Read ახალი ქართულით, Modern Georgian Bible, 1982 ეკლესიასტე 3 Bible Online

ეკლესიასტე 3 - ახალი ქართულით, Modern Georgian Bible, 1982 bible

ეკლესიასტე 3

¹ყოველივეს თავის დრო აქვს და ყველაფერს თავისი ჟამი ამ ცისქვეშეთში.

²ჟამი შობისა და ჟამი სიკვდილისა; ჟამი დანერგვისა და ჟამიდანერგულის აღმოფხვრისა.

³ჟამი მოკვდინებისა და ჟამი განკურნებისა; ჟამი ნგრევისადა ჟამი შენებისა.

⁴ჟამი ტირილისა და ჟამი სიცილისა; ჟამი გლოვისა და ჟამილხინისა.

⁵ჟამი ქვათა მიმოფანტვისა და ჟამი მათი შეგროვებისა; ჟამიმიჯნურთა პაემანისა და ჟამი მათი გაყრისა.

⁶ჟამი პოვნისა და ჟამი დაკარგვისა; ჟამი შენახვისა და ჟამიგაფლანგვისა.

⁷ჟამი დარღვევისა და ჟამი შეკერვისა; ჟამი დუმილისა დაჟამი უბნობისა.

⁸ჟამი სიყვარულისა და ჟამი სიძულვილისა; ჟამი ომისა დაჟამი მშვიდობისა.

⁹რას არგებს მაშვრალს შრომა მისი?

¹⁰კიდევაც ვნახე საზრუნავი, რომელიც ღმერთმა მიუჩინა ადამის ძეთ მათ სატანჯველად.

¹¹მან ყველაფერი კეთილად შექმნა თავის დროისთვის, თვითიდუმალის შეცნობად აღძრა გონება კაცთა, ოღონდ ისე, რომ ვერ გაუგონ ღვთისნამოქმედარს თავი და ბოლო.

¹²ვუწყი, რადგან არაფერია კაცისათვის იმაზე კარგი, რომ გაიხაროს და ქმნას სიკეთე, ვიდრეღა ცოცხლობს.

¹³თუ კაცსა ვისმე არ აკლდება სასმელ-საჭმელი და შრომისა წილსიკეთეს ჰპოვებს, ეს მადლია, ღვთის ნაბოძები.

¹⁴ვუწყი ისიც, რომ ყოველივე, ღვთის მიერ ქმნილი, იარსებებსუკუნისამდე; არც დამატება სჭირდება რამის, არც გამოკლება. ასე ქმნაღმერთმა, მის წინაშე შიში რომ ჰქონდეთ.

¹⁵რაიც ყოფილა, უკვე არის დიდი ხანია; და რაც იქნება, ისუკვე იყო. და აწ გარდასულს მხოლოდ ღმერთი გამოიძიებს.

¹⁶კიდევ ვიხილე მზისქვეშეთში: განსჯის ადგილი დაეჭირაუკანონობას. მართლის ადგილი მტყუან კაცს ეპყრა.

¹⁷მაშინ ვთქვი გულში: ღმერთი განსჯის მართალს და მტყუანს,როცა ყველაფერს და ყოველ საქმეს დაუდგება იქ თავის ჟამი.

¹⁸და ვთქვი ჩემს გულში: ასე გამოცდის თურმე ღმერთი ადამისძეთა, რათა დარწმუნდნენ, რომ თავისთავად პირუტყვები არიან მხოლოდ.

¹⁹რადგან კაცის და პირუტყვის ხვედრი ერთია - ერთის სიკვდილიმეორისას ჰგავს და ყველას ერთი სული უდგას, კაცი პირუტყვზე ვერაფრით ვერუპირატესობს, რადგან ყველაფერი ამაოა.

²⁰ყოველივე ერთ ადგილს მივა; ყველაფერი მიწისგანაა დაყველაფერი მიწად იქცევა.

²¹რომელი იტყვის, რომ კაცთა სული ზევით მიილტვის, ხოლოპირუტყვის ქვევით ჩადის, ქვესკნელისკენ?

²²ვხედავ, კაცთათვის სხვა სიკეთე რომ არ ყოფილა, თუ არიხარა თავის ნაღვაწით, რადგან ესაა მისი წილი ამ მზისქვეშეთში, ვინდაანახვებს, რა მოხდება შემდგომად მისა?