Read ახალი ქართულით, Modern Georgian Bible, 1982 იგავნი სოლომონისა 24 Bible Online

იგავნი სოლომონისა 24 - ახალი ქართულით, Modern Georgian Bible, 1982 bible

იგავნი სოლომონისა 24

¹ნუ გშურს ბოროტი ხალხისა და მათთან ყოფნას ნუ ინდომებ:

²რადგან ძალადობაზე ფიქრობს მათი გული და მათი ბაგენიბოროტებაზე ლაპარაკობენ.

³სიბრძნით შენდება სახლი და გონიერებით არის დაფუძნებული.

⁴ცოდნის წყალობით ივსება ოთახები ყოველგვარი ძვირფასი დასაუცხოო ქონებით.

⁵ბრძენი ძალმოსილზე ძლიერია და მცოდნე კაცი ძალოვან კაცზე.

⁶თავგზიანად წარმართე ბრძოლა და შველა მრავალი მრჩევლისწყალობით გექნება.

⁷ბრიყვისთვის სიბრძნე მიუღწეველია, კარიბჭესთან პირს ვერგახსნის.

⁸ვინც ავს განიზრახავს, ბოროტმოქმედად იწოდება.

⁹ბრიყვის ზრახვა ცოდვაა და ზნეწამხდარი სიბილწეახალხისთვის.

¹⁰თუ გაჭირვების დროს დაუძლურდი, მცირე ყოფილა შენი ძალა.

¹¹იხსენი საკვდავად წაყვანილნი და დაიფარე დასახოცადგანწირულნი.

¹²თუ იტყვი, აბა, ჩვენ ეს არ ვიცოდით, განა გულთამხილავი ვერ მიხვდება? განა ამას შენი სულის მფარველი ვერ გაიგებს? განა კაცს თავისი საქმეთაებრ არ მიაგებს?

¹³ჭამე, შვილო, თაფლი, რადგან კარგია და გოლეულიც ეტკბილებაშენს სასას.

¹⁴ასევეა ცოდნა და სიბრძნე შენი სულისათვის: თუ იპოვი,მომავალი გექნება და შენი სასოება არ წარიკვეთება.

¹⁵ნუ უსაფრდები ბოროტეული მართლის საცხოვრებელს და თავს ნუესხმი მის სადგომს;

¹⁶რადგან მართალი შვიდგზისაც რომ დაეცეს, წამოდგება,ბოროტეულნი კი უბედურებაში ჩაცვივდებიან.

¹⁷ნუ ხარობ შენი მტრის დაცემით და მისი წაბორძიკებით ნუილხენს შენი გული,

¹⁸თორემ უფალი დაინახავს და ბოროტებად შერაცხავს, თავის რისხვას შენზე მოაქცევს.

¹⁹უკეთურებს ნუ გაეჯიბრები და ბოროტეულთა ნუ მეგშურდება,

²⁰რადგან უკეთურებას მომავალი არ უწერია, ბოროტეულთალამპარი ჩაქრება.

²¹შვილო, უფლისა და მეფის გეშინოდეს და მეამბოხეთ ნუგაეკარები,

²²რადგან ანაზდად დაატყდება უბედურება და ვინ იცის, რასდაატეხს ერთი ან მეორე.

²³ესეც ბრძენკაცთა ნათქვამია: სამსჯავროზე მიკერძოება კარგიარ არისო.

²⁴ვინც ურჯულოს ეუბნება, მართალი ხარო, მას წყევლა-კრულვასშეუთვლის ერი და შეაჩვენებენ მას ხალხები.

²⁵მათი მამხილებელნი კი სათნოდ შეირაცხებიან და მათზეგადმოვა კეთილი კურთხევა.

²⁶ვინც სწორ პასუხს იძლევა, ის პირზე ჰკოცნის.

²⁷შენი საქმე გარეთ მოამზადე, ველზე გაასრულე იგი და ამისშემდეგ აიშენე სახლი.

²⁸შენი მახლობელის წინააღმდეგ ფუჭ მოწმედ ნუ გამოხვალ და ნუიცრუებ შენი ბაგეებით.

²⁹ნუ იტყვი, როგორც მომექცა, ისე მოვექცევიო, თავისისაქმისაებრ მივაგებო.

³⁰გადავიარე ზარმაცი კაცის ყანა და ჭკუათხელი ადამიანისვენახი;

³¹და, აჰა, ყოველივეს ეკალ-ბარდები მოდებოდა, მისი ნიადაგიჯინჭრით დაფარულიყო და მისი ყორეც დანგრეულიყო.

³²როცა ეს ვნახე, ჩავფიქრდი, შევხედე და ჭკუა ვისწავლე:

³³ცოტას იძინებ, ცოტას ჩასთვლემ, ცოტახანს თავქვეშ ხელებსშემოიწყობ დასასვენებლად,

³⁴და შენი სიღარიბე მწირივით მოგადგება და შენი გაჭირვება -იარაღასხმული კაცივით.