Read ახალი ქართულით, Modern Georgian Bible, 1982 იგავნი სოლომონისა 14 Bible Online

იგავნი სოლომონისა 14 - ახალი ქართულით, Modern Georgian Bible, 1982 bible

იგავნი სოლომონისა 14

¹ბრძენი დედაკაცი თავის სახლს აშენებს, ბრიყვი კი საკუთარი ხელით ანგრევს მას.

²სწორი გზით მავალს უფლის შიში აქვს, გზაგამრუდებულს კიეჯავრება იგი.

³ბრიყვის დასასჯელი კეტი მის პირშივეა, ბრძენთა ბაგეები კიმათი დამცველია.

⁴სადაც ხარები არ არის, ბაგა ცარიელია; დიდი მოსავალიხარის ძალით არის.

⁵ჭეშმარიტი მოწმე არ იცრუებს, ცრუმოწმე კი ტყუილებსაფრქვევს.

⁶ღვთისმგმობელი სიბრძნეს ეძებს, მაგრამ ამაოდ; გონიერს კიცოდნა ეადვილება.

⁷ჩამოშორდი უმეცარ კაცს, თუ ჭკვიანურ ლაპარაკს ვერშეატყობ.

⁸გონიერი კაცის სიბრძნე საკუთარი გზის შეცნობაშია,უმეცართა სიბრიყვე კი ცრუობაშია.

⁹ბრიყვები დანაშაულზე იცინიან, მაგრამ მადლი წრფელთა შორისარის.

¹⁰გულმა უწყის თავისი საწუხარი და მის სიხარულს უცხო ვერავინ გაიზიარებს.

¹¹ბოროტეულთა სახლი დაიქცევა, გულწრფელთა კარავი კიგაიფურჩქნება.

¹²ზოგი გზა კაცის წინაშე სწორი ჩანს, მაგრამ მისი ბოლო სიკვდილის გზაა.

¹³სიცილის დროსაც კი წუხს გული და მხიარულება მწუხარებითმთავრდება ხოლმე.

¹⁴გულმრუდი კაცი თავისი საქციელით გაძღება, კეთილი კაცი კი- თავისი საქმეებით.

¹⁵სულელს ყველა სიტყვისა სჯერა, საზრიანი კი საკუთარ ნაბიჯსუკვირდება.

¹⁶ბრძენი ფრთხილობს და ბოროტებას ერიდება, უგნური კიბრაზიანია და თავდაჯერებული.

¹⁷ფიცხი კაცი სიბრიყვეს სჩადის, ავისმზრახველი კისაძულველია.

¹⁸სულელნი სიბრიყვეს იმკვიდრებენ, გონიერნი კი ცოდნით არიანდაგვირგვინებულნი.

¹⁹უკეთურნი ქედს მოიხრიან კეთილთა წინ, ბოროტეულნი კი -მართლის კარიბჭეებთან.

²⁰ბეჩავი კაცი ახლობლისთვისაც კი საძულველია, მდიდარს კიბევრი მოყვარე ჰყავს.

²¹თავისი ახლობლის მოძულე ცოდვილია, ღარიბ-ღატაკთამწყალობელი კი ნეტარია.

²²ხომ არეული აქვთ გზა-კვალი ავისმზრახველთ?კეთილისმზრახველთ კი მადლი და ჭეშმარიტება ახლავთ.

²³ყველა საქმეში გამორჩენაა, ლიტონ სიტყვებს კი ზარალი მოაქვს.

²⁴ბრძენკაცთა გვირგვინი მათი დოვლათია, უგნურთა სიბრიყვე კისიბრიყვეა.

²⁵ჭეშმარიტი მოწმე სულთა მხსნელია, ცრუ კაცი კი ტყუილებსაფრქვევს.

²⁶უფლის შიში მტკიცე იმედია, მისი შვილები თავშესაფარსჰპოვებენ.

²⁷უფლის შიში სიცოცხლის წყაროა, სიკვდილის ხაფანგისაგანგამომხსნელი.

²⁸ერის სიმრავლე მეფის დიდებაა, უხალხობა კი - მთავრისდაღუპვა.

²⁹სულგრძელ კაცს დიდი გონიერება ახლავს, ხელმოკლე კისიბრიყვეს ამხელს.

³⁰მანუგეშებელი გული ხორცის სიცოცხლეა, შური კი ძვალთალპობაა.

³¹ღარიბის მჩაგვრელი თავის შემოქმედს შეურაცხყოფს,მათხოვრის მწყალობელი კი უფლის მადიდებელია.

³²ბოროტეული თავისი უკეთურების გამო მოიკვეთება, მართალი კისიკვდილშიც სასოებას ჰპოვებს.

³³სიბრძნე გონიერ გულშია დავანებული და უგუნურთა შორისაცხდება საცნაური.