Read ახალი ქართულით, Modern Georgian Bible, 1982 ფსალმუნნი 61 Bible Online

ფსალმუნნი 61 - ახალი ქართულით, Modern Georgian Bible, 1982 bible

ფსალმუნნი 61

¹გუნდის ლოტბარს, იედუთუნისათვის. ფსალმუნი დავითისა.

²მხოლოდ ღმერთისადმია მდუმარება ჩემი სულისა; მისგან არისჩემი ხსნა.

³მხოლოდ ის არის ჩემი ბურჯი და ჩემი ხსნა, ჩემი სიმაგრე -აღარ დავეცემი მეტად.

⁴ვიდრემდე დაესხმით თავს ადამიანს? გადაიქცევით ყველანი,ვითარცა კედელი გადახრილი, ყორე მორყეული.

⁵განიზრახავენ მისი სიმაღლიდან გადმოგდებას, მიმართავენსიცრუეს; პირით აკურთხებენ, გულით კი სწყევლიან. სელა.

⁶მხოლოდ ღმერთს დაელოდე, სულო ჩემო, რადგან მისგან არისჩემი იმედი.

⁷მხოლოდ ის არის ჩემი ბურჯი და ჩემი ხსნა, ჩემი სიმაგრე -არ დავეცემი.

⁸ღმერთისგან არის ჩემი ხსნა და ჩემი ღირსება; სიმაგრე ჩემიძალისა და ჩვმი თავშესაფარი ღმერთის მიერაა.

⁹მიენდეთ მას ყოველჟამს, ხალხნო, თქვენი გული გადმოღვარეთმის წინაშე; ღმერთია ჩვენი თავშესაფარი. სელა.

¹⁰მხოლოდ არარაობანი არიან ადამის ძენი, ცრუობენ კაცთაშვილები; სასწორზე რომ დადო, ყველანი ერთად არარაობაზე უარესია.

¹¹არ დაამყაროთ იმედი მძარცველობაზე და მტაცებლობას ნუგამოედევნებით; დოვლათი ოდეს გაიზარდოს, ნუ მიაქცევთ ყურადღებას.

¹²ერთხელ თქვა ღმერთმა - ორჯერ მოვისმინე, რადგან ღმერთისააძალა.

¹³და შენი არს, უფალო, წყალობა, რადგან შენ მიუზღავთითოეულს მისი ნამოქმედარის მიხედვით.