Read ახალი ქართულით, Modern Georgian Bible, 1982 იგავნი სოლომონისა 13 Bible Online

იგავნი სოლომონისა 13 - ახალი ქართულით, Modern Georgian Bible, 1982 bible

იგავნი სოლომონისა 13

¹ბრძენს შეგონება უყვარს, ღვთისმგმობელი კი მხილებას ყურს არ უგდებს.

²კაცი თავის ნათქვამისამებრ იგემებს სიკეთეს, მოღალატეთასული კი - ბოროტებას.

³პირმარხული კაცი თავს გადაირჩენს, ბაგემორღვეულს კიდაღუპვა მოელის.

⁴ზარმაცის სული მოწყურებულია, მაგრამ არაფერი აქვს;მუყაითნი კი დანაყრდებიან.

⁵მართალს ფუჭი სიტყვა ეჯავრება, ბოროტეული კი უნამუსოდიქცევა და თავს ირცხვენს.

⁶სიმართლე იფარავს უმწიკვლო გზით მავალს, ცოდვილს კისიბოროტე ღუპავს.

⁷ზოგიერთს თავი მდიდრად მოაქვს, მაგრამ არაფერი აბადია;სხვას ღარიბად მოაქვს თავი, მაგრამ დიდძალი დოვლათი აქვს.

⁸კაცი თავის სიცოცხლეს თავისი ქონებით გამოისყიდის,უპოვარს კი არ ესმის შეგონება.

⁹მართალთა ნათელი მხიარულობს, ბოროტეულთა ლამპარი კიქრება.

¹⁰მხოლოდ ამპარტავნობა წარმოშობს შუღლს, მოთათბირეებთან კი სიბრძნეა.

¹¹ქარით მოტანილი სიმდიდრე ცოტავდება, ხელით შემგროვებელიკი აბევრებს.

¹²ხანგრძლივი მოლოდინი გულს ასნეულებს, სიცოცხლის ხე კი ამხდარი ოცნებაა.

¹³ვინც სიტყვას არაფრად აგდებს, დაზარალდება; მცნებისმოშიში კი სამაგიეროს მიიღებს.

¹⁴ბრძენის დარიგება სიცოცხლის წყაროა, სიკვდილის მახის ამრიდებელი.

¹⁵კეთილი გონება წყალობის მომცემია, მოღალატეთა ხვედრი კი -სასტიკი.

¹⁶ყველა საზრიანი გონივრულად იქცევა, ბრიყვი კი ემეცრებასამხელს.

¹⁷ბოროტეულის მაცნე ჭირში ჩავარდება, ხოლო ჭეშმარიტმახარობელს განკურნება მოაქვს.

¹⁸დარიგების უკუმგდებელს სიღარიბე და სირცხვილი ელის,შეგონების შემთვისებელი კი პატივში იქნება.

¹⁹ასრულებული ნატვრა სულისთვის ტკბილია, ბრიყვთათვის კიბოროტებისგან განრიდება საძულველია.

²⁰ბრძენკაცებთან მოსიარულე თავად დაბრძენდება, ბრიყვთამეგობარი კი გაუბედურდება.

²¹ცოდვილებს უბედურება თანა სდევს, ხოლო მართალთ სიკეთითგადახდებათ.

²²კეთილი კაცი შვილიშვილებს მემკვიდრეობას უტოვებს,ცოდვილის სიმდიდრე კი მართლისთვის ინახება.

²³ღარიბ-ღატაკის ხოდაბუნში უხვი საზრდოა, მაგრამ ზოგჯერუსამართლობით იღუპება.

²⁴ვინც შვილისთვის წკეპლას არ იმეტებს, მისი მტერია; ხოლომოყვარული ჭკუას ასწავლის.

²⁵მართალი მხოლოდ დასანაყრებლად ჭამს, ბოროტეულთა სტომაქსკი მუდამ ეშიება.