Read ახალი ქართულით, Modern Georgian Bible, 1982 ფსალმუნნი 55 Bible Online

ფსალმუნნი 55 - ახალი ქართულით, Modern Georgian Bible, 1982 bible

ფსალმუნნი 55

¹გუნდის ლოტბარს, მტრედზე, რომელიც მდუმარებს შორეთში. დავითის საგალობელი, როცა ფილისტიმელებმა შეიპყრეს იგი გათში.

²შემიწყალე, ღმერთო, რადგან გათელვას მიპირებს კაცი,ყოველდღე მავიწროებს მოშუღარი.

³ჩანთქმას მითქვამენ ჩემი მტრები ყოველდღიურად, რადგანმრავალი მეომება, უზენაესო.

⁴საშიშროების დღეს შენ გესავ.

⁵ღმერთში ვადიდებ მისსავე სიტყვას, ღმერთზე ვარ მინდობილი- არ მეშინია, რას მიზამს ხორციელი?

⁶ყოველდღე ამახინჯებს ჩემს სიტყვებს; ბოროტია ყოველი მათიზრახვა ჩემს მიმართ.

⁷გროვდებიან, მისაფრდებიან ისინი - ჩემი მდევრები, ჩემსნაკვალევს უთვალთვალებენ, თითქოსდა ჩემს სულს ელოდებიან.

⁸ნუთუ ამ სიმრუდეს უნდა გადაურჩნენ? რისხვით დაამხე ერები,ღმერთო!

⁹ჩემი ხეტიალი გამოთვლილი გაქვს; შენს ჭურჭელში მოათავსეჩემი ცრემლები - აგერ, შენს წიგნშია.

¹⁰მაშინ უკუიქცევიან ჩემი მტრები, რა დღესაც მოგიხმობ; ესვიცი, რომ ღმერთი ჩემთან არის.

¹¹ღმერთში შევაქებ სიტყვას, უფალში შევაქებ სიტყვას;

¹²ღმერთს მივენდე - არ მეშინია; რას მიზამს კაცი?

¹³ჩემზეა, ღმერთო, შენი აღთქმები; სამადლობელს მოგიზღავშენ.

¹⁴რადგან იხსენი ჩემი სული სიკვდილისაგან, აგერ, ჩემი ფეხიწაბორძიკებისაგან, რათა ვიარო ღმერთის წინაშე სიცოცხლის შუბით.