Read ახალი ქართულით, Modern Georgian Bible, 1982 ფსალმუნნი 43 Bible Online

ფსალმუნნი 43 - ახალი ქართულით, Modern Georgian Bible, 1982 bible

ფსალმუნნი 43

¹გუნდის ლოტბარს, კორახის ძეთა მოძღვრება.

²ღმერთო, ჩვენი ყურით მოვისმინეთ, ჩვენი მამებიგვიამბობდნენ, თუ რა საქმე მოიმოქმედე მათ დღეებში, უძველეს დროში.

³შენ შენი ხელით განდევნე ხალხები, ხოლო ისინი დანერგე;გაანადგურე ერები და განდევნე.

⁴ვინაიდან მათ ხმლით არ მოუპოვებიათ ქვეყანა, და მათმკლავებს არ დაუხსნიათ ისინი, არამედ შენმა მარჯვენამ, შენმა მკლავმა დაშენი სახის ნათელმა, რადგან მათდამი კეთილგანეწყვე.

⁵შენ ხარ ის, ხელმწიფეო ჩემო, ღმერთო; უბოძე შველა იაკობს.

⁶შენით დავანარცხებთ ჩვენს მტრებს; შენი სახელითგავთელავთ, ვინც აღდგება ჩვენს წინააღმდეგ.

⁷რადგან ჩემს მშვილდზე არა ვარ დანდობილი და ჩემი მახვილიარ დამიხსნის.

⁸არამედ შენ გვიხსნი ჩვენი მტრებისაგან და ჩვენს მოძულეებსშეარცხვენ.

⁹ღმერთით ვტრაბახობდით ყოველდღე და შენს სახელს ვადიდებთუკუნისამდე. სელა.

¹⁰მაგრამ მიგვატოვე და შეგვარცხვინე, და არ გამოდიხარ ჩვენსმხედრობასთან.

¹¹უკუგვაქციე მტრისაგან და ჩვენმა მოძულეებმა გაგვძარცვესჩვენ.

¹²მიგვეცი ჩვენ, როგორც ცხვარი, შესაჭმელად, და დაგვფანტეხალხებს შორის.

¹³გაჰყიდე შენი ერი სარგებლის გარეშე, და არ იდავე მათფასზე.

¹⁴მიგვეცი შესარცხვენად მეზობლებს, დასაცინად და საგინებლად - ჩვენს ირგვლივ მყოფთ.

¹⁵იგავად გვაქციე ხალხებს შორის, თავისგასაქნევ-გამოსაქნევად ერებს შორის.

¹⁶ყოველდღე ჩემი აუგი ჩემს წინაშეა და სირცხვილი მიფარავსსახეს

¹⁷შემარცხვენლისა და მაგინებლის ხმისაგან, მტრისა დაშურისმაძიებლის პირისაგან.

¹⁸ყოველივე ეს გვეწია ჩვენ, და მაინც არ დაგივიწყეთ შენ, არგაგვიმრუდებია შენი აღთქმა.

¹⁹არ უკუქცეულან ჩვენი გულები და არც ჩვენს ტერფებსგადაუხვევიათ შენი გზიდან.

²⁰როცა შენ შეგვმუსრე ტურების ადგილას და გადაგვაფარესირცხვილის ჩრდილი.

²¹ჩვენ რომ დაგვევიწყებინა სახელი ჩვენი ღმერთისა, და ხელიგაგვეშვირა უცხო კერპებისთვის,

²²განა ღმერთი არ გვაზღვევინებს ამას? რადგან მან იცისსაიდუმლონი გულისა.

²³ხოლო შენი გულისათვის გვკლავდნენ ყოველდღე, მივაჩნდითდასაკლავ ცხვრად.

²⁴გამოიღვიძე, რატომ გძინავს, უფალო, გამოფხიზლდი,სამუდამოდ ნუ მიგვატოვებ.

²⁵რატომ ფარავ შენს სახეს? ივიწყებ ჩვენს მწუხარებასა დაგაჭირვებას?

²⁶რადგან მეტისმეტად სულდამძიმებულნი ვართ, მიწას განერთხაჩვენი მუცელი.

²⁷აღსდექ ჩვენს დასახმარებლად და გვიხსენი შენი წყალობისგულისათვის.