Read ახალი ქართულით, Modern Georgian Bible, 1982 ფსალმუნნი 84 Bible Online

ფსალმუნნი 84 - ახალი ქართულით, Modern Georgian Bible, 1982 bible

ფსალმუნნი 84

¹გუნდის ლოტბარს, კორახის ძეთა ფსალმუნი.

²ისურვე, უფალო, ქვეყანა შენი, დააბრუნე ტყვე იაკობისა.

³აპატიე დანაშაული შენს ხალხს, დაფარე ყველა მისი ცოდვა. სელა.

⁴აგვარიდე მთელი შენი გულისწყრომა, დააცხრე შენიმრისხანება.

⁵მოგვაქციე, ღმერთო, ჩვენო მხსნელო, და გააუქმე შენიგაჯავრება ჩვენზე.

⁶ნუთუ საუკუნოდ გაგვირისხდები, თაობიდან თაობამდეგააგრძელებ შენს მრისხანებას?

⁷ნუთუ აღარ დაგვიბრუნებ სიცოცხლეს, რათა შენმა ერმა იხაროსშენით?

⁸გვიჩვენე, უფალო, შენი წყალობა და შემწეობა გვიბოძე შენი.

⁹მე კი მოვისმენ, თუ რას იტყვის უფალი ღმერთი; რადგანმშვიდობას იტყვის თავის ხალხზე და თავის წმიდანებზე, და აღარ გაიმეორებენსიბრიყვეს.

¹⁰მართლაც ახლოა ხსნა მისმიერი მის მოშიშთათვის, რათადიდებამ დაისადგუროს ჩვენს ქვეყანაში.

¹¹შეიყრებიან წყალობა და ჭეშმარიტება, სიმართლე და მშვიდობაგადაჰკოცნიან ერთიმეორეს.

¹²ჭეშმარიტება დედამიწიდან აღმოცენდება და სიმართლე ზეციდანგადმოიხედავს.

¹³უფალიც გვიბოძებს სიკეთეს და ჩვენი მიწა მოგვცემს ნაყოფს.

¹⁴სიმართლე ივლის მის წინ და გზას გაუკაფავს მის ნაბიჯებს.