Read ახალი ქართულით, Modern Georgian Bible, 1982 ფსალმუნნი 68 Bible Online

ფსალმუნნი 68 - ახალი ქართულით, Modern Georgian Bible, 1982 bible

ფსალმუნნი 68

¹გუნდის ლოტბარს. შოშანის საკრავზე, დავითის ფსალმუნი.

²მიხსენი, ღმერთო, რადგან სულამდე მოვიდა წყალი.

³ჩავიძირე გაუვალ ლაფში და არ არსებობს დასადგომი; შევედიწყლის სიღრმეში და სწრაფმა დინებამ წამიღო.

⁴მოვიქანცე ღაღადით, ყელი გამიშრა, თვალები ამომიღამდაჩემი ღმერთის მოლოდინში.

⁵ჩემი თავის ბალანზე მეტია ჩემი უმიზეზოდ მოძულენი;გაძლიერდნენ ჩემი მოსპობის მსურველნი, ჩემზე ტყუილ-უბრალოდ გადამტერებულნი;რაც არ წამირთმევია, ის უნდა დავუბრუნო.

⁶ღმერთო, შენ უწყი ჩემი უვიცობა და ჩემი დანაშაულიდაფარული არ არის შენგან.

⁷ნუ შერცხვებიან ჩემს გამო შენი მოიმედენი, უფალო, ღმერთოძალთა; ნუ გაწბილდებიან ჩემს გამო, ვინც შენ გეძებს, ღმერთო ისრაელისა.

⁸რადგანაც შენი გულისათვის მივიღე ლანძღვა, სირცხვილმადაფარა ჩემი სახე.

⁹შორეული გავხდი ჩემი ძმებისათვის და უცხო - დედაჩემისშვილთათვის.

¹⁰რადგან შენი სახელის შურმა დამღრღნა მე და შენთამლანძღველთა ლანძღვა დამატყდა თავს.

¹¹და ვტირი ჩემი სულის მარხვით, და მათი სალანძღავი გავხდი.

¹²და ჩავიცვი სამოსად ძაძა და იგავად ვიქეცი მათთვის.

¹³ჩემზე ლაპარაკობენ კარიბჭესთან მსხდომნი და მღერიანღვინის მსმელნი.

¹⁴და მე ვლოცულობ შენს მიმართ, უფალო, სასურველ დროს; ღმერთო, შენი დიდი წყალობით მიპასუხე შენი შველის ჭეშმარიტებით.

¹⁵მიხსენი ლაფისგან და არ დავინთქა, გადამარჩინე ჩემთამოძულეთა და წყლის სიღრმეთაგან.

¹⁶ნუ გამიტაცებს წყლის ტალღა და ნუ ჩამყლაპავს მორევი და ნუშეიკრავს ჩემზე პირს ჭა.

¹⁷მიპასუხე, უფალო, რადგან კარგია შენი წყალობა; შენი დიდისიბრალულით გადმომხედე.

¹⁸ნუ დაფარავ სახეს შენი მორჩილისგან, რადგან მიჭირს;სწრაფად მიპასუხე.

¹⁹მოუახლოვდი ჩემს სულს, გადაარჩინე; ჩემი მტრების ჯიბრითმიხსენი.

²⁰შენ იცი ჩემი გალანძღვა, ჩემი გაწბილება და ჩემიშერცხვენა; შენს თვალწინ არიან ჩემი მტრები.

²¹დამცირებამ დაამსხვრია ჩემი გული და ქანცი გამიწყდა;ველოდი თანამგრძნობლებს და არავინ იყო, მანუგეშებელს და - ვერ ვპოვე.

²²და აურიეს ჩემს საჭმელში ძირმწარე და წყურვილის დროსმასვეს ძმარი.

²³იყოს მათი ტაბლა მათთვის ხაფანგად და სიმშვიდის ჟამს -მახედ.

²⁴დაბნელდეს თვალნი მათნი და წელი მათი სამუდამოდ მოადუნე.

²⁵გადმოაფრქვიე მათზე შენი მრისხანება და შენი რისხვის ალიეწიოთ მათ.

²⁶სამკვიდრებელი მათი გაპარტახდეს, მათ კარვებში არ იყოსმკვიდრი.

²⁷ვინაიდან, ვინც შენ გვემე, დევნიან, და შენს გვემილთა სატკივარს ამრავლებენ.

²⁸დაურთე ცოდვა მათს ცოდვას და ნუმც შეაღწევენ შენსსიმართლეში.

²⁹ამოიშალონ ცოცხალთა წიგნიდან და წმიდანებთან ნუჩაიწერებიან.

³⁰ხოლო მე ღარიბი და დავრდომილი ვარ. შენმა შველამ, ღმერთო,დამიფაროს მე.

³¹ვაქებ ღმერთის სახელს; გალობით განვადიდებ, მადლიერებით.

³²და უფრო მოეწონება ეს უფალს, ვიდრე ხარი, მოზვერი რქიანიდა ჩლიქიანი.

³³რადგან მოუსმენს ღატაკებს უფალი და თავის ტყვეებს არუგულებელყოფს.

³⁴ნახავენ მოკრძალებულნი, გაიხარებენ და გაცოცხლდება გულითქვენი, მაძიებელნო ღმერთისა.

³⁵განადიდებენ მას ცა და დედამიწა, ზღვები და ყოველი, მათშიმოძრავი.

³⁶რადგანაც ღმერთი დაიხსნის სიონს და ააშენებს იუდასქალაქებს, და დასახლდებიან იქ და დაიმკვიდრებენ.

³⁷მის მორჩილთა შთამომავლობა დაეუფლება მას და მისი სახელისმოყვარულნი დაბინავდებიან მასში.