Read ახალი ქართულით, Modern Georgian Bible, 1982 ფსალმუნნი 45 Bible Online

ფსალმუნნი 45 - ახალი ქართულით, Modern Georgian Bible, 1982 bible

ფსალმუნნი 45

¹გუნდის ლოტბარს, გალობა კორახის ძეთა, ალამოთის საკრავზე.

²ღმერთია ჩვენი მფარველი და ძალა, შემწე გაჭირვებაში,საძებარი ფრიად.

³ამიტომ არ შეგვეშინდება, თუნდაც პირი იცვალოსქვეყნიერებამ და მთები დაიძრნენ ზღვათა გულისაკენ.

⁴იხმაურებენ, იბობოქრებენ წყალნი მათნი, მთები შეირყევიანმათი მედიდურობით. სელა.

⁵მდინარე, მისი ნაკადები გაახარებენ ღმერთის ქალაქს, წმიდასადგომს ზენაარისას.

⁶ღმერთი მის შუაგულშია; არ წაბორძიკდება, ღმერთი შეეწევამას გარიჟრაჟზე.

⁷ახმაურდნენ ხალხები, შეიძრნენ სამეფონი, გამოსცა ხმა -გაქრა ქვეყანა.

⁸ძალთა უფალი ჩვენთან არის; ჩვენი ბურჯია ღმერთი იაკობისა. სელა.

⁹მოდით, იხილეთ საქმენი უფლისანი, როგორ გააპარტახადედამიწა.

¹⁰შეწყვეტს ომებს დედამიწის კიდით-კიდემდე, მშვილდსშემუსრავს და შუბს დაამსხვრევს, ეტლებს დაბუგავს ცეცხლით.

¹¹შეჩერდით და გაიგეთ, რომ მე ვარ ღმერთი; ამაღლებულიხალხებს შორის, ამაღლებული ქვეყნიერებაზე.

¹²ძალთა უფალი ჩვენთან არის; ჩვენი ბურჯია ღმერთი იაკობისა.სელა.