Read ახალი ქართულით, Modern Georgian Bible, 1982 იგავნი სოლომონისა 17 Bible Online

იგავნი სოლომონისა 17 - ახალი ქართულით, Modern Georgian Bible, 1982 bible

იგავნი სოლომონისა 17

¹ერთი ლუკმა ხმელი პური სიმშვიდეში უკეთესია, ვიდრე საკლავით სავსე სახლი უთანხმოებაში.

²გონიერი მონა სამარცხვინო შვილზე იხელმწიფებს და ძმებსშორის წილს დაიმკვიდრებს.

³ბრძმედი ვერცხლისთვის არის, ქურა - ოქროსთვის, ხოლოგულების გამომწრთობი უფალია.

⁴ბოროტი კაცი ავ ბაგეებს უსმენს, ცრუ კაცი უკეთურ ენასუგდებს ყურს.

⁵ვინც საპყარს დასცინის, მის შემოქმედს შეურაცხყოფს; ვინცუბედურებაზე იცინის, სასჯელს ვერ გადაურჩება.

⁶მოხუცთა გვირგვინი შვილთა შვილებია, შვილთა დიდება კიმათი მამებია.

⁷უგვანს არ მოსდევს რჩეული სიტყვები, როგორც კეთილშობილსყალბი სიტყვები.

⁸ჯადოსნური თვალია ქრთამი მისი გამღების თვალში; საითაც არუნდა მიბრუნდეს, წარმატება ექნება.

⁹დანაშაულის დამვიწყებელი სიყვარულის მძებნელია, ამბისშემხსენებელი კი მეგობარს იშორებს.

¹⁰გონიერზე დატუქსვა უფრო სჭრის, ვიდრე უმეცარზე ასი დარტყმა.

¹¹უკეთური მხოლოდ შფოთს დაეძებს, ამიტომ მის წინააღმდეგსასტიკი ანგელოზი გაიგზავნება.

¹²უმჯობესია კაცს ბელებწაგვრილი დათვი შეეჩეხოს, ვინემ სულელი თავისი სიბრიყვით.

¹³სიკეთის წილ ბოროტის მიმგებს სახლში უბედურება არგამოელევა.

¹⁴დავის დასაწყისი გაშვებული წყალია: ვიდრე არ აფეთქებულა,შეწყვიტე ცილობა.

¹⁵ბოროტეულის გამამართლებელი და მართლის გამამტყუნებელი - ორთავე სიბილწეა უფლის წინაშე.

¹⁶ამ ფულს რა უნდა უმეცრის ხელში? სიბრძნის შესაძენად ხომჭკუა არა აქვს?

¹⁷მეგობარი მუდამ მოყვარულია და ძმა გაჭირვებისთვისიბადება.

¹⁸უჭკუო კაცი პირობას დებს და თავის თვისტომს თავდებადუდგება.

¹⁹ცოდვის მოყვარულს შუღლი უყვარს, ხოლო საკუთარი კარისმაღლა ამწევი დაღუპვას ეძებს.

²⁰გულღრძო კაცი სიკეთეს ჰპოვებს, ორპირი კაცი უბედურებაშიჩავარდება.

²¹ბრიყვი შვილი მშობლის სადარდებელია და ვერც უკუღმართისმამა გაიხარებს.

²²მხიარული გული ჯანმრთელობაა, მწუხარე სული კი ძვლებსფიტავს.

²³ბოროტეული ქრთამს უბიდან იღებს, რათა სამარილის გზებიგაამრუდოს.

²⁴გონიერი კაცი სიბრძნის პირისპირ დგას, ბრიყვის თვალები კიქვეყნის ბოლოს აწყდება.

²⁵ბრიყვი შვილი მამის დარდია და დედის ნაღველი.

²⁶არ არის კარგი ალალმართლის დასჯა და კეთილშობილთა ცემასიმართლისთვის.

²⁷მცოდნე კაცი სიტყვაძუნწია და გონების კაცი დიდსულოვანია.

²⁸მდუმარე სულელიც კი ბრძნად ითვლება, ხოლო პირმოკუმული -ჭკვიანად.