Read ახალი ქართულით, Modern Georgian Bible, 1982 ფსალმუნნი 72 Bible Online

ფსალმუნნი 72 - ახალი ქართულით, Modern Georgian Bible, 1982 bible

ფსალმუნნი 72

¹ფსალმუნი ასაფისა. რა კეთილია ღმერთი ისრაელის მიმართ, გულწრფელთა მიმართ.

²მე კი - კინაღამ გადაუხვიეს ჩემმა ფეხებმა, კინაღამმომიცურდა ნაბიჯები.

³რადგან შემშურდა სულელებისა, რაკი ვხედავდი ბოროტებისკეთილდღეობას.

⁴რადგან არა აქვთ შეჭირვება სიკვდილამდე და ჯანმრთელებიარიან.

⁵ადამიანის სიძნელეებს არ განიცდიან და სხვა ადამიანებთანარ ტვირთმძიმობენ.

⁶ამიტომ მძივივით გარს შემოერტყა მათ ამპარტავნობა დაძალადობა სამოსელივით ჩაიცვეს.

⁷სიმსუქნისაგან თვალები გადმოკარკლეს, გულები აევსოთსიბრიყვით.

⁸ყველას დასცინიან და ბოროტად ლაპარაკობენ ძალადობაზე,ქედმაღლურად ლაპარაკობენ.

⁹მათი პირი ცას მისწვდა და მათი ენა დედამიწაზე დაიარება.

¹⁰ამიტომ ბრუნდება მისი ერი აქ და სვამენ წყალს სავსეთასიდან.

¹¹და ამბობენ: როგორ შეიტყობს ღმერთი? და განა აქვს გაგებაუზენაესს?

¹²აჰა, ეს ბოროტნი, უზრუნველნი ამა სოფლისა, იხვეჭენდოვლათს.

¹³ამაოდ გავისუფთავე გული და დავიბანე ხელები.

¹⁴და ვიყავი ნაგვემი ყოველდღე და ვიტანჯებოდი დილდილაობით.

¹⁵რომ მეთქვა: ვიმსჯელებ ასე, მაშინ შენი შვილების თაობას ვუღალატებდი.

¹⁶და ვიფიქრე, რომ შემეგნო ეს - მაგრამ ძნელი იყო ჩემსთვალში.

¹⁷ვიდრე მოვიდოდი ღვთის ტაძარში და გავიგებდი მათ ბოლოს.

¹⁸მაგრამ მოლიპულ გზაზე დააყენე ისინი და უფსკრულშიგადაჩეხე.

¹⁹როგორ მეყსეულად განადგურდნენ, დაიღუპნენ, გაქრნენ შიშისზარისაგან!

²⁰როგორც სიზმარი ქარწყლდება გამოღვიძების შემდეგ, უფალო,ისე დაამცირებ მათ სახეებს, როცა გამოაფხიზლებ.

²¹როცა გული დამიძმარდა და შიგნეულობა დამეფლითა,

²²უმეცარი ვიყავი და ვერ მივხვდი, პირუტყვივით ვიყავი შენსწინაშე.

²³ხოლო მე მუდამ შენთანა ვარ, ხელთ გიპყრია მარჯვენა ჩემი.

²⁴შენი რჩევით მიმიძღვი წინ და შემდგომ პატივით მიმიღებ.

²⁵ვინ არის ჩემთვის ცაში? და შენს გარდა არავინ მსურსდედამიწაზე.

²⁶ქანცგამოლეულია ჩემი სული და გული; ღმერთია ჩემი გულისსიმაგრე და ჩემი ხვედრი უკუნისამდე.

²⁷რადგან, აჰა, შენგან განშორებულნი იღუპებიან; შენ მოსპობყველას, ვინც განზე განგიდგება.

²⁸ხოლო ჩემთვის სასიკეთოა ღმერთთან მიახლოება; უფალ ღმერთზევამყარებ იმედს, რათა ვილაპარაკო ყველა შენს საქმეზე.