Read ახალი ქართულით, Modern Georgian Bible, 1982 იგავნი სოლომონისა 9 Bible Online

იგავნი სოლომონისა 9 - ახალი ქართულით, Modern Georgian Bible, 1982 bible

იგავნი სოლომონისა 9

¹სიბრძნემ სახლი აიშენა, მისი შვიდი ბოძი გათალა.

²დაკლა თავისი საკლავი, გააზავა თავისი ღვინო და გაშალათავისი ტაბლა,

³გაგზავნა თავისი მხევლები, გადასძახა ქალაქისმაღლობებიდან:

⁴ბრიყვი ვინც არის, აქეთ მობრუნდეს! ჭკუათხელებს კი უთხრა:

⁵მოდით, დაპურდით ჩემი პურით და შესვით ჩემი განზავებულიღვინო.

⁶მიატოვეთ სიბრიყვე და იცოცხლებთ, ჭკვიანური გზით იარეთ.

⁷ღვთისგმობელის დამრიგებელი დამცირებას იხვეჭს, ბოროტეულისმამხილებელი - შეურაცხყოფას;

⁸ნუ ამხილებ ღვთისმგმობელს, თორემ შეგიძულებს; ამხილებრძენი და შეგიყვარებს;

⁹მიეცი დარიგება ბრძენს და კიდევ უფრო დაბრძენდება,ასწავლე მართალს და ცოდნას შეიმატებს.

¹⁰უფლის შიში სიბრძნის სათავეა, სიწმინდეთა ცოდნა კი გონიერება.

¹¹რადგან ჩემით გამრავლდება შენი დღენი და მოგემატებასიცოცხლის წლები.

¹²თუ ბრძენი ხარ, შენთვის ხარ ბრძენი, თუ ღვთისმგმობელი ხარ, შენვე აგებ პასუხს.

¹³სულელი ქალი მყვირალაა, ბრიყვი და არაფრის მცოდნე;

¹⁴თავისი სახლის კართან ტახტზე ზის, ქალაქის მაღლობზე,

¹⁵რათა მოიწვიოს სწორი გზით მოარულნი;

¹⁶ბრიყვი ვინც არის, აქეთ მობრუნდეს! ჭკუათხელს იგიეუბნება:

¹⁷ტკბილია მოპარული წყალი, გემრიელია გადამალული პური.

¹⁸არ კი იცის, რომ იქ აჩრდილნი არიან, რომ მისი წვეულნიშავეთის უფსკრულებში იმყოფებიან.