამ მიცავენ მე.

¹³რადგანაც გარე შემომეხვია აურაცხელი უბედურება,წამომეწივნენ ცოდვანი ჩემნი და არ შემეძლო დანახვა; ჩემი თმის ბეწვებზემეტად მომრავლდნენ და გულმა მიმატოვა.

¹⁴ისურვე, უფალო, ჩემი დახსნა; უფალო, ჩემს დასახმარებლადგამოეშურე.

¹⁵დაე, შერცხვნენ და გაწბილდნენ, ვინც ჩემი სულის დაღუპვასეძებს, უკუიქცნენ და თავი მოეჭრათ ჩემს ავის მდომებს;

¹⁶დაე, შეძრწოლდნენ სირცხვილისაგან, ვინც მეუბნებოდა: ოჰო,ოჰო!

¹⁷გაიხაროს და გამხიარულდეს ყველა, ვინც შენ გეძებს, მუდამთქვან შენი შველის მოყვარულებმა: დიდია უფალი.

¹⁸ხოლო მე ღარიბ-ღატაკი ვარ; უფალი იფიქრებს ჩემზე. ჩემიდამხმარე და მხსნელი შენა ხარ, ღმერთო ჩემო, ნუ დააყოვნებ.