Read ახალი ქართულით, Modern Georgian Bible, 1982 ფსალმუნნი 47 Bible Online

ფსალმუნნი 47 - ახალი ქართულით, Modern Georgian Bible, 1982 bible

ფსალმუნნი 47

¹ფსალმუნი, საგალობელი კორახის ძეთა.

²დიდია უფალი და ქებულია მეტად ჩვენი ღმერთის ქალაქში,წმიდა მთაზე.

³ლამაზი მაღლობი, სიხარული მთელი ქვეყნიერებისა მთა სიონი;ჩრდილოეთ მხარეს ქალაქია დიდი მეფისა.

⁴ღმერთი თავის სადგომში ცნობილია, ვითარცა სიმაგრე.

⁵რადგან აგერ შეიკრიბნენ მეფენი და განვლეს ერთად.

⁶ნახეს მათ და განცვიფრდნენ, შეძრწუნდნენ და გაეჩქარნენ.

⁷ძრწოლამ შეიპყრო ისინი, იკლაკნებიან მშობიარესავით.

⁸აღმოსავლეთის ქარით შემუსრე ხომალდნი თარშიშისანი.

⁹როგორც ვისმინეთ, ისე ვიხილეთ ძალთა უფლის ქალაქში, ჩვენიღმერთის ქალაქში; ღმერთი დააფუძნებს მას უკუნისამდე. სელა.

¹⁰ვფიქრობდი, ღმერთო, შენს წყალობაზე შენი ტაძრის შუაგულში.

¹¹ვითარცა სახელი შენი, ღმერთო, შენი დიდებაც დედამიწისკიდით-კიდემდეა; სიმართლით სავსეა შენი მარჯვენა.

¹²დაე, იხაროს სიონის მთამ, იმხიარულონ იუდაელმა ქალწულებმაშენი სამართლის გამო;

¹³ყოველი მხრიდან მიადექით და გარს შემოუარეთ სიონს;დათვალეთ მისი კოშკები.

¹⁴გული დაუდეთ მის სიმაგრეებს; დაიარეთ მისი დარბაზები,რათა უამბოთ მომავალ თაობას.

¹⁵რადგან ის არის ღმერთი, ჩვენი ღმერთი უკუნითი უკუნისამდე;ის წაგვიძღვება ჩვენ სამარის კარამდე.